XUSTIFICACIÓN DO PLAN DIXITAL
En liña coas orientacións establecidas no Plan de Recuperación e Resiliencia da Unión Europea e no marco do Plan de Acción de Educación Dixital (2021-2027), a Consellería de Cultura, Educación e Universidade pretende a transformación dixital dos centros educativos de Galicia como organizacións dixitalmente competentes nos procesos de ensino- aprendizaxe, de xestión e de relación o que require de un proceso de mellora das competencias de todos os membros da comunidade educativa que se deberá recoller nun Plan Dixital de Centro como organización. O plan dixital de centro, é un instrumento de planificación que debe estar integrado no Proxecto Educativo, según recolle a LOMLOE no seu artigo único. Modificación da Ley Orgánica 2/2006, de 3 de maio, de Educación, punto 62, apartado 1 “O proxecto educativo do centro recollerá asimesmo a estratexia dixital do centro, dacordo co establecido no artigo 111 bis.5.”, co fin de desenvolver a competencia dixital da comunidade educativa, promover a innovación e sacar o máximo partido das tecnoloxías da información e comunicación, e dos recursos educativos dixitais. Este plan debe construirse ca participación de todos os sectores da comunidade educativa de modo que se convirta nun proxecto compartido. De igual modo, conforme a disposición adicional décima da mencionada ley, o Plan de Continxencia para situacións de emerxencia conterá as medidas que garanticen a competencia dixital do alumnado e profesorado, reducindo no posible as fendas dixitais de acceso e uso, e as previsións para a revisión dos elementos do curriculo e das programacións didácticas centradas nos aspectos máis competenciais do mesmo.
Durante os curso 2021/2022 cada centro elaborará o seu plan dixital, según as instruccións que se diten, tal e como recolle a resolución do 17 de xuño de 2021 na súa disposición adicional quinta da Secretaría Xeral de Educación e Formación Profesional. E na resolución do 18 de xuño de 2021 pola que se ditan instrucións para o desenvolvemento dos ciclos formativos de formación profesional do sistema educativo no curso 2021/2022. Por último citar a resolución do 3 de setembro de 2021, da Secretaría Xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
CONTEXTUALIZACIÓN DO PLAN DIXITAL NO CENTRO. CONTRIBUCIÓN AO PROXECTO EDUCATIVO DO CENTRO
O Colexio Plurilingüe Compañía de María de A Coruña é un centro concertado ubicado no casco urbano da cidade da Coruña e no que se imparten as etapas de Educación Infantil, Educación Primaria, ESO e Bacharelato.
No curso 2021-2022 conta con 3 liñas, 45 unidades e 1.226 alumnos.
O nivel socioeconómico e cultural da zona onde se atopa ubicado é medio, pertencendo ao sector terciario a actividade económica principal da maioría das familias do centro.
Conta cunha ampla traxectoria na aplicación da tecnoloxía ao proceso de ensinanza-aprendizaxe, sendo un dos primeiros centros de Galicia en incorporarse aos proxectos Abalar e Edixgal da Consellería de Cultura, Educación, Formación Profesional e Universidades. Neste momento está implantado nas etapas de Educación Primaria, 5º e 6º (150 alumnos) e ESO, de 1º a 4º (360 alumnos).
Estase a realizar unha implantación importante da tecnoloxía a toda a actividade no centro, principalmente ao proceso de ensinanza-aprendizaxe. O aulario está totalmente conectado á rede de datos do centro, contando en cada unha das aulas do centro de ordenador para a persoa docente, así como monitor dixitais interactivos ou pizarra dixital interactiva e proxector. O alumnado que non dispón de ordenadores Abalar do proxecto Edixgal, ten a posibilidade de utilizar equipamento informático nos espazos comúns, aulas de informática, laboratorios e bibliotecas.
Debido ao cambio de paradigma temporal no proceso de ensinanza-aprendizaxe que supuxo a pandemia pola COVID-19 en marzo de 2020, a competencia dixital da comunidade educativa, alumnado, profesorado e familias, mellorou significativamente coa implantación de novos procedimentos de comunicación e contornas virtuais de aprendizaxe baseadas, ademáis de nas propias do xa implantado proxecto Edixgal, nas relativas a Google Workspace.
O centro participa en programas e proxectos de innovación que manteñen relación co Plan Dixital, como poden ser os xa citados Abalar e Edixgal, así como o STEMBach, Bacharelato de Excelencia en Ciencia e Tecnoloxía ou mesmo o Plan da Consellería para a mellora das bibliotecas escolares, ademais de outros de colaboración con entidades públicas e privadas que teñen coma obxectivo desenvolver a competencia dixital de alumnado e profesorado, robótica educativa, clubes de ciencia, xornadas de ciencia na rúa, Galiciencia, etc.
Este plan dixital, ademais de permitir consolidar a participación do centro nos proxectos de innovación da Consellería, facilitará incorporarse aos novos proxectos que se están a implantar para a mellora dos procesos de ensinanza-aprendizaxe na nosa comunidade educativa.
OBXECTIVOS PLAN DIXITAL
Os obxectivos da elaboración deste Plan Dixital de Centro son:
Lograr que o alumnado aprenda a utilizar as TIC para mellorar a súa aprendizaxe e competencia dixital, usando estes recursos de forma ética e responsable.
Fortalecer a transformación dixital do centro para que inclúa unha visión da competencia dixital acorde coas recomendacións europeas relativas ás competencias clave para a aprendizaxe permanente.
Facilitar a integración e o desenvolvemento das tecnoloxías dixitais nos procesos formativos e optimice a xestión dos recursos humanos e materiais do centro.
Mellorar a competencia dixital de cada membro da comunidade educativa . para transformar o centro nunha organización educativa dixitalmente competente nos procesos de ensino-aprendizaxe, de xestión e de relación.
Desenvolver un novo plan dixital de centro unha vez finalizada a vixencia do anterior plan, desenvolvido no período 2019-2022.
Dar cumprimento ás solicitudes das autoridades educativas que foron xurdindo nos últimos anos e que se recollen na seguinte normativa: Art. 111 bis, Art. 121 e Art. 132 da LO 2/2006, de 3 de maio, de Educación; Disposición adicionais da Resolución d0 17 de xuño de 2021 pola que se ditan instrucións para o desenvolvemento dos plans dixitais de centros sostidos con fondos públicos.