Contextualización:
O centro atópase no barrio vigués de Coia. Trátase dun barrio habitado maioritariamente por familias de clase media traballadora. Preto do instituto atópase unha zona recentemente urbanizada da parroquia de Navia.
A maior parte do alumnado reside preto do centro; Coia, PAU de Navia, Alcabre ou Bouzas, e procede dos centros de primaria adscritos que son o CEIP Celso Emilio Ferreiro, o CEIP Escultor Acuña e o CEIP Javier Sensat.
O Plan Dixital do centro está deseñado para contribuír á dinamización do uso das novas tecnoloxías no centro. O instituto atópase agora nun momento no que precisa renovación de equipamento, tanto nas aulas (encerados dixitais, ordenadores portátiles e proxectores) como nas aulas de informática. O curso pasado recibimos uns portátiles para poder prestar ao alumnado con dificultades tecnolóxicas no fogar.
Ademais o centro conta con implicación do profesorado e ferramentas que facilitaban a emisión das clases en directo e a gravación das mesmas se fose preciso.. Neste sentido, existen varias liñas de traballo do Plan de Formación Permanente do Profesorado (PFPP) do centro, que conta neste curso, ademais de co grupo de traballo correspondente ao Plan Dixital, cunha liña de “Integración didáctica das TIC no IES Álvaro Cunqueiro”, dentro da que se incluíron:
O proxecto do Club de Ciencia, iniciado este curso, tamén contou cunha parte de programación e robótica e outra de intelixencia artificial, ámbalas dúas intimamente vencelladas á dinamización das novas tecnoloxías.
Por outra banda, o noso centro participa dende hai varios cursos no proxecto Erasmus+ cunha liña centrada no uso das TIC para a aprendizaxe de idiomas estranxeiros ("ICT Tools" the Most Effective Ways to Learn a Foreign Language).
En prol de mellorar a relación coas familias e a difusión da actividade do centro, un dos obxetivos do equipo TIC este curso é a renovación do sitio web do centro. Outro aspecto importante é a proposta que se preparou para a participación no curso 2022-2023 nos Polos Creativos, que aglutina distintos proxectos, entre os que destacan a edición de vídeo e audio e a robótica. A dinamización dos Polos Creativos do IES será un dos eixos centrais do Plan Dixital nos próximos cursos académicos.
Xustificación. Normativa.
A educación pública non pode quedar á marxe da importancia das novas tecnoloxías e da súa incorporación ao día a día da comunidade educativa. A administración manifesta dita vontade a través da lexislación vixente, da que podemos mencionar como exemplos:
Art. 111 bis, Art. 121 e Art. 132 da LO 2/2006, de 3 de maio, de Educación
Que entre outros aspectos menciona: “Los entornos virtuales de aprendizaje que se empleen en los centros docentes sostenidos con fondos públicos facilitarán la aplicación de planes educativos específicos diseñados por los docentes para la consecución de objetivos concretos del currículo, y deberán contribuir a la extensión del concepto de aula en el tiempo y en el espacio” (Art. 111 bis).
Obriga á creación dunha estratexia dixital, indicando que “El proyecto educativo del centro recogerá asimismo la estrategia digital del centro,[...]” (Art. 121).
Ademais, o Art. 132 inclúe entre as funcións do director:
l) Promover experimentaciones, innovaciones pedagógicas, programas educativos, planes de trabajo, formas de organización, normas de convivencia, ampliación del calendario escolar o del horario lectivo de áreas o materias,[...].
m) Fomentar la cualificación y formación del equipo docente, así como la investigación, la experimentación y la innovación educativa en el centro.
n) Diseñar la planificación y organización docente del centro, recogida en la programación general anual.
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
Que especifica a necesidade de elaboración de dito documento: “Os centros docentes elaborarán no curso 2021/22 o seu plan dixital de acordo coas instrucións que se diten.”
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
Onde se concretan as instrucións para a elaboración deste documento na Comunidade Autónoma de Galicia.
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022, Onde se concretan as instrucións para a elaboración deste documento na Comunidade Autónoma de Galicia.
Proceso de elaboración
Durante o curso 2021 – 2022, no IES Álvaro Cunqueiro desenvolveuse unha liña de formación específica dentro do Plan de Formación Permanente do Profesorado (PFPP) para a elaboración do Plan Dixital de centro. Dentro do equipo, Antón Fente Hernández actuou como coordinador da liña de traballo e enlace co Centro de Formación e Recursos (CFR) de Vigo.
O Plan Dixital do IES Álvaro Cunqueiro desenvolveuse, en catro etapas, unha primeira de toma de evidencias sobre o estado do centro, unha segunda de análise e unha terceira de deseño de accións. A última fase, de elaboración, tivo como obxectivo a elaboración do documento.
