Plan do centro
Vixencia
Introdución
Contexto DAFO
Obxectivos
Seguimento
- Farase un seguimento trimestral das acción e obxectivos reflectidos no Plan Dixital.
Sobre o obxectivo do emprego de Abalar seguemos avanzando nun emprego cada vez maior en tódolos eidos. Comunicación coas familias, incidencias na aula, titorías, etc. O emprego da ferramenta é por parte de case que a totalidade do profesorado e aproximadamente a metade das familias.
Sobre o obxectivo de actualización dos equipos informáticos, foron incorporados varios equipos portátiles novos ao centro, reducindo deste xeito a idade media dos equipos. A final de curso farase unha valoración final sobre o grado de redución da antigüidade media.
Sobre o obxectivo de equipamento dixital obsoleto e insuficiente, recentemente instaláronse en tódalas aulas da ESO e en moitas aulas de educación primaria paneis dixitais, o que permite o emprego de multitude de ferramentas dixitais. No final do curso farase unha avaliación máis precisa sobre o tema.
Sobre o obxectivo de mellorar a formación en competencia dixital, certo grado de profesorado xa acadou un nivel de competencia A2, e outros tentaron de inscribirse en formación na que non foron admitidos. Actualmente, están pendentes de inscribirse en novas edicións, algúns deles en nivel B2.
Sobre o obxectivo do emprego de Abalar comentar que estase acadando un grande éxito. A dirección do centro fai todas as comunicacións importantes a os grupos implicados a través de Abalar. Case a totalidade do profesorado emprega Abalar para algunha das funcións previstas ( comunicación coas familias, incidencias na aula, informes para titorías, etc.). O emprego da ferramenta podémola estimar en case a totalidade do profesorado (en alo menos algunha función) e aproximadamente a metade das familias.
Sobre o obxectivo de actualización dos equipos informáticos, foron incorporados varios equipos portátiles novos ao centro, reducindo deste xeito a idade media dos equipos. A final de curso farase unha valoración final sobre o grado de redución da antigüidade media.
Sobre o obxectivo de equipamento dixital obsoleto e insuficiente, recentemente instaláronse en tódalas aulas da ESO e en moitas aulas de educación primaria paneis dixitais, o que permite o emprego de multitude de ferramentas dixitais. No final do curso farase unha avaliación máis precisa sobre o tema.
Sobre o obxectivo de mellorar a formación en competencia dixital, certo profesorado xa acadou o nivel A2. Algúns están nestes momentos facendo o B1 por módulos. Outros están a facer o B2 tentando acadar a acreditación completa, pois xa foron admitidos nos cursos de acreeditación correspondentes.
Sobre o obxectivo do emprego de Abalar comentar que o curso remata cun grande éxito. A dirección do centro segue a facer todas as comunicacións tanto importantes coma as meramente informativas a os grupos implicados a través de Abalar. Case totalidade do profesorado emprega Abalar polo menos en unha das funcións previstas ( comunicación coas familias, incidencias na aula, informes para titorías, etc.). O emprego da ferramenta podémola estimar en a totalidade do profesorado (en polo menos unha función) e máis do 80% das familias, se ben en loitas delas soamente está dado de alta no sistema un dos proxenitores .
Sobre o obxectivo de actualización dos equipos informáticos, foron incorporados 21 equipos portátiles novos ao centro, reducindo deste xeito a idade media dos equipos. Os equipos vellos non foron retirados por poder prestar aínda algún tipo de servizo, polo que a idade media dos equipos é aproximadamente duns nove anos, mellorando a cifra anterior pero aínda lonxe dos sete do valor previsto no obxectivo.
Sobre o obxectivo de equipamento dixital obsoleto e insuficiente, recentemente instaláronse en tódalas aulas da ESO e en moitas aulas de educación primaria paneis dixitais (21 novos mais un que xa existía), o que permite o emprego de multitude de ferramentas dixitais. É unha boa ferramenta para a aula, máis o emprego do mesmo aínda non é masivo.
Sobre o obxectivo de mellorar a formación en competencia dixital, moito profesorado xa acadou o nivel A2. Algúns están nestes momentos facendo o B1 por módulos, tendo obtida a acreditación xa algúns. Outros cursaron o B2 e polo menos dúas persoas acadaron a acreditación B2. Ademais, desenvolveuse un grupo de traballo no programa de Polos Creativos, recibindo formación e material varios docentes en diversos eidos tecnolóxicos e dixitais.
Avaliación
En canto ao procedemento de seguimento do desenvolvemento do plan e da consecución de obxectivos distinguimos entre a avaliación do proceso e a avaliación final.
- No contexto da avaliación procesual a frecuencia da súa realización será dunha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
- No contexto da avaliación final a frecuencia da súa realización será unha vez ao ano, ao final do curso. Os aspectos a considerar incluirán, entre outros, a valoración do logro dos obxectivos e as propostas de mellora.
En canto á valoración xeral, sinalar o éxito acadado no eido da aplicación Abalar como ferramenta útil, áxil e eficaz de comunicación. Seguiremos afondando e insistindo no seu emprego por parte de toda a comunidade educativa. Sinalar tamén que as dificultades iniciais para obter fondos públicos que permitan acadar algúns dos obxectivos marcados no Plan foron finalmente resoltas, obtendo uns fondos que melloraron moito o nivel de dixitalización do centro
É destacable o feito de que a raiz da implementación do Plan Dixital, o conxunto do profesorado atópase mais implicado na Competencia Dixital Docente. Así, cada un na medida que pode, está a desenvolver o seu propio programa de mellora de nivel de Competencia Dixital. Isto queda demostrado coa obtención de diversos niveis de certificación en un elevado número de docentes.
Como propostas de mellora, pódense incluír:
- Dotar dunha maior difusión do Plan Dixital entre o conxunto da comunidade educativa.
- Dar continuidade as axudas para a dixitalización das aulas, ampliando o tipo de equipamentos susceptibles de seren subvencionados.
- Ampliar as capacidades da ferramenta Abalar para que permita un maior número de funcionalidades.
- Fomentar e difundir o máis posible a importancia da certificación da Competencia Dixital do profesorado, apoiando o progreso individual e animando a mellorar o nivel de competencia acreditado.
Comunicación e difusión
Para a publicidade e difusión do Plan Dixital entre toda a comunidade educativa o Plan está publicado na páxina web do colexio e presentado nas reunións de pais no comezo do curso 2022-2023 e enviado a todas as familias por correo electrónico. Foi presentado a todo o profesorado no último Claustro e no último Consello do curso 2021-2022, os dous actos no día 30 de xuño de 2022. Foi volto a difundir nas sucesivas reunións de profesorado.
O Plan Dixital está a disposición de toda persoa que desexe consultalo en https://www.edu.xunta.gal/educalidade/