Dados os cambios que se producen na educación hacia unha educación dixital e tratando de dar resposta á realidade social resultante do uso xeneralizado das tecnoloxías de información e comunicación en múltiples aspectos da vida cotiá,  consideramos necesaria a elaboración deste plan para poder seguir unha liña pedagóxica conxunta, promovendo unha transformación dixital que inclúa unha visión da competencia dixital máis moderna e ampla e acorde coas recomendacións europeas relativas ás competencias clave para a aprendizaxe permanente.

O  eixe educativo do centro aposta por espazos ao servizo dos proxectos educativos, vinculados á transformación dixital e que sexan xeradores de igualdade e de inclusión na procura da excelencia, a universalidade e a equidade na educación, que elimina as brechas sociais e territoriais, que incentiva a formación continua e cre no talento, promocionando o emprendemento e a innovación, o reforzo das súas capacidades de investigación e a atracción e fomento da excelencia que guíe ao alumnado a consecución dunha cidadanía dixital plena.

Ao inicio do presente curso escolar creouse un  Equipo de Dinamización do Plan Dixital que, en sesións grupais e individuais, encargaríase da elaboración  dos puntos esenciais do mesmo conforme as directrices ditadas pola Consellería respondendo ás diversas tarefas propostas e entregando os produtos resultantes nas datas requeridas.

En todo este proceso o Equipo estivo asesorado por unha mentora asinada ao noso centro que o guiou resolvendo todas as dúbidas e inquietudes que ían surxindo ao longo do mesmo. 

Para a análise e diagnose da situación real do centro educativo en relación á competencia dixital empregouse a ferramenta SELFIE, a través da cal, realizáronse as enquisas propostas dirixidas a profesorado e  alumnado, coa finalidade de obter en liña un informe de autoavaliación do centro: o Informe SELFIE.

De cara a avanzar nas competencias profesionais docentes relacionadas co ámbito dixital, realizouse o Informe Individual do Test CDD (Test de Competencia Dixital Docente) permitíndonos planificar unha formación persoal e individualizada que atenda ao nivel de partida de cada docente, e unha liña de formación a través do PFPP en función das necesidades dos profesionais do noso centro, obtendo un Informe Individual coa valoración global do nivel competencial (A1- C2) de cada un deles.

A partir do citado Informe SELFIE, xeramos un informe sobre Debilidades, Ameazas, Fortalezas e Oportunidades (DAFO) que nos proporcionou a análise da situación e a definición das liñas fundamentais do Plan Dixital en termos de obxectivos e actuacións.

Unha vez obtido o DAFO e partindo dos seus resultados creamos as Táboas de Obxectivos do noso Plan de Acción, seleccionando obxectivos específicos, medibles, alcanzables, relevantes, e definidos (SMART), así como as accións a desenvolver  para acadalos.

E así, seguindo as indicacións dabas pola Consellería completouse un Plan que será implementado  durante o curso 2022-2023  e que será sometido a un proceso de avaliación continua, co obxectivo final de mellorar o desenvolvemento da competencia dixital do alumnado e o emprego das tecnoloxías dixitais na aprendizaxe a través do desenvolvemento da competencia dixital do profesorado -tanto individual como colexiada- e da transformación dos centros en organizacións educativas dixitalmente competentes.

Cunha periodicidade de alomenos unha vez ao trimestre someterase a analise o Plan e a consecución dos obxectivos propostos, analizando o estado das accións a desenvolver e a consecución dos seus fins e, se éstos foron logrados no tempo estimado, e, no caso contrario, procedendo ás modificacións oportunas.

cunha periodicidade de alomenos unha vez ao ano, procederase a unha avaliación final do Plan, na que, non so examinaranse os resultados obtidos durante todo o curso escolar, senón que se procederá á confirmación de todas aquelas accións que permitiron acadar os anteditos obxectivos e á modificación ou eliminación daquelas que resultaron infructuosas, substituíndoas dado o caso, por outras máis adecuadas.

Reflictiranse as propostas de mellora no seguinte curso escolar.

Para unha efectiva difusión do Plan dixital entre toda a comunidade educativa, e facilitar así o seu coñecemento, funcionamiento e a súa finalidade, empregaránse os seguientes medios:

1.- incluirase a presentación do Plan Dixital como punto do orde do día na reunión coas familias do alumnado que se celebra no centro educativo con ocasión de inicio do curso escolar, na que non só se procederá á súa exposición,  senón que se resolverán todas as dúbidas que poidan xurdir a fin de conseguir unha maior familiariazación con mesmo por parte delas.

2.- así mesmo, e a través da páxina web do centro educativo, exporanse de manera pormenorizada os contidos de dito plan, obxectivos e fins a lograr, a fin de que poida ser coñecido por todos na sua totalidade e poida ser consultado en caso de resultar necesario.