Datos básicos do centro
O centro público integrado plurilingüe “Eusebio Lorenzo Baleirón” de Dodro, concello rural de arredor de 3000 habitantes acolle, xunto coas catro escolas unitarias, o alumnado procedente de vinte núcleos de poboación (núcleos que destacan pola súa dispersión dentro do Concello).
Os servizos culturais son limitados: a Casa da Cultura, algunhas agrupacións culturais e deportivas e asociacións de veciños completan a infraestrutura cultural do entorno.
A maioría do alumnado convive cos seus pais, e unha pequena porcentaxe con irmáns,avós ou outros familiares. Nun número importante de familias ambos proxenitores traballan fóra do fogar. Desta forma hai marcadas diferenzas culturais ademais de diferentes posibilidades de medios para a educación entre o alumnado. O número de alumnado inmigrante é moi baixo.
Contextualización do Plan Dixital no centro. Contribución ao Proxecto Educativo do Centro
Practicamente o 100% do alumnado provén do medio rural, xa que non existe un núcleo de poboación que se poida considerar como centro urbano do Concello. O nivel de estudos realizado pola poboación oscila entre o 25% que non ten estudos o 60% que ten estudos primarios, e un 15% con estudos medios e superiores.
A contribución do Plano Dixital ao Proxecto educativo pretende cubrir o oco que ten o acceso ás novas tecnoloxías por parte dun Concello eminentemente rural. No que se refire ao Centro, a mellora dos últimos anos é notábel no que se refere a conexión (xa temos fibra óptica desde o curso 2021/22) e tamén existe melloría no que se refere a equipamento informático grazas á renovación de equipas tentando reutilizar todo o material posível.
A nivel educativo podemos indicar como cada vez é máis utilizado polo profesorado as novas tecnoloxías de cara a consecución dos obxectivos didácticos e actividades educativas. Existindo aínda así profesorado que non usa os mesmos.
A contribución do PD de cara á Programación Xeral Anual do 22/23 pretende mellorar certos aspectos recollidos no DAFO e no Plan de Acción 2022/23.
Breve xustificación do mesmo
Seguindo o Artigo 111 bis da LO 2/2006 do 3 de maio, é necesario tomar medidas para potenciar os entornos virtuais de aprendizaxe nos centros educativos para a consecución dos obxectivos concretos do currículum. Do mesmo xeito o centros terán que promover o uso das TIC na aula. No Artigo 121 indicase que o centro deberá recoller esta estratexia dixital no proxecto educativo e no artigo 123 establece como competencias das directoras promover a inovación educativa.
A disposición adicional quinta da Resolución do 17 de xuño de 2021, da Secretaría Xeral de Educación e Formación Profesional (DOG 30 de xuño), pola que se ditan instrucións para o desenvolvemento das ensinanzas de educación infantil, educación primaria, educación secundaria obrigatoria e bacharelato no curso académico 2021-2022 sinala que os centros docentes elaborarán no curso 2021-2022 o seu Plan Dixital de acordo coas instrucións que se diten.
Instrucións que foron establecidas na Resolución do 3 de setembro de 2021 pola que se ditan instrucións para o deseño, elaboración e implementación do Plan Dixital para o curso 2021-2022.
Proceso de elaboración
Tal e como se marcou no curso 2022/23, fixemos un pfpp através do Cafi onde un dos itinerarios era a creación do Plan Dixital. Creamos a Equipa de Dinamización do Plano Dixital e comezamos a traballar seguindo os pasos creados na aula dixital.
Indicamos que o profesorado e alumnado participou de maneira moi activa e nunha porcentaxe bastante elevada, tanto no SELFIE, como no CDD. Desta maneira o DAFO foi elaborado dunha maneira máis realista posíbel dando lugar a un Plan de Acción bastante ambicioso, que teremos que ir comprobando ao longo deste curso 2023/2024
