A elaboración do Plan Dixital xurde da necesidade de abordar de xeito global a necesidade de dixitalización dos centros educativos. A súa estrutura e redacción baseouse na seguinte normativa:
A partir do Informe SELFIE, TestCDD e outras fontes, realizouse unha análise DAFO do centro para coñecer a súa realidade no eido dixital e que facilita a elaboración das liñas fundamentais do Plan Dixital en termos de obxectivos e accións a desenvolver
A elaboración do Plan de Acción realizouse a partir da análise do DAFO. Esta análise permitiu identificar uns obxectivos prioritarios que deberán supoñer unha mellora significativa no uso das tecnoloxías dixitais por parte de comunidade educativa.
Para o curso 2023/24 seleccionáronse catro obxectivos relacionados coas áreas de mellora de: liderado, apoios e recursos, colaboración e redes e desenvolvemento profesional continuo. É importante sinalar que os obxectivos que a continuación se desenvolven nas súas correspondentes liñas de actuación cumpren co criterio SMART, sendo específicos, medibles, alcanzables, relevantes e axustados a un marco temporal.
Realizarase unha xuntanza trimestral na que se valorarán as acción realizadas e o grao de consecución dos obxectivos.
O desenvolvemento do plan adecuouse a planificación.
Acadáronse todos os obxectivos establacidos no plan agás a adquisición de novo material informático (tabletas). A compra quedou adiada para o curso 2024/25.
A avaliación deste Plan Dixital debe entenderse como un elemento fundamental do mesmo. Unha avaliación adecuada e planificada servirá non so para coñecer o grao de cumprimento dos obxectivos marcados, se non que debe aportar información que permita reformular as accións deseñadas, elaborar propostas de mellora… Atendendo a isto realizaranse dous tipos de avaliación:
• Avaliación procesual: levarase a cabo ao final de cada trimestre por parte do equipo de Dinamización do Plan Dixital. Analizarase os estado de execución das accións, a análise e valoración dos resultados e, de ser o caso, as posibles modificacións das accións e as propostas de mellora
. • Avaliación final: terá lugar ao finalizar o curso escolar por parte do claustro e do consello escolar. Debe valorarse o grao de consecución dos obxectivos en función dos seus indicadores de logro e, de ser o caso, o establecemento de propostas de mellora.
O desenvolvemento do Plan Dixital precisa o enfoque dun proceso continuo e evolutivo. Representou un desafío para a comunidade educativa e, nalgún obxectivo concreto, require máis tempo para optimizar o seu resultado.
Varios factores condicionaron o desenvolvemento do Plan Dixital, a infraestrutura tecnolóxica dispoñible, a formación e capacitación dos docentes, a dispoñibilidade de recursos dixitais adecuados e as metodoloxías de ensino.
A posta en práctica do Plan Dixital no presente curso foi basante favorable xa soamente un dos obxectivos propostos non foi acadado e adiouse.
A avaliación do actual Plan Dixital debe ter en conta os resultados e o impacto na aprendizaxe dos estudantes, así como a experiencia e a retroalimentación dos docentes, pais e outros actores chave.
Expoñeremos o Plan Dixital ao profesorado no claustro, a os representantes da comunidade educativa no consello escolar e tamén o faremos público na web do centro.
Como cada unha das accións propostas neste plan ten uns indicadores específicos, que axudarán a determinar se o obxectivo proposto foi alcanzado ou se é necesario realizar variacións na formulación destas accións, cada curso escolar actualizarase e adecuarase o Plan Dixital de Centro ás necesidades concretas dese curso. Dita modificacións serán feitas públicas a través das canles antes sinaladas.
