CONTEXTUALIZACIÓN DO PLAN
O Plan Dixital ven a completar o desenvolvemento normativo establecido pola Consellería de Educación e Ordenación Universitaria e pola propia autonomía do noso centro. Como tal, ven a substituír o Plan Tic, que xa fai máis dunha década veu a concretar como traballamos na comunidade educativa do IES Lagoa de Antela coas TIC´s, tanto dentro e fóra da aula.
A introdución das novas tecnoloxías no terreo da educación fai que toda a comunidade educativa se comprometa no seu avance dentro da aula. O profesor, como na materia, debe tomar unha actitude onde comprobe que a competencia dixital é unha unha ferramenta de comunicación e intercambio que o alumnado sabe manexar, unha ferramenta para informar e orientar, así como unha ferramenta para o ensino e autorización a distancia.
Pero tamén o alumnado e as familias deben asumir este novo reto de aprender doutra maneira, axudados por novas técnicas e recursos que han revolucionar a aprendizaxe dende o presente que vivimos. Este cambio significativo na forma de levar a cabo a Ensinanza-Aprendizaxe vai supor unha auténtica revolución nas entidades educativas e nos seus protagonistas, se non está a suceder xa.
A orientación educativa atopa nas Tecnoloxías da información e a Comunicación gran cantidade de fontes de información para a autoformación e a práctica profesional. O profesor leva aos alumnos a través das innovacións tecnolóxicas aplicadas á materia, e que proporcionan recursos en beneficio das súas funcións.
Os recursos utilizados a partir das novas tecnoloxías non son incompatibles co desenvolvemento das programacións das diferentes materias que compoñen o Currículo educativo; máis ben poden servir para ampliar aqueles conceptos que os alumnos non entendan e que co uso ó procura persoal do devandito concepto por si mesmos leve á súa aprendizaxe de forma autónoma.
O uso das novas Tecnoloxías en continua evolución cada vez está máis presente no noso labor docente e témonos que adaptar a ela e actualizarnos como referente para o noso alumnado.
É, polo tanto, necesaria a elaboración e posta en funcionamento dun plan que permita o máximo aproveitamento das TIC, marcándose obxectivos a curto, medio e longo prazo, que deben ser revisados periodicamente e ser incluídos tanto no PEC como no PXA.
Agora ben, o Plan Dixital desenvolverá as obxectivos, claves, tarefas, necesidades materiais e formativas e resultados pretendidos no proceso de ensinanza-aprendizaxe, non só no campo científico-técnico senón en xeral, na aplicación da competencia dixital e tic en todas as materias e planos de aprendizaxe.
Por iso, na Programación Xeral Anual do vindeiro curso, teremos que concretar ditas intencións así como intentar aplicar e levar a cabo as principais liñas de actuación e solucionar as necesidades tecnolóxicas e materiais.
BREVE XUSTIFICACIÓN DO PLAN DIXITAL
Xa a LOE e a LOMCE, instruían aos centros e ao profesorado para concretar obxectivos, procedementos e medidas para traballar coas novas tecnoloxías en relación á metodoloxía docente, pero tamén nos resultados e competencias dos discentes.
O reto que supón a introdución definitiva das TIC na educación secundaria obrigatoria, obriga a tomar unha serie de medidas e demarcar unha serie de normas que faciliten o traballo do profesorado e a comprensión do alumnados, destes novos métodos a utilizar. A sociedade global na que nos atopamos hoxe, implica o uso case imprescindible das novas Tecnoloxías da Información e Comunicación (TIC), feito que permite distintas estratexias e recursos aplicables ao ámbito educativo, tanto na xestión do Centro como nos labores educativos ou mesmo nas relacións entre profesores, pais e nais e alumnado.
Cales os as razóns que nos levan a aproveitar as posibilidades que proporcionan a Competencia Dixital e as TIC nos procesos de ensinanza e aprendizaxe? Pois, a nós ocórrensenos varias, ao menos:
- No tocante á motivación do alumnado (pero tamén do profesorado), os novos medios poden resultar máis atractivos para ambos.
- Un vínculo permanente coas fontes de información actuais e globais.
- Promoción da aprendizaxe cooperativa, que permite o traballo en grupo, o intercambio de ideas e a participación, tanto entre o alumnado, coma entre o alumnado e o profesorado.
- Acceso inmediato a múltiples recursos educativos e entornos de aprendizaxe.
- Tratamento axeitado da Atención á diversidade. Pódense personalizar os procesos de ensinanza aprendizaxe para cada alumno.
O lento pero progresivo incremento en dotación que teñen os centros, non vai en relación moitas das veces coa lenta adaptación tanto dos espazos do Centro, os recursos cos que conta o alumnado nas súas casas, e os xeitos de traballo dos docentes. Esta situación crea dificultades na aplicación das novas metodoloxías e técnicas relacionadas coa ensinanza dixital e as TIC, tanto de espazos como de medios, debidos á falta de planificación ou a carencias na formación.
Por último, temos que sinalar outras dificultades para poñer en marcha un proxecto deste tipo as cales se deben, fundamentalmente, ao contexto socioeconómico e cultural no que se circunscribe o noso centro. Non queremos deixar de mencionar o feito de que a maior parte do noso alumnado vive no rural onde, por razón diversas, o acceso ás novas tecnoloxías non é doado.
