Plan do centro
Vixencia
Introdución
Contexto DAFO
Obxectivos
Seguimento
O equipo de dinamización do Plan Dixital reunirase, cando menos, dúas veces ao trimestre, unha ao inicio para a planificación e outra ao remate do trimestre para valorar os progresos.
As accións neste primeiro trimestre orientáronse á optimización dos recursos dispoñibles, solicitude de recursos externos, toma de decisións e primeiras accións:
- Acondicionamento de equipos AMI.
- Optimización da aula virtual
- Solicitude de participación nos programas "Navega con Rumbo" e "Plan Director"
- Definición do proxecto interdisciplinar de centro e comezo do mesmo: o alumnado de Primaria emprega os equipos informáticos en diversas tarefas do proxecto e o alumnado da Educación Infantil emprega as pantallas dixitais como complemento no desenvolvemento do mesmo.
O desenvolvemento do Plan Dixital no segundo trimestre centrouse nos seguintes aspectos:
- 2ª sesión Plan Director dirixida a sensibilizar ao alumnado sobre os perigos no uso da internet.
- Elaboración de documentación equipos AMI e incorporación ao carro de carga.
- ELBE: optimización de tablets, instalación da app, entrega de usuarios e chaves do alumnado, explicación sobre o funcionamento. Uso da app coas tablets do centro co alumnado de 4º durante o momento lector.
- O alumnado de 3º/4º comeza a familiarizarse no uso dos equipos AMI.
- Proxecto interdisciplinar: tanto na Educación Infantil como en Primaria empréganse as TICs no desenvolvemento do Proxecto Dinamizarte.
Ao longo deste trimestre contínuan realizándose traballos relacionados co proxecto interdisciplinar, afóndase no uso dos equipos AMI e realízanse diferentes sesions de lectura para potencia a plataforma ELBE.
O alumnado de 6º elabora vídeos de despedida para integralos en dúas páxinas da revista escolar como parte da conmemoración das Letras Galegas. A temática está relacionada co proxecto interdisciplinar DINAMIZARTE.
Avaliación
O plan dixital deberá ser avaliado de dous formas:
- Avaliación procesual: O procedemento de seguimento do desenvolvemento do plan e da consecución de obxectivos, faríase unha vez ao trimestre indicando e valorando a consecución de obxectivos e facendo os cambios que se consideren necesarios.
- Avaliación final: No último trimestre o Equipo de Dinamización do Plan Dixital reunirase para facer unha avaliación final do plan. Teranse en conta a consecución dos obxectivos, a valoración das actuacións e as dificultades para concretar o Plan Dixital
O Equipo de dinamización do Plan dixital elaborará un documento para incluir na memoria final do centro, este doumento tamén recollerá propostas de mellora para o seguinte curso.
No que se refire ao cumprimento dos obxectivos a valoración e regular. Conseguimos abordalos todos ainda que non coa mesma profundidade e non todos foron acadados na súa totalidade.
- Formar ao alumnado no uso dos equipos informáticos: leváronse a cabo medidas para formar ao alumnado no uso dos equipos, pero centrouse especialmente nos grupos de 3º e 4º de Educación Primaria.
- Implementar un proxecto interdisciplinar no que participe o alumnado: implementouse o proxecto interdisciplinar e tanto profesorado como alumnado participou de cheo no seu desenvolvemento.
- Deseñar ou desenvolver estratexias de fomento lector para incentivar o hábito lector a través do e-lbe: leváronse a cabo estratexias para o uso de e-lbe, pero non se lle deu regularidade.
- Empregar os equipos informáticos móbiles no proceso de ensino-aprendizaxe: empregáronse os equipos no proceso de ensino-aprendizaxe, especialmente nos grupos de 3º e 4º de Educación Primaria. En 5º e 6º están inmersos no ensino a través da plataforma EDIXGAL.
-Concienciar e educar ao alumnado sobre os riscos do uso de internet e as tecnoloxías de relación social: leváronse a cabo as sesións do Plan Director e solicitouse a participación no Plan Navega con Rumbo, pero non fomos admitidos. No transcurso do proceso de ensino-aprendizaxe déronse pautas para navegar de forma segura na internet.
- Solicitar formación en contidos dixitais para o profesorado dentro do PFPP: non se levou a cabo formación.
- Optimizar a Aula Virtual para o seu uso no proceso de ensino-aprendizaxe: a aula virtual está lista, pero non se potenciou debidamente o seu uso.
En xeral, o profesorado dispón da competencia e predisposición cara ao uso das novas tecnoloxías, pero falta o impulso para traballar de forma coordinada en accións comúns. Dende o centro hai compromiso pola renovación metodolóxica e potenciación das competencias dixitais. Somos conscientes de que non acadamos en plenitude os obxectivos marcados e serán, precisamente, esas tarefas pendentes, as liñas de traballo de cara ao vindeiro curso. Logo, convén revisar por completo os obxectivos co fin de darlles continuidade, modificalos ou eliminalos.
Buscar unha liña axeitada de formación, dentro do PFPP, que dea apertura a novas posibilidades de traballo ten que ser unha das prioridades de cara ao próximo curso, así como integrar dentro do horario lectivo, cando menos, unha sesión semanal a familiarizarse e perfeccionar a competencia informática co uso dos equipos AMI.
Comunicación e difusión
O Plan Dixital será divulgado mediante a ligazón pública en EduCalidade.
Ligazón pública ao Plan Dixital:
https://www.edu.xunta.gal/educalidade/BuscaPlanAction?codPlan=1&codConvocatoria=132&codCentro=15011661