O CEIP de Tarrío está situado en Culleredo, concello limítrofe co de A Coruña, no que se poden distinguir dúas zonas: unha zona urbana e unha zona rural. A Consellería realizou o cambio de todo o sistema eléctrico do centro e instalación da rede de datos en todas as dependencias o que posibilita a conexión a internet desde calquera punto e o funcionamento da intranet. 

O  CEIP de  Tarrío leva varios cursos incorporando, na medida das súas posibilidades,  as TIC ao proceso de ensino-aprendizaxe. Ata o de agora esta integración baseábase fundamentalmente en dous grandes bloques: a aula de informática e a biblioteca escolar. Sen embargo entendemos que o modelo actual de aula de informática debe de ir mudando ao de informática na aula. Por este motivo participamos dende o curso 2010/2011 no proxecto Abalar e continuamos co proxecto Edixgal actualmente. Polo que  neste curso tanto as aulas de 5º como as de 6º de Primaria estarán dotadas de novos recursos que posibilitarán o traballo na propia aula coas ferramentas Tic. Este curso  continuamos co  proxecto E-Dixgal tanto  en 5º como en  6º de Primaria.

O  Claustro do CEIP de  Tarrío leva tempo tratando de incorporar as TIC ao proceso de ensino-aprendizaxe na medida das súas posibilidades. O Claustro do noso centro comparte, entre outras, as seguintes ideas:

•  A aula de informática constitúe un bloque máis de recursos educativos que deben estar ao alcance do noso alumnado como elementos facilitadores de aprendizaxes e non tanto como área de estudio propiamente dita (informática).
• O coñecemento e o manexo das novas tecnoloxías é fundamental para a formación e integración social do noso alumnado, sobre todo se temos en conta que, por proceder de familias de clase media e baixa, en moitos casos non contan con ordenador na casa.
• O emprego das tecnoloxías da comunicación e información debe estar ligado á nosa concepción da biblioteca escolar como centro de recursos, de documentación e información multimedia.
• Necesidade dun espazo común (biblioteca e recursos informáticos) para o fomento da innovación pedagóxica, o traballo por proxectos co noso alumnado e a súa alfabetización informacional.
• Potenciar, dentro das posibilidades do centro, o cambio de aula de informática por informática na aula.
• Colgar ao noso centro na rede para difundir as actividades que realizamos e conectar o colexio coas familias e o entorno.

Froito destas reflexións o centro participa nos seguintes proxectos relativos as TIC:

• Forma parte do proxecto Abalar dende o ano 2010.
• Participa no proxecto “E-Dixgal” dende o ano 2015.
• Estamos usando a plataforma “G Suite para educación”, tanto co alumnado de 5º e 6º de primaria como co profesorado.
• Participamos no  proxecto “Introducción á robótica educativa en primaria” dende o ano 2017.

Proxectos de elaboración propia que se poñen en práctica este curso:

• Aula Maker (continuación) (Anexo 2).
• Aula Móbil en 3º de primaria (Anexo 3).
• Preedixgal en 4º de primaria (Anexo 4).

Este é o marco levislativo baixo a que traballamos é a vixente, realizando os procesos de actualización correspondentes coas novas leis: 

• Art. 111 bis, Art. 121 e Art. 132 da LO 2/2006, de 3 de maio, de Educación.
• Resolución do 3 de setembro de 2021, da Secretaría xeral de Educación e Formación Profesional.
• Artigo 30.1 do DECRETO 150/2022, do 8 de setembro.
• Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro.
• Artigo 34.1 do DECRETO 155/2022, do 15 de setembro.
• Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro.

A valoración final é positiva, xa que se conseguiron a maioría dos obxectivos do curso:

• Proxectos de Aula Móbil e Preedixgal en funcionamento, sen obstáculos técnicos máis que os dos propios equipos (algúns son moi vellos).
• Posta en marcha da Aula Vritual en 2º Ciclo.
• Demostracións do material do Aula Maker o cal vai permitir empezar a implementar en maior medida actividades do ámbito steam (Polos Creativos).

Sería moi positivo que houbera un par de persoas máis no equipo para cubrir as necesidades de todos os ciclos. As cousas vanse facendo pero a un ritmo lento, ou non ao que demanda o alumnado ou o profesorado xa que é moi atractivo evolucionar e mellorar pero non sempre se pode facer no tempo planificado, hai momentos de espera que se alongan. 

Para difundir o Plan Dixital empregaremos a canle habitual, esto é, a páxina web do centro a través da publicación da seguinte URL. A nosa Comunidade Educativa está afeita a atopar aquí toda a información pertinente. Ademáis o centro dispón dun instagram educativo no que se difunden actividades do centro entre elas as do Plan Dixital.