1. Contextualización do Plan Dixital no centro. Contribución ao Proxecto Educativo do Centro
O C.E.I.P. A.D.R. Castelao atópase no Concello de Rianxo, na rúa Rosalía de Castro número 12, moi preto doutros servizos comunitarios como o Pavillón Polideportivo Municipal, a Piscina Municipal, o Centro de Saúde e a Gardería.
Rianxo é a cabeceira do Concello do mesmo nome, que abrangue as parroquias de Rianxo, Taragoña, Araño, Asados, Leiro e Isorna cunha poboación de 11.554 habitantes. É un concello costeiro, as súas paisaxes cara o sur están dominadas pola ría de Arousa na desembocadura do río Ulla e polas xunqueiras e areais que conforman a súa costa, e cara o norte polos montes Treito, Pico Muralla e pola Serra do Barbanza.
A ECONOMÍA
A actividade económica céntrase na explotación dos recursos mariños a través de actividades extractivas, marisqueo e pesca de baixura e de actividades acuícolas, sobre todo, o cultivo do mexillón. A explotación dos recursos mariños facilitou a implantación dalgunha industria conserveira, non obstante bastante limitada se comparamos esta actividade coa súa implantación nos concellos da zona. A construción e as actividades afíns ocupan unha porcentaxe importante e significativa da poboación do Concello. A actividade económica xerada pola confección téxtil tamén é significativa.
CULTURA
Rianxo conta cunha historia moi rica e singular, que podemos percorrer a través das pegadas que foron deixando os seus poboadores no seu territorio:
- Restos prehistóricos únicos na zona sobre todo os de petróglifos e mámoas, algún destes elementos dunha enorme beleza contrastando cun estado de abandono.
- Importante patrimonio arquitectónico tanto civil como relixioso, igrexas parroquiais, pazos urbanos e rurais, ao carón das formas de expresión da arquitectura popular: hórreos, cruceiros, pombais.
Indicar finalmente a importante aportación de persoas nadas neste concello á cultura: Rafael Dieste, Manuel Antonio, Paio Gómez Chariño e, por suposto, Castelao que dá nome ó noso colexio.
SERVIZOS
O concello de Rianxo conta cunha oferta importante de servizos complementarios ós servizos educativos regrados:
-
Biblioteca Municipal
-
Auditorio e Casa da Cultura
-
Polideportivo Municipal
-
Piscina Municipal
-
Museo do Mar e Aula Activa do Mar
-
Clubs para deportes náuticos
-
Club de xadrez
-
Escola de Música
-
Grupos de baile e música tradicional
-
Centro cultural nas parroquias
2. Breve xustificación do mesmo
- Art. 111 bis, Art. 121 e Art. 132 da LO 2/2006, de 3 de maio, de Educación.
- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.
- Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
- Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.
- Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
- Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.
3. Proceso de elaboración
Partimos do Plan Dixital do curso 2023-24 e da súa avaliación para concretar os obxectivos correspondentes a este curso.
