A E.E.I. de Barrionovo é, como o seu nome indica, unha escola na que se imparte o segundo ciclo da etapa de Educación Infantil . O claustro está formado por sete mestras. O centro está adscrito ao Departamento de Orientación do CEIP Galán. Como persoal non docente conta cunha auxiliar coidadora. O horario lectivo do centro é de 9:15 a 14:15. Ao ser un centro de 3 unidades conta cun órgano de goberno unipersonal, onde a directora asume as funcións de xefatura de estudos e secretaría. Ao tratarse dun órgano de goberno unipersoal imponse a estreita colaboración co claustro de profesores. Os órganos colexiados cos que conta o dentro son: Consello escolar e claustro. Órganos de coordinación docente:Coordinación de ciclo, equipo de Dinamización da Lingua Galega, actividades Complementarias e Extraescolares, coordinación TIC, coordinación Biblioteca, coordinación Plurilingüe, programa Voz Natura.
No referente ao contexto metodolóxico da escola cabe destacar que no centro trabállase cunha metodoloxía baseada en proxectos documentais integrados que teñen como núcleo vertebrador a biblioteca. Este traballo nútrese de diferentes proxectos nos que participa o centro: Plan LIA.2, PLAMBE, Biblioteca Creativa, Lectura e Familias, Voz Natura, Arteixo Innovación e Centros Plurilingües. Así, desde a BiblioBN, nace un PDI no que se integran os diferentes centros de interese ou núcleos de contidos da temática do mesmo, que se ven enriquecidos polas diferentes propostas levadas a cabo nos outros proxecos de centro.
Partindo deste traballo colaborativo entre todo o claustro, o traballo coas TIC/TAC é un dos eixes fundamentais do traballo diario no centro. Grazas aos diferentes programas da Consellería e do Concello anteriormente mencionados a escola conta cunha boa traxectoria no uso das ferramentas dixitais como fonte de información e de fomento da creatividade. Así durante a nosa andaina nas TIC, os principais obxectivos foron a innovación educativa, a mellora da competencia dixital do noso alumnado e do profesorado e a xestión e actualización dos recursos e ferramentas TIC presentes no centro.
É por isto, que o PD do centro está pensado como un documento para dar continuidade ao traballo realizado no centro ata actualidade e para mellorar as debilidades detectadas no proceso de elaboración do mesmo.
Cabe rematar este apartado de contextualización facendo fincapé na importancia do PD como un elemento que vai a proporcionar ao centro unha visión nova sobre o traballo coas TIC/TAC, poñendo o foco na importancia de darlle o protagonismo ao alumnado e ás familias e na avaliación e reflexión conxunta das prácticas levadas a cabo no centro e da organización do traballo no mesmo. Dito esto, o PD será un punto clave dentro da PXA 23-24.
Asímesmo este curso participaremos nun PFPP no cal seguiremos afondando e mellorando o Plan dixital de cara ao coñecemento de novas ferramentas e aplicación coas familias
Debido á traxectoria do centro no traballo coas TIC e á organización para realizar o PFPP ligado á elaboración do Plan Dixital, decidiuse formar un equipo de dinamización con catro persoas: a dirección, a coordinadora TIC e dúas mestras. Durante este curso o equipo de dinamización reunirase os segundos e cuartos luns de cada mes, aproveitando o calendario de reunións elaborado para as diferentes dinamizacións do centro. Durante as reunións, organizarase o traballo para poder levar a cabo o teste SELFIE, o test CDD, a formación para elaborar o DAFO, a realización do DAFO, a formación para realizar o Plan de Acción e por último elaborar este documento.Así, ademáis das reunións do equipo de dinamización do PD, a dirección informará periodicamente ao claustro dos asuntos onde teña que colaborar: teste SELFIE, test CDD, análise DAFO e reflexión sobre os obxectivos e accións a incluír dentro do Plan de Acción; e os compoñentes do equipo de dinamización do PD levaran a cabo sesións de traballo individual para a elaboración das tarefas e para asistir ás formacións marcadas dende a administración.
