O Plan Dixital de centro é un documento a través do cal os centros analizan a súa realidade en relación ao uso das tecnoloxías dixitais e, a partir desta situación de partida, definen un plan de actuación que incluirá os obxectivos a conseguir, as actuacións específicas para implementar este plan, a súa avaliación e difusión. O obxectivo final da posta en marcha do Plan Dixital é mellorar o desenvolvemento da competencia dixital do alumnado e o uso das tecnoloxías dixitais na aprendizaxe a través do desenvolvemento da competencia dixital do profesorado -tanto individual como colexiada- e da transformación dos centros en organizacións educativas dixitalmente competentes.
Para a elaboración deste plan tivéronse en conta diferentes textos lexislativos. Por unha parte, a Lei Orgánica 3/2020, do 29 de decembro, pola que se modifica a Lei Orgánica 2/2006, do 3 de maio, de Educación, a cal regula diferentes aspectos relacionados coa competencia dixital e a innovación educativa así no artigo 121 establece que o proxecto educativo do centro recollerá, a estratexia dixital do centro, de acordo co establecido no artigo 111 bis, no que se establece que as Administracións educativas e os equipos directivos dos centros promoverán o uso TIC co fin de desenvolver unha cultura dixital nos centros e nas aulas. O artigo 132 da devandita Lei establece como competencias das persoas directoras, exercer a dirección pedagóxica, promover a innovación educativa e impulsar plans para a consecución dos fins do proxecto educativo do centro; e fomentar a cualificación e formación do equipo docente, así como a investigación, a experimentación e a innovación educativa.
Ademais, a normativa curricular vixente en Educación Infantil, e desenvolta na Orde de 30 de maio de 2023 que desenvolve o Decreto 150/2022 de 8 de setembro polo que se establece a ordenación e o currículo da ordenación infantil en Galicia, establece no seu artigo 12 que os centros contarán cun plan dixital, entre outros, e no artigo 15 especifica os elementos mínimos cos que contará.
Por outra parte, tivemos en conta tanto a disposición adicional quinta da Resolución do 17 de xuño de 2021, da Secretaría Xeral de Educación e Formación Profesional (DOG 30 de xuño), pola que se ditan instrucións para o desenvolvemento das ensinanzas de educación infantil, educación primaria, educación secundaria obrigatoria e bacharelato no curso académico 2021-2022, como a disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de formación profesional do sistema educativo no curso 2021- 2022, ambas sinalan que os centros docentes elaborarán no curso 2021-2022 o seu Plan Dixital de acordo coas instrucións que se diten, as cales veñen reflexadas na Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
Alén diso, o contexto do centro é o de un centro de educación infantil cunha única unidade mixta, que conta este curso con 20 alumnas e alumnos de 4º, 5º e 6º de Educación Infantil. Dada a nosa estrutura, non existen órganos de coordinación docente, pois as funcións destes son asumidas polo claustro, o cal está formado pola mestra responsable do centro. De tal modo a elaboración do plan dixital foi elaborado por esta persoa.
