Instrumentos de seguimento e diagnóstico do plan: Instrumentos de diagnóstico estandarizados a utilizar.
Para poder alcanzar os resultados propostos no Plan de Dixital de Centro vaise levar a cabo unha avaliación continua que nos permitirá ver se os obxectivos expostos son os axeitados e se as medidas propostas son as correctas para lograr os obxectivos planificados podendo realizar as modificacións oportunas.
Valorarase o grao de implicación de cada un dos membros que compoñen a nosa Comunidade Educativa, así como a coordinación entre eles e o grao de aceptación das distintas propostas. Esta avaliación continua complementarase cunha avaliación final onde se valorarán os resultados obtidos, as posibles melloras, erros cometidos, necesidades e grao de satisfacción coa experiencia. Para todo iso, empregaranse os seguintes instrumentos de avaliación:
a) Revisión dos obxectivos e actividades expostas.
b) Avaliación das actividades propostas: diagnóstico inicial, desenvolvemento e conclusións.
c) Reunión de seguimento cos axentes implicados.
d) Memoria anual do Plan Dixital de Centro.
O seguimento e avaliación de plan está vinculada ao traballo de tres equipos:
¿ Equipo TIC
¿ Comisión de Coordinación Pedagóxica
¿ Equipo Directivo.
O principal responsable é o Dinamizador (director) e o equipo TIC pois segundo as súas funcións correspóndelle “Deseñar, seguir, avaliar e actualizar o Plan TIC do Centro”.
O resto dos equipos colaboran segundo o expresado en diferentes apartados deste plan.
O plan revisarase dúas veces ao ano polo equipo TIC, que elaborará un informe para a memoria final e propoñerá os cambios que considere oportunos.
Instrumentos de seguimento e diagnóstico do plan: Instrumentos de diagnóstico estandarizados a utilizar.
Para avaliar a eficacia do plan utilizaremos os indicadores de avaliación incluídos en cada unha das accións tendo en conta o diagnóstico inicial realizado despois das probas SELFIE e CDD.
Nos prazos correspondentes utilizaranse sistemas propios para realizar o diagnóstico da competencia dixital docente (CDD), así como a ferramenta SELFIE.
Auditorías internas ou externas.
Auditorías externas:
¿ As que determine a Consellería de Cultura, Educación e Universidade da Xunta de Galicia.
Auditorías internas:
¿ A que no propio seguimento do plan realiza o equipo TIC Do CEIP Plurilingüe Manuel Sueiro.
· Conclusións da aplicación e o desenvolvemento do Plan Dixital.
O presente é xa o décimo cuarto plan TIC (primeiro foi no 2008) que desenvolve o colexio, sendo o primeiro Plan Dixital de Centro. Podemos dicir sen dúbida, que vai ser un novo impulso en todos os aspectos curriculares, de equipamento, de formación, de comunicación e xestión con ferramentas TIC, e así nos vai a permitir avanzar no proceso de mellora continua do centro.
O punto de partida para a aplicación e desenvolvemento deste Plan Dixital de Centro o podemos definir como medio, en primeiro lugar, en todo o relacionado coas infraestruturas:
¿ Desde un punto de vista de infraestruturas o colexio ten unhas instalacións aceptables sendo necesario a substitución e actualización dalgúns equipos informáticos así como a colocación de 4 taboleiros dixitais e comprar 14 tabletas.
¿ Desde o punto de vista do software, contamos coas maquetas Abalar e os equipos Edixgal para o alumnado de 5º e 6º de Educación Primaria e para todo o profesorado que imparte docencias nesas aulas.
· Nos aspectos educativos:
· A implantación das Aulas Virtuais chega ao 100% das aulas de Educación Primaria, do alumnado e do profesorado, cun uso máis que aceptable. Os puntos crave do plan son a paulatina modernización dalgunhas infraestruturas, a aplicación da metodoloxía por proxectos, o incremento do uso de dispositivos nos primeiros cursos de Educación Primaria, a sempre necesaria formación do profesorado., tanto en aspectos didácticos, puramente tecnolóxicos e na cultura de compartir recursos e uso de repositorio comúns. Tamén consideramos imprescindible todo o relativo á seguridade dixital. En definitiva, este plan axudaranos como centro, como profesionais e aos nosos alumnos para ser máis competentes nun mundo dixital cambiante usando os medios que, na maioría das ocasións, xa temos ao noso alcance.
· Liñas de mellora detectadas para as próximas revisións.
As liñas de mellora detectadas para próximas revisións inclúense no plan de acción para o curso escolar 2022/2023 e as que se deriven das avaliacións periódicas.
· Estratexias de revisión e modificación do Plan Dixital.
A experiencia do centro no desenvolvemento dos plans estratéxicos podemos garantir sen dúbida a continua revisión e actualización do Plan.
• Antes de confeccionar un novo plan estratéxico realízanse tamén análise DAFO, CCD e CAME da situación do centro, na que se inclúen, como non, as TIC.
• Os diferentes procesos do Modelo de Xestión inclúen información detallada do uso das TIC e son supervisados polo Equipo Directivo, CPP e en última instancia polo Consello Escolar do CEIP Plurilingüe Manuel Sueiro.
• O plan no seu conxunto avalíase e revisa a finais de cada curso, e cando se considera necesario e de forma exhaustiva a finais do curso escolar 2022-2023.
• Debido a que é dinámico, é posible a mellora continua do mesmo.
