XUSTIFICACIÓN DO PLAN EN RELACIÓN Á NORMATIVA VIXENTE

Achega dos medios dixitais á consecución da adquisición dos elementos curriculares. 

-Art. 111 bis, Art. 121 e Art. 132 da LO 2/2006, de 3 de maio, de Educación. Instrucións para o ensino non presencial.

Instrucións para o ensino non presencial

-Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021/2022.

Instrucións para elaborar o plan dixital de centro. 

-Resolución do 3 de setembro de 2021, da Secretaría Xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021/2022.

CONTEXTUALIZACIÓN DO PD NO CENTRO E CONTRIBUCIÓN AO PROXECTO EDUCATIVO

O Plan Dixital de Centro, de agora en diante PDC, ten que formar parte das sinais de identidade do centro e polo tanto contribuír e formar parte do PE.

O alumnado do CEIP Plurilingüe Celso Emilio Ferreiro, debe ser un alumnado formado en todas as competencias que establece a lei educativa e polo tanto, a competencia dixital ten que traballarse a todos os niveis. O PDC ten que establecer estratexias para que o alumnado adquira as aprendizaxes a través de medios dixitais e teña estes medios como recurso para a súa aprendizaxe.

Non podemos esquecer que dentro dos sinais de identidade no PE, temos un amplo alumnado de atención a diversidade para o cal, os recursos que podemos ofrecer a través de medios dixitais serán claves para traballar e lograr un maior éxito académico e social.

A comunicación coas familias nos tempos nos que vivimos xa non pode estar limitada aos medios escritos, o plan dixital ten que aportar ao noso PE, un sistema de información e comunicación moito máis completo que o que ata agora se mantiña.

É fundamental establecer unha estreita relación entre a Biblioteca e o Plan Dixital. Dentro do noso PDC contemplamos unha mellora dos medios dixitais dispoñibles para a biblioteca do centro.

Con respecto a outros plans, a difusión do noso idioma e o traballo de actividades e recursos a través das novas tecnoloxías educativas, farán que a difusión do Plan de Dinamización da Língua Galega acade maior calado.

O PDC contribúe á Programación Xeral Anual do curso 2022/2023 en tres vías:

• Integración de sistemas de avaliación a través de ferramentas dixitais.
• Dotación de medios e dispositivos dixitais para fomentar a lectura.
• Dotación de medios e recursos para o profesorado e alumnado para a mellora académica.

PROCESO DE ELABORACIÓN

-Inscrición do centro nun PFPP.

-Análise Selfie.

Coa colaboración e asesoramento dos equipos ADIX creados “ad hoc”, analizamos a nosa realidade en relación ao uso das tecnoloxías a través de SELFIE, ferramenta de auto-avaliación recomendada pola Comisión Europea. Trátase dun excelente instrumento de análise e reflexión aínda que, a súa potencialidade, penso que quedou minguada polo baixo índice de participación, especialmente por parte do profesorado, o que supón un hándicap á hora de valorar fielmente a realidade dos centros.

-Test de competencia dixital

Os docentes respostamos posteriormente a un TEST DE COMPETENCIA DIXITAL de carácter orientativo coa finalidade de medir o noso nivel competencial dixital e así poder planificar os diferentes tramos da nosa formación futura nese ámbito.

-Elaboración dun informe DAFO

Tendo en conta o documento SELFIE, exclusivamente, elaboramos un informe DAFO que permitiu recoñecer as fortalezas e debilidades internas, así como as ameazas e oportunidades externas que servirán de elemento clave de punto de partida para a elaboración do PLAN DIXITAL.

-Deseño e elaboración do PD. Estrutura e elementos

A estrutura do Plan Dixital de Centro contará cos seguintes elementos:

INTRODUCIÓN.

• Datos básicos do centro.
• Contextualización do PD. Contribución do PD ao Proxecto Educativo.
• Xustificación.
• Proceso de elaboración.

SITUACIÓN DE PARTIDA.

• Servizos dixitais e mantemento dispoñibles.
• Análise DAFO.

PLAN DE ACCIÓN.

• Obxectivos.
• Indicadores e accións.

AVALIACIÓN DO PD.

• Seguimento do Plan de Acción.
• Propostas de mellora unha vez revisado.

DIFUSIÓN DE PD.

Realizarase unha avaliación do proceso a través dunha escala de valoración. Esta escala medirá en catro niveis o grao de adquisición das accións levadas a cabo no plan e o grao de consecución dos resultados vinculados a dito plan.

Tamén se incluirá un apartado de modificacións e un de propostas de mellora.

Levarase a cabo unha avaliación final que terá en conta os obxectivos a través dunha rúbrica medindo o grao de desempeño de ditos obxectivos e onde incluiranse as propostas de mellora que xurdan na avaliación do proceso. (A avaliación da execución do Plan, desglosado por trimestres, figura en documento anexo).

Os medios e estratexias para a  a plublicidade do Plan Dixital entre toda a comunidade, tanto a nivel de comunicación interna como externa, seguirá as directricies do Plan de Comunicación do Centro, aprobado polo Consello Escolar o 26 de marzo de 2021 e cuxa ligazón á páxina web indico de seguido.

https://www.edu.xunta.gal/centros/ceipcelsoemilioferreiro/system/files/u2/Plan%20de%20Comunicaci%C3%B3n.pdf