A elaboración do Plan Dixital do CIFP Leixa foi realizada polo Equipo de Dinamización do PD, un equipo formado por catro docentes de dúas familias profesionais que se imparten no CIFP Leixa, a familia de Sanidade e a de Artes Gráficas.
O PD se leva a cabo tal e como dita a Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
O Plan Dixital terá como principal obxectivo para o curso 22/23 ter unha visión clara das necesidades de actualización e mellora tanto do software como do hardware empregado nos diferentes módulos de cada familia profesional. Ademais, o PD servirá para concretar as necesidades de incorporación de novos espazos, equipamento informático e programas específicos nos distintos pavillóns do centro, así como establecer unhas necesidades de mellora tanto na velocidade da conexión a internet como o funcionamento e adecuación da rede wifi en cada espazo do centro.
Os instrumentos de recollida de información previa foron os seguintes:
Test CDD
Informes SELFIE do profesorado e alumnado
O equipo de Dinamización do PD realizará, alomenos, unha xuntanza por trimestre para valorar as evolucións deste plan.
A persoa mentora ADIX realizará, como mínimo, dúas visitas ao centro por trimestre para analizar coa persoa coordinadora do PD, o desenvolvemento do proxecto.
A persoa coordinadora do PD terá acceso á ferramenta Educalidade para rexistrar os avances e avaliacións deste plan baixo a supervisión da persoa directora.
Debido á pouca dedicación horaria do responsable do PD, no primeiro trimestre non se realizaron accións.
No segundo trimestre leváronse a cabo a casi totalidade das accións deseñadas.
Implementouse a nova plataforma de xestión de incidencias para así mellorar tanto o tempo de xestión de cada unha delas como a concreción de priorirades.
Ademáis se continuou coa actualización e diversificación de hardware e software dos diferentes departamentos.
Rematouse coa actualización de hardware e software que foi posible actualizar.
A implementación do plugin para a creación de páxinas web por parte do alumnado se levou a cabo con éxito. O alumnado puido xerar e xestionar páxinas web.
A sala de reunións dotada de cámara, microfonía e proxector foi creada con éxito. Ademais, creouse outro espazo de maiores dimensións tamén dotado das mesmas funcións.
A xestión de incidencias mellorouse coa implementación da nova plataforma (GABIT) para reducir tanto o tempo de resolución da incidencia como o tempo de resposta.
A avaliación do PD levarase a cabo en función grao de cumprimento dos diferentes obxectivos plantexados no documento de implementación do Plan Dixital do CIFP Leixa. Para cada obxectivo se deseñaron unha serie de actividades que, agás as que non contaron co necesario orzamento, foron realizadas de acordo cos indicadores marcados para cada unha.
En liñas xerais, o plan elaborado está ben plantexado e foi levado a cabo tendo en conta os obxectivos a acadar, pero a partida presupostaria e outros recursos non foron os esperados.
Danse como cumpridos os 4 obxectivos plantexados, aínda que nos obxectivos 3 e 4 algunhas actividades quedaron como “non realizadas” ou “aprazadas para o vindeiro curso”, tal e como se recolle no documento de implementación do PD.
Á hora de deseñar o Plan Dixital para o CIFP Leixa, o equipo de traballo que tiña a misión de crear as diferentes actividades para a consecución dos obxectivos, parteu da base que este plan contaría con algún tipo de partida presupostaria para a súa implementación, o que fixo que moitas das actividades tiveran un carácter “irrealizable” debido ás necesidades, tanto de orzamento como de espazo físico, para a súa posta en marcha.
Así, como proposta de mellora, poderíase incluír no PD actividades que se poderían implementar se dende a consellería se dotara ao centro dos medios necesarios.
Enlace plan dixital:
Plan Dixital CIFP Leixa
