Plan do centro
Vixencia
Introdución
Contexto DAFO
Obxectivos
Seguimento
O procedemento de seguimento do desenvolvemento do plan será o de reunións mensuais do equipo do plan dixital do centro, analizando o grao de consecución dos obxectivos indicados no Plan de acción a partir dos indicadores nel incluídos.
- Trimestralmente na CCP correspondente farase a avaliación do proceso de cada trimestre incluíndo o estado da excución das accións propostas, a valoración dos resultados parciais e, de ser o caso, as posibles modificacións das accións e as propostas d emellora.
Neste primeiro trimestre o equipo do plan dixital realizou reunións formais e informais nas que se foron tomando decisións e organizando os recursos humanos, materiais, espaciais e temporais.
A coordinadora de Polos creativos asiste a formación
A coordinadora Edixgal participa no seminario de coordinadores Edixgal do CEFORE A Coruña.
O alumnado de 6º recibe charlas da garda civil dentro do Plan Director.
Está habilitada a aula STEAM-Polos.
Decídese abrir a partir de xaneiro a aula STEAM-Polos nos recreos do mércores.
A Consellería instala novos puntos ap que proporcionan unha boa cobertura wifi no centro.
No 2º trimestre o equipo do plan dixital continúa realizando reunións formais e informais nas que se intercambia información e ideas.
A coordinadora de Polos creativos continua asistindo ás sesións de formación.
A coordinadora Edixgal continúa participando no seminario de coordinadores Edixgal do CEFORE.
Abriuse a aula STEAM-Polos nos recreos do mércores, asisitindo alumnado voluntariamente de 5º e 6º de Primaria para facer proxectos e xogos de índole tecnolóxica.
No 3º timestre ademais de continuar coas reunións e coas formacións o equipo e máis membros do claustro recibe dentro do PFPP formación dentro do itinerario de Polos creativos.
A formación consistiu no manexo da cortadora láser e no ploter de corte, tendo a oportunidade de poder practicar uns días con ditas máquinas grazas a facilidade de préstamo ofertada pola asesora de Polos creativos do CEFORE.
O alumnado de 5º e 6º segue asistindo nos recreos á aula STEAM-Polos.
Avaliación
O procedemento de seguimento do desenvolvemento do plan será o de reunións mensuais do equipo do plan dixital, analizando o grao de consecución dos obxectivos indicados no Plan de acción a partir dos indicadores nel incluídos.
- Farase unha avaliación inicial e unha avalilación final incluindo a valoración do logro dos obxectivos e as propostas de mellora.
Este curso estivo condicionado por dous aspectos que fixeron coxear o plan dixital do centro: por un lado a non chegada do material agardado de Polos creativos impediron plantexar actividades e retos ao alumnado para incrementar a súa competencia dixital. Por outro lado a carga burocrática e de formación no primeiro ano na dirección da coordinadora Edixgal e coordinadora TIC restou tempo e esforzo para unha maior implicación no plan dixital.
O vindeiro curso nomearase unha nova persoa como coordinadora Edixgal.
A finais de curso chegaron os paneis interactivos que agardemos sexan instalados proximamente e faciliten o incremento da metodoloxía dixital.
A instalación de novas tomas de internet na biblioteca, demandadas durante moito tempo facilitarán a dixitalización da mesma e o uso deste espazo de maneira satisfactoria coa boa conexión.
Plantexaranse a principios de curso indicadores cuantitativos para facilitar a avaliación do plan dixital.
Proponse continuar coa apertura da aula STEAM- POR FA enreda no recreo unha vez por semana, na que o alumnado interesado poderase enfrontar a retos tecnolóxicos, científicos e de pensamento computacional.
Comunicación e difusión
O Plan, unha vez aprobado en Claustro e Consello , aparecerá en lugar destacado na Páxina web, e farase referencia a el nos documentos organizativos cos que teña relación: PXA, NOF, etc
link: http://www.edu.xunta.gal/centros/ceipportofaro/system/files/plandixital_definitivo2.0.pdf