Datos básicos do centro
O Colexio Marista Cristo Rey é un centro plurilingüe de ensino medio e bacharelato que leva máis de cen anos desenvolvendo a súa actividade educativa e evanxelizadora na cidade da Coruña. Infantil e Primaria impártense no centro adscrito Hijas de Jesús.
Nun ámbito familiar a través da educación formal, o deporte, os movementos xuvenís, facemos aos nosos nenos e mozos protagonistas da súa propia aprendizaxe, utilizando un modelo educativo propio, baseado na espiritualidade, a solidariedade e a actualización pedagóxica, para lograr a transformación social.
• Páxina web: www.maristascoruna.org
• Dirección: Elviña 149. 15009 A Coruña
• Teléfono: 981287530
• Email: direccion@maristascoruna.com
. Contextualización do Plan Dixital no centro. Contribución ao Proxecto Educativo do Centro
O CPR Cristo Rey é un Centro privado concertado, de acordo ao dereito recoñecido pola Constitución Española (CE 27,6) e de acordo co disposto nos artigos 121 da LOMCE y 62 y ss.de la LOMLOE O Colexio Marista Cristo Rey é un centro católico. O titular é o Instituto dos Irmáns Maristas do Ensino. O seu representante legal e máxima autoridade é o Irmán Provincial da Provincia Marista Compostela. O Centro ten o número 15004101 noRexistro de Centros. Imparte os niveis de Educación Secundaria Obrigatoria e Bacharelato. Os niveis da ESO están acollidos ao réxime de concertos no curso 94/95. O nivel de Bacharelato é integramente privado. Os Irmáns maristas e profesores segrares traballan xuntos e coordinados na misión educativa e docente conforme co Carácter Propio e co seu Regulamento de Réxime Interno (actualmente NOF). Desenvolven unha metodoloxía característica, propia da pedagoxía marista e acorde coas programacións e orientacións dos órganos colexiados. O profesorado gozará do respecto e consideración á súa persoa e á función que desempeña. Manterá tamén en todo momento unha actitude de respecto e trato correcto ao alumnado e demais membros da Comunidade Educativa. Sempre centrados na educación do seu alumnado, o claustro está inmerso nun programa de formación continua co obxectivo de ofertar unha educación actualizada e de calidade. A relación laboral co Titular será sempre conforme coa lexislación vixente e de acordo coas condicións estipuladas no seu contrato laboral. Colabora para que as instalacións do centro se atopen en óptimas condicións para o desenvolvemento do labor educativo. Atende as responsabilidades encamiñadas ao bo funcionamento e á conservación das infraestruturas e servizos do centro, sempre en coherencia co noso ideario. O alumnado é o gran protagonista da nosa actividade. A súa educación e crecemento persoal en todas as dimensións do ser humano son a nosa razón de ser. Participan da vida colexial con responsabilidade, compromiso e sentido de pertenza, con espírito de colaboración nas iniciativas propostas polo colexio. Nese senso, o carácter e as ensinanzas do fundador constitúen os valores morais que queremos transmitirlles e que sexan referentes na súa vida. O seus órganos de participación e representación colexial son o Consello escolar do centro, a Xunta de delegados (dende 1º ESO), as reunións focais (a partir de 1º ESO) e as enquisas de satisfacción e avaliación de competencias do profesorado e clima escolar. Os pais/nais de alumnos/as son parte fundamental e activa da nosa comunidade educativa. O seu principal órgano colexiado de participación e representación na vida escolar é a Asociación de Nais e Pais de Alumnos, que se rexerá pola lexislación vixente, o Regulamento de Réxime Interno e os seus propios estatutos. Os pais e nais tamén terán a súa representación entre os integrantes dos Consello escolar do centro. Así mesmo, as familias que forman parte da comunidade educativa do colexio, comprométense á aceptación e respecto do noso ideario e carácter propio Marista. A comunidade educativa do noso colexio conta coa figura de colaboradores en distintos ámbitos que axudan a dinamizar a vida da escola máis alá das aulas (animadores de grupos, monitores deportivos e de actividades culturais, monitores de actividades extraescolares, monitores de comedor, antigos alumnos...) estruturados en asociacións (MARCHA, ADEMAR, CLUBE MARISTAS…) que comparten o carisma do ideario de centro.
Breve xustificación do mesmo
• Art. 111 bis, Art. 121 e Art. 132 da LO 2/2006, de 3 de maio, de Educación
• Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
Proceso de elaboración
O plan elaborouse seguindo as indicacións da Secretaría, creando un Equipo de Traballo en constante comunicación coa dirección do centro. Nun primeiro momento, a coordinadora do equipo realizou unha análise xeral do centro que posteriormente serviría de base para que o Equipo de Dinamización elaborase o Plan Dixital.
