Durante o presente curso escolar, o noso centro conta cun total de 44 alumnos/as, dos cales 14 pertencen á etapa de educación infanti l e 30 á etapa de educación primaria. No relativo ó profesorado contamos cun total de 8 profesores/as dos cales dous deles son itinerantes con outros centros da contorna.
O entorno do centro está formado por unha mestura de ecosistemas. Este feito permítenos dispoñer, moi preto de nós, de numerosos recursos naturais que poden ser de gran utilidade para o desenvolvemento da actividade docente, xa que podemos observalos e estudialos in situ: os bosques, os ríos, as terras de cultivo, as praias, a ría, a vexetación autóctona, a aldea coa súa arquitectura popular (hórreos, pombais, cruceiros, fontes,...) e, por suposto, a arquitec-tura da civilización castrexa. Non podemos esquecer que nos atopamos a escasa distancia dese tesouro arqueolóxico que é o Castro de Baroña.
A parroquia de Baroña ten unha poboación que se achega aos 1.000 habitantes, o que nos dá unha densidade de 95 h/Km2 , aproximadamente. A parroquia de Ribasieira, máis dis-persa e menos poboada, apenas chega aos 200 habitantes (os seus rapaces repártense entre dous centros de ensino, o Ceip. de Xuño e o Ceip. de Campanario).
A maior parte da poboación destas parroquias, ao igual cá do resto do Concello, diversifica as súas tarefas económico-profesionais nun abano de actividades que, ao noso entender, son as seguintes, por orde de importancia e número de traballadores: a pesca, o marisqueo e industrias derivadas da pesca (en diversas localidades da Barbanza); a construción (con especial mención duna empresa local adicada á explotación e transformación de granitos, que dá emprego a un número considerable de veciños); actividades agrícolas, gandeiras e forestais; o sector servizos, que nos últimos anos vai en auxe, parello ao aumento de turismo na zona, e que fixo incrementar notablemente o número de comercios e establecementos hosteleiros.
En canto ao nivel socio-cultural, notamos un avance progresivo nos últimos anos, debido principalmente á maior porcentaxe de xuventude que accede a estudos superiores. Entre os mozos e mozas que foron alumnos-as do Ceip. de Campanario, atopamos un número con-siderable de titulados universitarios. Así, podemos afirmar que o nivel cultural é medio-alto. De todos os xeitos, sería moi desexable que se incrementaran as ofertas culturais que che-gan ao medio rural desde as distintas administracións e se facilitase o acceso ás mesmas a todas as persoas que habitan nas nosas aldeas.
Por último e desgraciadamente, temos que lamentar un descenso notable na poboación de Baroña e Ribasieira que se fai notar negativamente na matrícula do noso centro. Isto débese fundamentalmente a dúas causas: a baixa natalidade nos núcleos do rural e a emigración, que levou a moitas familias a buscar futuro en zonas urbanas de Galicia (e mesmo noutras comunidades ou países, como Canarias, País Vasco ou Estados Unidos), que ofrecen máis posibilidades de emprego, máis e mellores ofertas culturais e onde a conciliación laboral e familiar favorece o acceso ao emprego tanto a homes coma a mulleres.
Este PD intégrase dentro do Proxecto Educativo (PE) do centro, como un elemento dinami-zador do traballo educativo cotiá. O PD debe incluír todos os proxectos e Plans do centro, ofrecendo ferramentas de traballo motivadoras, inclusivas, e en definitiva, orientadas a todo o noso alumnado sexan cales sexan as súas características persoais e de referencia socio-familiar. Do mesmo xeito, a PXA do vindeiro curso, deberá ter en conta este PD, para desenvolver os obxectivos establecidos no Plan de Acción. Así mesmo, este PD formará parte do Plan de Integración das TICs ou Proxecto de Educación Dixital, que se inclúe na PXA.
Nos últimos anos o CEIP Campanario avanzou no ámbito das novas tecnoloxías, grazas á participación en distintos plans e proxectos como Edixgal ou Digicraft no teu cole, que dotaron ó centro de novos equipamentos e melloras na conectividade da rede, un aspecto fundamental para adaptarse ós novos tempos.
A nivel lexislativo, o presente documento fundaméntase en base ás seguintes referencias:
- Artigo 111 LOE referente ás TIC e ós entornos virtuais de aprendizaxe
- Artigo 121 LOE O proxecto educativo de centro recollerá así mesmo a estratexia dixital do centro de
acordo co establecid o no artigo 111bis.5.
- Artigo 132 LOE Inclúe dentro das competencias das persoas directoras promover a innovación e
experimentación con novos métodos de ensino encamiñados a acadar os obxectivos-
- Resolución do 17 de xuño de 2021. Indícase que os centros docentes elaborarán no curso 2021/22 o seu plan dixital de
acordo coas instrucións que se diten.
- Resolución do 3 de setembro de 2021. Esta resolución ten por obxecto establecer as medidas de actuación relativas ao
deseño, elaboración e implement ación do Plan Dixital.
