O obxectivo final da posta en marcha do Plan Dixital é mellorar o desenvolvemento da competencia dixital do alumnado e o uso das tecnoloxías dixitais na aprendizaxe a través do desenvolvemento da competencia dixital do profesorado -tanto individual como colexiada- e da transformación dos centros en organizacións educativas dixitalmente competente.
Polo que a xustificación de dito plan ven determinada polos seguintes referentes lexislativos:
¿ Art. 111 bis, Art. 121 e Art. 132 da LO 2/2006, de 3 de maio, de Educación
¿ Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
¿ Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
O CEIP Pazos-Comoxo está situado no lugar de Comoxo, concello de Boiro. Está nunha zona rural a menos de 5 km do centro do municipio. O núcleo conta cunha poboación de menos de 200 habitantes. Situado na comarca do Barbanza ó lado da estrada que comunica as localidades de Boiro e Noia. Veñen a esta escola nenas da aldea de Comoxo e tamén dalgunhas aldeas da parroquia de Cures e de Macenda. A aldea de Comoxo está bastante ben situada entre dos núcleos de poboación importantes como son Boiro, concello o que pertence, e Noia.
O centro conta cun total de 7 alumnas, repartidos entre infantil e 1º-2º de primaria.
O número de alumnas/os por nivel é o seguinte:
· 2 alumnas de 4º de infantil
· 2 alumnas de 5º de infantil
· 1 alumna de 6º de infantil
· 1 alumna de 1º de primaria
· 1 alumna de 2º de primaria
O CEIP conta cunha unidade mixta, hai unha profesora titular que se encarga de impartir clase na maioría das areas de Educación Infantil e Primaria e que por suposto tamén desempeña outros cargos.
Tamén contamos cunha mestra especialista en lingua Inglesa que imparte clases de inglés unha hora á semana para os alumnos do primeiro ciclo de primaria e unha hora para os alumnos de infantil. Outra profesora imparte tres horas semanais clases de relixión católica.
O centro conta coa aula principal onde se imparte clase, ademais de unha aula de inglés e relixión no piso superior. A aula principal conta con ordenador de mesa, proxector e pizarra dixital; mentres que a aula de inglés e relixión non conta con ningún dispositivo dixital.
Como xa dixemos no apartado anterior, o centro atópase nunha zona rural. O nivel socioeconómico das familias do alumnado é medio-baixo.
A través deste Plan dixital preténdese dar unha maior presenza ás novas tecnoloxías no proceso de ensinanza-aprendizaxe do alumnado. Potenciando a competencia dixital dos mesmos e secuenciando uns determinados contidos que se impartirán nos diversos niveis educativos e iniciando ao alumnado na creación de contidos propios coas novas tecnoloxías. Sabemos que o alumnado ten que ser competente dixitalmente e, por iso nas nosas programacións hai sempre un apartado en cada materia para lograr con éxito este propósito, aínda que ás veces isto supoña un gran esforzo polos recursos limitados dos que dispoñemos.
O plan dixital contribuirá a iniciar ao noso alumnado na linguaxe de programación, co bee-bot; e potenciar así nas alumnas as competencias STEAM. Potenciando ao mesmo tempo ao logro dos obxectivos fixados na PXA para o curso 2022/2023.
