O obxectivo fundamental do noso centro é proporcionar unha atención axustada a todo o alumnado a través dunha educación funcional en todos os ámbitos da vida: social – afectivo; comunicativo-lingüístico e cognitivo co fin último de acadar a súa máxima autonomía e a súa integración e participación na sociedade como suxeitos de pleno dereito.
O centro posúe una situación estratéxica en canto á comunicación, situación xeográfica e recursos culturais e sanitarias próximos que, xunto á coordinación cos mesmos e coas asociacións externas, favorece o bo funcionamento e dinámica do mesmo.
A niveis xerais, as características socioeconómicas e culturais das familias do noso alumnado enmárcanse dentro dun nivel medio-baixo, aspecto que en moitos casos vese solventado polo posibilidade de internado.
A adaptación dixital é un termo amplo do que partimos. Somos un centro que aposta pola innovación e formación continua do profesorado, cunha evolución positiva no ámbito das novas tecnoloxías. Se ben queda camiño por andar, en especial no relativo á dotación TIC do centro, adaptámonos á nova realidade tecnolóxica na búsqueda dos recursos e avances que favorezan a calidade educativa. Destacar que nos últimos anos o centro aposta de maneira regular por unha formación continua do profesorado en materia TIC a través do Plan de Formación do profesorado en Competencia Dixital, que no presente curso céntrase na prioridade da integración práctica didáctica das Tics, poñendo en activo os coñecementos formativos adquiridos ata o momento que, debido á realidade vivida, levounos a apoiarnos máis que nunca en recursos tecnolóxicos.
O Plan Dixital é un reflexo desta nova realidade de adaptación, o que garda unha relación directa cos diferentes programas e proxectos do centro, en coordinación e integración plena co noso Proxecto Educativo e coa Programación Xeral Anual.
Tras a situación de crise vivida ao longo dos cursos escolares de 2020 – 2022 relacionada coa COVID – 19, púxose de manifesto a necesidade de determinar as competencias dixitais do profesorado así como os recursos dispoñibles tecnolóxicos cos que os centro educativos e alumnado están dotados para poder levar a cabo unha educación dixital adaptada aos tempos actuais dentro do marco das competencias dixitais europeas.
Dende a Rede Galega de Educación Dixital estívose traballando na recompilación de información sobre a situación actual dos centros a través de diversas ferramentas, entre as que destacan o cuestionario SELFIE ou o Test de Competencia Dixital.
A infraestructura TIC e a competencia dixital do profesorado ten que ser definida e detallada nun documento de xeito coherente baixo un marco común, polo que o Plan Dixital é unha resposta a esta necesidade, e só esta subordinación tecnolóxica garante unha integración sostible que promova a aprendizaxe equilibrada no século XXI.
O Plan Dixital 1.0 permitirannos seleccionar as áreas de mellora do noso centro e buscar en cada unha delas cáles son os obxectivos prioritarios en materia TIC, co fin de superar as nosas debilidades e ameazas e avanzar cara unha aprendizaxe dixital adecuada, personalizada sempre ás características do noso alumnado.
A elaboración do Plan Dixital está sustentada, así mesmo, na seguinte lexislación:
- Art. 111 bis, Art. 121 e Art. 132 da LOE 2/2006, de 3 de maio, de Educación.
- Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
- Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022.
- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
Para a elaboración do Plan Dixital seguíronse as pautas establecidas polos coordinadores Adix da nosa zona (Ferrol). Tal e como marcaba o calendario establecido, completáronse as accións segundo o acordado a través das reunións do
Equipo de Dinamización do Plan Dixital, baixo a organización da coordinadora do Equipo, enlace de comunicación cos mentores e a encargada de cumprir os prazos e dinamizar o proxecto.
Unha vez realizadas todas as accións requeridas (test SELFIE en novembro, test CDD en xaneiro,...), procedeuse á reflexión dos resultados e a elaboración conxunta (como último paso) do Plan Dixital.
