Plan do centro
Vixencia
Introdución
Contexto DAFO
Obxectivos
Seguimento
Reunión ao inicio de curso do coordinador do Plan Dixital do Centro (Pablo Rodríguez Silva) co mentor ADIX (Xabier Baldomir Pego), e atención telemática e, no caso de requerirse, presencial verificar que se está levando a cabo.
Avaliación a final de curso dos obxectivos propostos e análise dos indicadores acadados
- O1PD e O4PD: Durante o primeiro trimestre solicitáronse as formacións (PFPP) en E-Dixgal e en Polos Creativos.
- O2PD: Non se conseguiu ningunha formación relacionada con PROENS organizada no centro, aínda que varios profesores e profesoras están facendo pola súa conta cursos ao respecto a través de FProfe.
- O3PD: Non se organizou aínda ningún obradoiro nin formación para o alumnado en cuestións relacionadas coas TIC.
- O1PD: Continúa a formación en E-Dixgal. O equipo TICs de secundaria, xunto co coordinador E-Dixgal do centro, encárganse de resolver as cuestións relacionadas cos problemas na plataforma.
- O2PD: Non hai incidencias relacionadas con PROENS polo de agora.
- O3PD: Organizáronse dúas charlas para primaria e secundaria relacionadas cos riscos das TICs.
- O4PD: Continúa a formación en Polos Creativos. O profesor responsable da PFPP é o encargado de asistir ao profesorado que teña dúbidas ao respecto.
- O1PD: Remata a formación en E-Dixgal.
- O2PD: Non hai incidencias relacionadas con PROENS polo de agora.
- O3PD: Participación no programa "Navega con Rumbo" para favorecer o uso responsable de Internet e as redes sociais en primaria.
- O4PD: Remata a formación en Polos Creativos.
Avaliación
Coa fin de poder avaliar o Plan Dixital, será necesario medir o grao de consecución dos obxectivos que temos marcado no mesmo.
Tamén será preciso comprobar a efectividade das actuacións levadas a cabo durante o vindeiro e seguintes cursos. Os obxectivos que marquemos deben ser específicos e concretos. Deben ser medibles, alcanzables, realistas e definidos no tempo.
Para levar a cabo a avaliación teremos en conta os seguintes instrumentos e ferramentas:
- Os indicadores de avaliación asociados a cada un dos obxectivos e accións
- As ferramentas de avaliación SELFIE a través da cal poderemos facer unha análise da competencia dixital do centro. Recoméndase realizar anualmente a final de curso.
- A avaliación da Competencia Dixital Docente.
- A avaliación da Competencia Dixital do alumnado a través do SELFIE, preferiblemente a final de curso.
O plan avaliarase en función dos resultados obtidos no marco dos obxectivos e prazos previstos. O informe de progreso formará parte da Memoria Anual do Centro.
No noso Centro o Plan Dixital está lonxe de ser unha ferramenta útil para o profesorado. A pesar de estar en E-Dixgal, cada ano entramos cun novo curso neste programa e nunca chegan os recursos prometidos. Neste ano volvemos sufrir os problemas de conexión no edificio de Secundaria, a falta das aulas coa instalación nova... En canto teñamos isto solucionado poderemos establecer un plan axeitado, mentres tanto os nosos esforzos van encamiñados a apañarnos co que temos.
Solucionar os problemas da instalación e funcionamento nos nosos recursos dixitais antes de propoñernos actividades ou medidas do Plan Dixital.
Comunicación e difusión
Neste ámbito é preciso definir os protocolos ou estratexias que serán necesarios para publicitar e difundir o plan dixital do centro entre a comunidade educativa.
A difusión do Plan Dixital realizarase particularmente a través da páxina web do centro educativo, considerada como recurso para a información, xestión, formación e colaboración. O seu enderezo é: http://www.edu.xunta.gal/centros/cpivianopequeno/
A páxina web actualizarase con certa frecuencia e servirá como canle de difusión do Plan TIC e servirá coma ponte para a comunicación con toda a comunidade educativa.
Ademais a aplicación Educalidade poderá consultarse para visualizar nela tamén esta información.