O IES Cabo Ortegal (15021755) é un centro público no que neste curso escolar 2023-2024 imparten docencia 26 profesoras/es aun total de 147 alumnas/os. Atópase situado no Concello de Cariño de 3699 habitantes segundo o padrón municipal de 2022, e con notables deficiencias no que a vías de comunicación ou transporte se refire á hora de salvar as distancias que o separan do núcleos máis próximos.
Con este Plan preténdese dar continuidade ao Plan iniciado no ano 2022, tentando dar resposta á realidade social do uso xeralizado das tecnoloxías da información e comunicación, así como realizar unha transformación dixital que inclúa unha visión máis moderna e ampla.
Os obxectivos principais que se pretenden acadar con el son:
O Plan foi elaborado polo Equipo de Dinamización Dixital, e o proceso ata a súa redación foi o seguinte:
Seguiuse e a ter en conta a diagnose elaborada no curso 2021-2022 coa ferramenta SELFIE no referente á situación de centro na que participaron profesorado, alumnado e os membros do equipo directivo, así como as conclusións do Test de Competencia Dixital Docente coa valoración global do nivel competencial (A1 – C2).
Procedeuse a revisar o DAFO (Debilidades – Fortalezas – Ameazas – Oportunidades) do centro que serviu de base e orientación para fixar as accións a levar a cabo neste plan.
En base á situación do centro e ao informe DAFO volvéronse a propor varios obxectivos e accións a levar a cabo e que finalmente son os que figuran no Plan de Acción no punto 3 deste documento.
Unha das fontes empregadas para realizar a análise DAFO foi a información do resumo das áreas do informe SELFIE de cada etapa educativa (Ver ANEXO I - Resumo áreas informe SELFIE).
Outra das fontes empregadas para realizar a análise DAFO foi o informe grupaL DO Test CDD de centro (Ver ANEXO II - Informe grupal TCDD).
Realizarase un seguimento mensual ou trimestral segundo corresponda das accións levadas a cabo así como do grao de cumprimento dos obxectivos formulados. De ser necesario realizaranse as modificacións e propostas de mellora necesarias.
Leváronse a cabo todas as accións previstas neste primiero trimestre.
Realizáronse as acción previstas neste segundo trimestre.
Destacar que realizar unha revisión completa do equipamento dixital do centro resulta moi complicado, xa que non se dispón das suficientes horas que permitan un mantemento óptimo do cada vez máis numeroso material dixital. Proporase buscar unha empresa para externalizar dita revisión e mantemento.
Recibiuse equipamento informático para a aula de informática da ESO e para a sala do profesorado.
Estamos pendentes de recibir as nove pantallas dixitais que serán instaladas nas aulas do centro.
Tal e como se manifestou no seguimento das accións previstas deste Plan, realizar un mantemento mensual do equipamento informático a través dunha empresa externa supón un elevado custo para o centro. Seguirase a buscar alternativas para poder realizar un mantemento semestral.
Para tratar de acadar os mellores resultados deste Plan Dixital, levaremos a cabo unha avaliación continua que nos permitirá saber se os obxectivos propostos o Plan de acción están ben adecuados e se as accións propostas son as correctas.
No relativo á avaliación procesual a frecuencia da súa realización ven reflectida na data de fin prevista de cada unha das accións a levar a cabo, realizándose estas alo menos unha vez ao trimestre, valorándose o seu estado así como a análise e valoración dos resultados acadados. De ser necesario realizaranse as modificacións e propostas de mellora necesarias.
No que respecta á avaliación final, esta realizarase alo menos unha vez ao ano ao rematar o curso escolar, incluíndo a valoración do logro dos obxectivos propostos e as propostas de mellora necesarias que nos permitan afondar nos obxectivos de cara ao vindeiro curso.
A valoración xeral é positiva, aínda que cabe destacar que resulta complicado de cara a vindeiros cursos propor accións novas e innovadoras que permitan elaborar o Plan. Tentarase manter unha liña continuista de cara a vindeiros cursos.
Reducir o número de obxectivos e incidir en aquelas accións que non se puideron desenvolver por completo.
Continuar con accións encamiñadas á mellora da competencia dixital do alumnado e profesorado, así como á formación dun uso seguro e responsable das redes sociais.
Unha vez aprobado polo Consello Escolar, este Plan Dixital estará a disposición de toda a comunidade educativa na páxina web do IES Cabo Ortegal no apartado “Documentación”, podendo ser revisado en calquera momento se as necesidades do centro así o aconsellan, informando, de selo caso, ao Claustro e Consello Escolar de todas aquelas modificacións realizadas.
