1.XUSTIFICACIÓN DO PLAN DIXITAL EN RELACIÓN Á NORMATIVA VIXENTE
O noso plan dixital ten como marco lexislativo:
-Art. 111 bis, Art. 121 e Art. 132  da LO 2/2006, de 3 de maio, de Educación
-Disposición adicional quinta da Resolución do 17/06/2021, da Secretaría Xeral de Educación e FP, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
-Disposición adicional terceira da Resolución do 18/06/2021, da Secretaría Xeral de Educación e FP, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
-Resolución do 3 de setembro de 2021, da Secretaría xeral de Educación e FP, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-20222. CONTEXTUALIZACIÓN DO PLAN DIXITAL NO CENTRO. CONTRIBUCIÓN AO PROXECTO EDUCATIVO DO CENTRO
2.1. Características socioeconómicas e culturais do contexto do centro
O CEIP Plurilingüe de Vilaxoán constitúe unha oferta de ensino público no Concello de Vilagarcía de Arousa, concentrada, sobre todo, nas parroquias de Sobradelo e Sobrán, cunha extensión de 8,4 Km2 e unha poboación de aproximadamente 6.500 habitantes.
A área de influencia do centro ten unha poboación dispersa polo que é preciso que a maior parte do alumnado sexa usuario do transporte escolar.
A maioría da poboación é autóctona aínda que nos últimos anos estase a incrementar o número de inmigrantes na zona o cal revirte no alumnado do centro.
A lingua vehicular do alumnado de Vilaxoán é maioritariamente o castelán.
O pobo sempre estivo ligado ao mar con fábricas conserveiras e outras adicadas á salgadura que hoxe están abandonadas. Tamén destaca o cultivo do mexillón nas bateas, o marisqueo a pé e a pesca de baixura. Por iso, moitas das familias do noso alumnado adícanse a estas actividades laborais.
A realidade socio-económica da zona fai que haxa moita variedade, sendo a maioría familias de renda media- baixa.
En relación as infraestruturas e servizos culturais e sociais da zona, cabe destacar que Vilaxoán dispón de varias casas de cultura, unha axencia de lectura dependente da biblioteca municipal, unha praza de abastos, e varias instalacións deportivas entre as que destacan dous campos de fútbol e un pavillón municipal.
2.2. Incardinación e contribución do Plan Dixital ao Proxecto Educativo
O centro incorporouse ao Plan Abalar no curso 2011/2012 e posteriormente no curso 2017/2018  incorporámonos ao Plan Edixgal no que seguimos integrados na actualidade cos grupos de 5º e 6º .
Así mesmo, dende o curso 2020/2021 participamos no programa “Radio na biblio” pertencente ao Plan Lía.
A traxectoria levada a cabo no centro no ámbito das tecnoloxías foi impulsada dende hai varios cursos polo equipo TIC mediante a realización de diversas accións entre elas:
Realización de dúas sesións formativas co equipo ADIX e contouse coa colaboración do profesorado na realización do SELFIE e do TCDD.
- A hora semanal de informática; todos os grupos do centro teñen asignada no seu horario semanal unha sesión na que traballar de forma directa cos equipos informáticos para coñecer o seu funcionamento, distintos aplicativos adaptados a súa idade e actividades dixitais interactivas. Esta sesión realízase co alumnado de E Infantil a 4º de Primaria na aula de informática e co alumnado de 5º e 6º nas súas propias aulas ao empregar cada un o seu portátil Edixgal
- O repositorio “Aprendemos coas TICS” na web do centro; base de enlaces a actividades dixitais interactivas clasificadas por materias e temáticas
- A realización de sesións formativas dirixidas ao profesorado e a elaboración de manuais que teñen a súa disposición na AV do centro
- A creación de cursos na Aula Virtual dirixidos ás familias do alumnado onde se lles facilita información e manuais sobre o funcionamento da propia AV, a aplicación abalar móbil e o servizo de vídeoconferencias
O Plan Dixital pretende incardinarse e contribuír co Proxecto Educativo no relativo á mellora da competencia dixital do alumnado, sen ter unha dependencia excesiva destas tecnoloxías pero facilitándolles as ferramentas para desenvolverse de forma eficaz nunha sociedade cada vez máis dixitalizada.
Así mesmo, mediante esta capacitación dixital do alumnado  buscaremos  superar o risco de exclusión dixital ao que poden estar expostos algún deles.
Por outro lado, o centro intenta promover accións innovadoras potenciando o emprego das TICS e dos recursos dixitais que o profesorado e o alumnado ten a súa disposición
2.3.Contribución do Plan Dixital á Programación Xeral Anual do curso 22/23
Pretendemos que o Plan Dixital contribúa á PXA do curso 22/23 ao servir de marco as accións impulsadas polo equipo TIC citadas no apartado anterior que conxuntamente coas que se recollen no propio plan de acción buscaran mellorar a competencia dixital de toda a comunidade educativa finalidade última do Plan Dixital.
3. PROCESO DE ELABORACIÓN
O Plan Dixital foi elaborado mediante a realización dun PFPP no que participou o Equipo de dinamización do Plan e seguiu en todo momento as indicacións realizadas polos mentores do ADIX.
-Análise das instrucións para o deseño, elaboración e implantación do plan dixital. Decisións sobre a data de apertura e peche do SELFIE e sobre o envío dos enlaces ao profesorado e do equipo directivo polo correo corporativo. Realización da enquisa SELFIE do alumnado na sesión semanal de informática. Selección das preguntas opcionais a engadir na enquisa
-Análise dos resultados preguntas do SELFIE do profesorado e do equipo directivo concretando os seus puntos fortes e débiles en relación á tecnoloxía dixital.
-Análise dos resultados preguntas do SELFIE do alumnado concretando os seus puntos fortes e débiles en relación ás tecnoloxías dixitais. Determinación global dos puntos fortes e débiles, das ameazas e oportunidades en relación ás tecnoloxía dixitais necesarios para crear o DAFO
-Concreción dos puntos fortes e débiles resultantes da análise do TCDD. Inclusión nas categorías do DAFO do BOARD da nosa AV dos puntos fortes e débiles e das fortalezas e ameazas resultantes das análises do SELFIE e do TCDD.
-Establecemento dos obxectivos prioritarios do Plan de Acción. Elaboración das táboas do plan de acción de cada obxectivo, incluíndo os seus indicadores de logro e concretando as accións a realizar.
-Redacción final do Plan dixital

Realizarase ao final de cada curso e nela levarase a cabo a:
- Valoración do logro de cada un dos obxectivos establecidos no plan de acción utilizando coma referencia os seus indicadores.
- De ser o caso, a proposta de accións de mellora ou de modificacións para a consecución do obxectivo no seguinte curso.
- Indicación de se o obxectivo foi acadado ou non.

Para a realización da avaliación empregarase a aplicación Educalidade

Realizamos unha valoración positiva do proceso de implantación do plan dixital do centro xa que:

-Acadáronse os valores establecidos para os indicadores dos catro obxectivos establecidos no mesmo.

-Levarse a cabo todas as accións previstas excepto unha delas.

-Unha elevada porcentaxe do profesorado do centro interesouse e implicouse na creación de actividades H5P.

- O interese do alumnado dos tres primeiros cursos de primaria por realizar actividades na Aula Virtual do centro.

- Mellorouse a infraestrutura de aula de informática con novos puntos de acceso á rede e aumento no número de equipos a disposición do alumnado.

Coma punto negativo, indicar que non se levou a cabo a acción A04.1 Formación do alumnado de E Infantil relativa: ao prendido e apagado dos equipos e manexo do rato debido a circunstancias internas do centro pero isto non impediu que o alumnado de 5º e 6º desta etapa educativa traballase coas tecnoloxías dixitais xa que no lugar de traballar con ordenadores empregaron a lousa dixital da aula de informática para a realización de actividades dixitais interactivas o que permitiu lograr o obxectivo ao que estaba vinculada esta acción.

En relación cos elementos externos valoramos de forma positiva as xestións realizadas coa UAC e o asesoramento do Adix.

Para o vindeiro curso 2023/2024 as propostas de mellora no plan dixital de centro centraríanse en:

- Consolidar o emprego da Aula Virtual por parte do alumnado dos catro primeiros cursos de primaria intentado aumentar a súa utilización fora do horario lectivo.

- Aumentar o número de actividades do repositorio de actividades H5P, ampliando a súa tipoloxía.

- Buscar sacar un maior rendemento ao equipamento Educa en dixital, empregándoo de forma habitual na aula de informática e/ou coma aulas móbiles.

- Buscar sacar un maior rendemento as pantallas dixitais recibidas a final de curso, realizando actividades formativas para que o profesorado coñeza tódalas posibilidades que ofrecen e utilizándoas como elemento de achegamentos á tecnoloxía nos cursos de Educación Infantil no lugar do emprego dos ordenadores.

A difusión do plan dixital do centro realizarase mediante:
- Publicación do plan dixital na páxina web do centro (menú "Documentos do centro", apartado "Documentos organizativos"
- Envío por parte da dirección do centro dunha mensaxe de Abalar móbil para informar as familias do alumnado da publicación do plan dixital.

Ligazón de acceso ao plan dixital na web do centro: http://www.edu.xunta.gal/centros/ceipvilaxoan/?q=taxonomy/term/535