Xustificación lexislativa:
• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.
• Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
• Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.
• Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
• Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.
O C.E.I.P Plurinlingüe Alexandre Rodríguez Cadarso pertence ao Concello de Noia, estando situado na localidade de A Barquiña, parroquia de Santa Cristina de Barro, barrio periférico da Vila de Noia, da que dista 2,5 quilómetros.
O termo municipal comprende cinco parroquias: Argalo, Barro, Boa, Obre e Roo; e a capital, a Vila de Noia
A Barquiña, é o terceiro núcleo máis poboado do municipio, cuns 400 habitantes; tendo na actualidade o Municipio de Noia 14.274 habitantes.
O medio no que se atopa o centro caracterízase por:
Contorna de poboación mixta: rural, marítimo-pesqueira e urbano, tendo os dous primeiros grupos un claro predominio sobre o terceiro.
O motor económico da Vila noiesa xira arredor de dous sectores: servizos e primario. No sector servizos destaca o comercio, xa que Noia é un pobo de tradición comercial: antigamente Noia era coñecida pola calidade das súas peles e os seus zapatos.
No sector primario a actividade económica por excelencia é o marisqueo, do cal viven numerosas familias.
A lingua predominante é, cada vez máis, o castelán, aínda que o galego segue tendo unha presenza importante.
A introdución do Plan dixital no centro supón a continuidade de proxectos que pararon ou continuaron coa pandemia, tales como a robótica, a radio, ou Edixgal. Relacionados cos programas educativos de Inclúe ou Innovaque están en marcha.
A implantación supoñerá pararse a reflexioanar e debatir sobre a liña dixital que vai seguir o centro, que xa conta con Aula Virtual operativa e que se utilizou durante os confinamentos deste presente curso.
A coordinadora, Xoana Maneiro, nun primeiro momento constituíu o equipo, integrando ao profesorado Edixgal e ao coordinador Tic. Procedeuse a analizar instrucións das primeiras tarefas, tal como o Selfie e o CDD, presentáronse ao claustro para a súa realización, e, seguidamente, entrou nunha situación de licenza por enfermidade, o que provocou o nomeamento dun novo coordinador do PD: asumiu o PD, o coordinador tic e Edixgal: Santiago García Nieto.
No equipo falause dos posibles obxectivos, o coordinador plasmounos e presentounos ao claustro, que aprobou a súa presentación. Nestes momentos, estamos no mesmo proceder, coa elaboración do Plan.
Para a realización do mesmo leváronse a cabo as seguintes tarefas:
Nesta primeira fase realizáronse varias tarefas de análise, entre elas a preparación e elaboración do SELFIE (do 3 de outubro ao 8 de novembro do 2021), realización do profesorado en Fprofe do Test de Competencia Dixital Docente (CDD) (do 8 de febreiro ao 7 de marzo do 2022)
Para levar a cabo a diagnose, elaboramos o documento DAFO (do 8 marzo ao 4 de abril do 2022) para o cal tivemos, xunto co grupo de PFPP do Plan Dixital.
