- Art. 111 bis, Art. 121 e Art. 132 da LO 2/2006, de 3 de maio, de Educación. - Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
A través deste Plan dixital preténdese dar unha maior presenza ás novas tecnoloxías no proceso de ensinanza-aprendizaxe do alumnado.
A persoa encargada de elaborar o Plan Dixital é o responsable do Centro, Rodrigo Pérez Lago. Traballou dentro dun PFPP creado para a elaboración do Plan Dixital, en colaboración con profesorado doutros centros. A periodicidade das reunións veu dada en función dos pasos a seguir para a elaboración final do presente Plan Dixital: -Configuración do cuestionario Selfie, realización por parte do profesorado e análise dos resultados obtidos. -Realización do cuestionario CDD en FProfe por parte do profesorado e análise dos resultados obtidos. -Formación na elaboración do DAFO e confección do mesmo. -Formación na elaboración do Plan de Acción e elaboración do mesmo. -Elaboración do presente Plan Dixital.
Os instrumentos empregados foron:
-SELFIE, que nos axudou a establecer prioridades e obxectivos.
-TEST de Competencia Dixital Docente, onde obtivemos información directa sobre o nivel de CDD do profesorado, analizando os seus resultados.
Grazas a información recollida e xerada a través da realización do SELFIE (anexos) e o TEST CDD confirmamos e coñecemos a realidade do noso centro. A partir da mesma elaboramos o DAFO (anexos) que nos permitiu reflexionar sobre esta realidade e elaborar un plan de acción.
O equipo de dinamización do Plan Dixital realizará candomenos unha xuntanza trismestral do mesmo xeito que a persoa mentora ADIX realizará dúas visitas trimestrais, para analizar a evolución do desenvolvemento do PD.
Levouse a cabo a solicitude de equipamento para a mellora da dixitalización das aulas obtendo dende a consellería 4 PC reacondicionados e postos en funcionamento.
Levouse a cabo unha formación sobre o deseño e desenvolvemento de páxinas web (DRUPAL), e á súa vez procedeuse á actualización da páxina web do centro.
Cubríronse as necesidades de estabilidade na rede WIFI por ANTEGA, creando a rede EDU.XUNTA.GAL inexistente ata este momento. Estabamos funcionando no centro coa antiga rede ED.
Creáronse novos puntos de rede e estabilizouse.
Dende a consellería recibimo a pantalla dixital quedando instalada na aula principal do centro.
Por outra banda, destacar que o equipamento reacondicionado que solicitamos e recibimos no primeiro trimestre xa non está en funcionamento.
O presente Plan Dixital deberá ter un seguimento e avaliación para ver o grao de consecución dos obxectivos propostos no plan de acción: Farase unha avaliación procesual que será trimestral. Nela teranse en conta os seguintes aspectos: estado da execución das accións segundo a data prevista de fin e a análise e valoración dos resultados. De darse o caso, incluiranse as modificacións levadas a cabo así como as posibles as propostas de mellora. A final do terceiro trimestre, unha vez rematado o curso escolar, farase unha avaliación final. Valorarase o logro dos obxectivos marcados. Tamén se estudarán as posibles propostas de mellora de cara ao seguinte Plan Dixital.
O instrumento de avaliación a usar será a observación directa da profesora responsable do centro tendo en conta: -equipos actualizados. -entradas na web do centro. -recursos no repositorio. -formación do profesorado.
Acadáronse na súa totalidae os obxectivos 1 e 2. Quedan pendentes de consecución os obxectivos 3 e 4 para o vindeiro curso. A falta de recursos e tempo do único mestre responsable do centro imposibilita a realización de todas as tarefas relacionadas co PD.
Continuar coa actualización e uso da páxina web.
Crear o banco de recursos dixitais e con este fin solicitarase o equipamento necesario.
Solicitará unha formación en competencia dixital para a creación de contidos (O03PD).
Voltarase a solicitar novos PC para reemplazar os equipos non operativos.
Para dar publicidade a este plan, así como ás accións que se vaian levando a cabo, empregaremos a web do centro, onde colgaremos o presente plan dixital, así como algunhas das tarefas que se vaian levando a cabo.
PLAN DIXITAL EEI CAAMAÑO.pdf (xunta.gal)
