O IES Canido é un centro público de ESO e Bacharelato situado na rúa Navegantes s/n, no barrio de Canido, un dos barrios históricos da cidade de Ferrol. O seu equipo directivo no curso 2023-2024 está formado por:
Director: Rodrigo Montes Rodríguez
Xefa de estudos: María Ángeles Calvo Losada
Secretario: Maikel Hernández Castellanos
Vicedirectora: María Cristina Bravo Fernández
Entre os seus datos de interese salientamos:
Correo electrónico: ies.canido@edu.xunta.gal
Páxina web: http://edu.xunta.gal/centros/iescanido
No curso 2023-2024 hai 243 alumnos matriculados en ESO e 108 en bacharelato, mentres que hai 35 profesores, distribuídos en 17 departamentos didácticos.
Este plan atopa a súa xustificación legal na lexislación seguinte:
Art. 111 bis, Art. 121 e Art. 132 da LO 2/2006, de 3 de maio, de Educación
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
O Equipo de Dinamización do Plan Dixital do IES Canido está composto por:
Rodrigo Montes Rodríguez, director
José Jorge Rodríguez Pérez, coordinador do Plan Dixital
Na actualización deste Plan Dixital, continuamos co proxecto plasmado na primeira versión do Plan, que contara coa guía e instrucións do mentor ADIX do ámbito de Ferrol 1, Jesús María Máiz Sanmartín, e a formación organizada polo equipo ADIX dese ámbito. Lembremos cales foran os pasos seguidos: o equipo foi desenvolvendo as etapas sucesivas na elaboración do Plan Dixital, personalización e cumprimentación do SELFIE da UE, cumprimentación do Test CDD, elaboración da análise DAFO, e finalmente a redacción dos obxectivos do Plan de Acción previo ao Plan Dixital. Lembremos tamén que eses trámites prescritivos non foran determinantes para achar necesidades ou fortalezas no contexto do IES Canido.
Os instrumentos de recollida de información previa foron o test SELFIE, co engadido das cuestións suxeridas pola Xunta, e o test CDD.
O coordinador do Plan Dixital, José Jorge Rodríguez Pérez, responsabilízase de facer o seguimento do cumprimento dos obxectivos deste Plan Dixital e rexistrar tal cumprimento de xeito trimestral.
Dado que non dispón de ferramentas para monitorizar o uso do Abalar (si das Aulas Virtuais), o seguimento dese obxectivo dependerá de percepcións persoais.
No 1º trimestre, para acadar o obxectivo O01PD:Mellorar a infraestrutura dixital do centro (equipos e redes) realizouse a acción AO1.1: Solicitar equipamento para as aulas de 1º e 2º de ESO por parte da dirección do centro
Para acadar o obxectivo O02PD:Promover a utilización de Abalar como ferramenta de comunicación dentro da comunidade educativa realizouse a acción AO2.1:Informar ao profesorado sobre a aplicación Abalar, AO2.2:Informar aos titores das funcionalidades específicas de Abalar para a acción titorial, A02.3:Informar ás familias sobre as capacidades da app Abalar Móbil e da aplicación de escritorio
Para acadar o obxectivo O03PD:Dinamizar o uso da aula virtual do centro, o equipo directivo levou a cabo a acción AO3.1: Solicitar formación en moodle se houber profesorado interesado, mentres que o coordinador do Plan Dixital realizou AO3.2: Crear cursos virtuais para cada grupo/materia na aula virtual,
No 2º trimestre tentamos que se levase a cabo a acción AO1.2: Equipar as devanditas aulas dentro do obxectivo O01PD:Mellorar a infraestrutura dixital do centro (equipos e redes)
Tamén a acción A03.3: Utilizar de xeito regular os cursos virtuais como apoio no proceso de ensinanza/aprendizaxe dentro do obxectivo O03PD: Dinamizar o uso da aula virtual do centro.
No 3º trimestre, ata o final do curso, continuamos coas accións do 2º trimestre.
Como xa foi indicado nun apartado anterior, o coordinador tentará monitorizar o uso dos cursos da aula virtual do centro. Os obxectivos de dotación de infraestrutura dependen da administración, o uso do Abalar como ferramenta de comunicación de toda a comunidade educativa non pode ser monitorizado.
Mediante a ferramenta de comunicación Abalar dáse a coñecer este Plan Dixital ás familias da comunidade educativa do centro.
O claustro de profesores será informado en sesión ordinaria en outubro do curso 2023/24, ademais remitiuse o Plan por correo electrónico. Haberá tamén en outubro unha sesión do Consello Escolar para aprobalo
A páxina web do centro ten un apartado fixo onde consultar o Plan: Plan Dixital do IES Canido
