CONTRIBUCIÓN DO PD AO PROXECTO EDUCATIVO
O Plan Dixital de Centro, de agora en diante PDC, ten que formar parte das sinais de identidade do centro e polo tanto contribuír e formar parte do PE. O alumnado do CEIP Plurilingüe A Laxe, debe ser un alumnado formado en todas as competencias que establece a lei educativa e polo tanto, a competencia dixital ten que traballarse a todos os niveis. O PDC ten que establecer estratexias para que o alumnado adquira os aprendizaxes a través de medios dixitais e teña estes medios como recurso para a súa aprendizaxe. Non podemos esquecer que dentro das sinais de identidade no PE, temos un amplo alumnado de atención a diversidade para o cal, os recursos que podemos ofrecer a través de medios dixitais serán claves para traballar e lograr un maior éxito académico e social.
A comunicación coas familias nos tempos nos que vivimos xa non pode estar limitada aos medios escritos, o plan dixital ten que aportar ao noso PE, un sistema de información e comunicación moito máis completo que o que ata agora se mantiña.
É fundamental establecer unha estreita relación entre a Biblioteca e o Plan Dixital. Dentro do noso PDC contemplamos unha mellora dos medios dixitais dispoñibles para a biblioteca do centro.
Con respecto a outros plans, a difusión do noso idioma e o traballo de actividades e recursos a través das novas tecnoloxías educativas, farán que a difusión do Plan de Dinamización da Língua Galega acade maior calado.
O PDC contribúe á Programación Xeral Anual do curso 2023/2024 en tres vías: Integración de sistemas de avaliación a través de ferramentas dixitais. Dotación de medios e dispositivos dixitais para fomentar a lectura. Dotación de medios e recursos para o profesorado e alumnado para a mellora académica.
Achega dos medios dixitais á consecución da adquisición dos elementos curriculares. Art. 111 bis, Art. 121 e Art. 132 da LO 2/2006, de 3 de maio, de Educación.
Instrucións para o ensino non presencial. Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021/2022.
Instrucións para elaborar o plan dixital de centro. Resolución do 3 de setembro de 2021, da Secretaría Xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021/2022.
Os documentos de recollida de información foron o informe SELFIE e o test de competencia dixital docente.
Unha vez analizado o informe SELFIE e o test CDD observamos unhas fortalezas e debilidades a nivel interno e unhas ameazas e oportunidades a nivel externo, que quedan rexistradas no presente contexto DAFO.
O equipo de dinamización do Plan Dixital realizará as reunións necesarias para facer un seguimento e valorar as evolucións deste Plan Dixital.
Os obxectivos plantexados para o primeiro trimestre foron acadados total o parcialemente.
Os obxectivos plantexados para o segundo trimestre non foron todos acadados. Depois de falar co claustro, chegamos a acordos para replantexar ditos obxectivos e modificalos de cara o curso que entra 24-25.
Como falamos no segundo trimestre, certos obxectivos plantexados no plan no foron acadados. Polo que chegado o acordo co claustro, serán replantexados e modificados para o vindeiro curso, sendo estes máis realistas tendo en conta o noso estilo de centro.
O procedemento de seguimento do desenvolvemento do plan e da consecución de obxectivos, será o seguinte:
- No contexto da avaliación procesual se avaliará, como mínimo, unha vez ao trimestre,o desenvolvemento do plan dixital. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora. - No contexto da avaliación final a frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora
Rematado o curso e botando unha mirada atrás, podemos afirmar que o centro vai por bo camiño en canto o Plan Dixital se refire. Tendo en conta que a pesar de ter plantexados obxectivos básicos e con marxe, non todos foron acadados. Quizá debido a ser obxectivos, ainda sinxelos, non concordan coa realidade do centro. Polo que cara o curso que vén, aqueles que non foron completados, serán modificados de acordo o noso centro.
Cremos que é importante e interesante a partes iguais a aplicación tecnolóxica do noso claustro e alumnado, pero sen esquecer que tamén o é a importancia de limitar os tempos de exposición a pantallas. Neste sentido, é recomendable ter este contacto e ensinar o noso alumnado a discriminar a información que podan atopar na rede, así como a utilización de diferentes ferramentes dixitais, pero sen esquecer a necesidade de que non esquezan a base.
Como propostas de mellora:
- Deixar o alumnado de 1º e 2º libre do uso da Aula Virtual. Necesitan tempo para adquirir outros coñecementos.
- Comezar a aplicación do uso da Aula Virtual no alumnado de 3º e 4º de Educación Primaria.
- No terceiro ciclo centrarémonos en Edixgal, xa que funciona coma unha aula virtual. Polo que non é necesario sobrecargar ó alumnado.
En canto ó profesorado, a súa implicación foi positiva y de cara o curso que vén seguiremos na liña. A utilización de diferentes ferramentas dixitais nas súas esións estarán presentes, sempre baixo o seu criterio.
O plan dixital darase a coñecer a Comunidade Educativa nas diferentes reunións de avaliación realizadas por cada titor/a ao comenzo de cada curso.
O enlace do Plan Dixital está colgado na web do centro.
A persoa coordinadora do Plan Dixital terá acceso a esta ferramenta Educalidade para poder rexistrar os avances e a avaliación deste plan baixo a supervisión da persoa directora do centro.
