O noso alumnado pertence maioritariamente a unidades familiares cun nivel sociocultural e económico medio e medio – baixo,  procedentes da área de incidencia próxima ao barrio do Couto e zonas limítrofes á cidade de Ourense. O barrio do Couto, a súa vez, é un barrio moi próximo ao centro da cidade pero con gran crecemento en ocupación por parte de familias inmigrantes de América Latina, principalmente. Este feito fai que o noso centro teña unha tendencia en auxe a recibir alumnos inmigrados, con toda a adaptación educativa e cultural que esa situación conleva. Así mesmo, a maioría do alumnado procede de familias con pais e nais traballadores por conta allea.

Froito da situación socioeconómica, danse de forma crecente factores de risco e/ou desestructuración social (precariedade económica, desemprego, deterioro vital ou das unidades relacionáis...) que repercuten negativamente nos xoves matriculados no noso centro e na súa proxección educativa, como poden ser a disposición e adquisición de hábitos de conduta, implicación na relación e traballo educativo, motivación cara o mundo laboral, entre outras.

Todo este contexto fai que o nosa oferta de equipos informáticos para cada alumno sexa unha máxima no noso centro e que a súa vez o alumnado se vexa recompensado no seu proceso de ensino – aprendizaxe. Así mesmo, temos que ter especial coidado coas esixencias a nivel dixital fora do aula, porque poderíase dar pola mesma situación, unha situación de exclusión en parte do alumnado ao carecer de medios e infraestrutura dixital nas súas vivendas.

Esta plan ha de significar a continuidade dos nosos valores respectando o programado en cursos anteriores a fin de alcanzar aqueles obxectivos que no seu día se propuxeron e que, ou ben non se acadaron plenamente, ou ben se consideran como  identidade do noso centro e que han de estar sempre presentes. Pero ao mesmo tempo, debe ser o documento que asegure unha evolución no noso traballo recollendo novos obxectivos a nivel dixital e favorecendo e asegurando a participación de todos os membros da nosa comunidade educativa.

Tamén impulsará a relación coas familias, as institucións e a Administración Educativa para procurar entre todos fomentar unha adaptación progresiva aos medios dixitais, sempre respectando o Proxecto Educativo de centro, e máis concretamente, as normas de convivencia do centro.

En definitiva, contamos cun documento que se converte no marco e referente de canto queremos desenrolar en materia dixital no noso Centro este ano escolar, dende a perspectiva de continuidade e evolución que ha de caracterizar a coherencia dun proxecto pedagóxico que defina a tarefa diaria do noso Centro.

A  calidade do ensino que aspiramos a conseguir baséase nunha serie de principios básicos, e que os novos obxectivos no plano dixital deben de respectar:

• Un ensino útil para a vida, para acadar a felicidade e adecuada ás necesidades de cada usuario/a do centro.
• Un ensino para a convivencia, inserido nas necesidades do medio mais próximo, mais que mire o conxunto dos problemas sociais.
• Un ensino en valores, no que se aprenda convivindo de maneira responsable, solidaria e libre, resolvendo os problemas mediante a cooperación e o diálogo.
• Un ensino democrático, no que todos e todas desexemos e poidamos participar co interese que a nosa actividade merece xestionándoa entre todos/as.
• Un ensino sen exclusións, que tende obter o mellor e o máximo nivel posible de todas as persoas que participamos no proceso.

Os obxectivos e as accións derivadas da implementación do Plan Dixital afectan directamente nos obxectivos programados na Programación Xeral Anual do curso 2022/23, dando un pulo importante en materia dixital en todas as tarefas programadas para cada grupo da comunidade educativa.

Breve Xustificación

O contexto normativo no que se desenvolve o Plan Dixital do noso centro detállase a continuación:

• Art. 111 bis, Art. 121 e Art. 132  da LO 2/2006, de 3 de maio, de Educación, que tratan sobre as tecnoloxías da información e a comunicación, o proxecto educativo e as competencias do director ou directora, respectivamente.
• Resolución do 22 de xuño de 2022, da Dirección Xeral de Formación Profesional, pola que se ditan instrucións para o desenvolvemento das ensinanzas de formación profesional do sistema educativo no curso 2022/23.
• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
• Marco Europeo para Organizacións Educativas Dixitalmente Competentes (DigCompOrg).

O Plan Dixital é un documento vivo que se irá adaptando a medida que xurdan novos aspectos a ter en conta no centro,como a través da realimentación de todo o plan de acción que se vai a comezar a desenrolar en materia dixital.

Constará de dous procesos diferenciados: un de seguimento do plan de acción e outro de integración das propostas de mellora que vaian xurdindo

Seguimento do plan de acción
A responsabilidade do seguimento do plan de acción cae sobre o grupo de dinamización do Plan Dixital. Eles serán os encargados de transmitir a cada responsable as súas funcións dentro da acción a levar a cabo para acadar os obxectivos. A súa vez irán documentando as accións que pasan de pendentes a realizadas ou aprazadas. A forma de facelo será periódica tendo en conta cada un dos prazos marcados na planificación dos obxectivos de mellora, distinguindo as seguintes avaliacións

- No contexto da avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

- No contexto da avaliación final a frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos
obxectivos e as propostas de mellora.

Tras levar a cabo a implementación do plan, damonos conta de que se marcaron demasiados obxtivos, que a priori poderian parecer facilmente implementables pero en alguns casos non foi asi. Hai que sumarlle a dificultade añadida do cambio de directiva con novos obxetivos e prioridades.

Por otro lado destacar que o persoal esta implicado sobre todo na aceptación de formación e que se realizaron cursos ou se estan a facer.

Destacar o seguemento e apoio prestado pola mentora do plan que nos apoiou e guiou en todo momento.

Dos obxetivos marcados, descartamos:
A03.2:Construír un rexistro a onde os alumnos poidan acceder para que vexan opcións, así como unha difusión periódica das ofertas que van xurdindo entre os alumnos matriculados e antigos alumnos
Debido a que consideramos que non teria a repercusion necesaria, a parte de que existen portais con este fin,

O noso centro ten os procesos integrados dentro dun Sistema de Xestión da Calidade. Ao longo do curso, dentro do mapa de procesos de Calidade, avalíanse diversos aspectos de satisfacción da comunidade educativa. As propostas de mellora sairán de todas as aportacións en materia dixital que vaia facendo a comunidade educativa nesas diagnoses.
Será o responsable de calidade o encargado de transmitir esas propostas de mellora ao equipo de dinamización do plan dixital. A súa vez, o equipo decidirá a viabilidade desas melloras e de ser o caso,como integralas nembargantes como obxetivos establecidos a curto plazo marcamonos os seguintes. 

Area de mellora: LIDERADO (A)

• Fomentar a comunicación coas familias a traves de Abalar

Area de mellora: INFRAESTRUCTURAS E EQUIPOS (C) centraremonos fundamentalmente nos seguintes obxectivos:

• Formar parte do catalogo de ofertas da web como empleafp.com ou feuga.es/talento 
• Ser centro Microsoft Showcase Schools
• Mellorar as infraestructuras tanto a nivel de equipos como a nivel de conectividade e velocidade de rede do centro.

Area de mellora: DESENVOLVEMENTO PROFESIONAL CONTINUO DPC (D):

• Continuar co plan de formación a fin de que todo o persoal adquira un nivel de competencia B1
• Manter un calendario de reunions trimestrais para o seguemento da implantación do PD

Area de mellora: COMPETENCIAS DIXITAIS DO ALUMNADO (H)

• Cambio da metodoloxia empregada especialmente nos cursos de segundo de CGM co fin de aplicar o software e recursos necearios para desenrolar proxectos colaborativos.

O responsable da difusión do plan será o responsable de calidade, seguindo o Plan de Comunicación Interna do Centro, como está marcado no noso sistema de xestión.

O plan estará a disposición do profesorado e do equipo directivo a través dun cartafol no servidor dedicado ao mesmo, sempre vixiando que sexa a versión en vigor do mesmo, como se fai en todo o proceso de Tratamento de Documentación Interna. As versións derrogadas pasan a un cartafol de documentos obsoletos.

A difusión ao resto da comunidade educativa farase a través da páxina web do colexio: https://colexiovalleinclan.com/plan-dixital/