O noso centro educativo consta de 19 unidades de Educación infantil e Educación primaria cun total de 448 alumnos e alumnas e 32 docentes. No noso afán por mellorar o proceso de ensino aprendizaxe e preparar ao alumnado para a vida, participamos nos seguintes proxectos de centro:
- Proxecto de Mediación escolar
- Proxecto E-Dixgal
- Horto escolar
- Plan Proxecta
- Programa de Fenda Dixital
Este plan encádrase dentro da vontade da Unión Europea de promover o desenvolvemento das novas tecnoloxías nos centros educativos e mellorar a competencia dixital tanto do profesorado como do alumnado para acadar a adaptación ao contexto dunha sociedade globalizada que implica novos retos para todos e todas. Para tal fin,partimos da seguinte normativa:
Art. 111 bis, Art. 121 e Art. 132 da LO 2/2006, de 3 de maio de Educación
Disposición adicional quinta da Resolución do 6 de xuño de 2023, da Secreatría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e Bacharelato no curso académico 23/24.
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
Para a elaboración deste Plan, creouse un PFPP cun grupo de traballo específico formado polo equipo directivo e o coordinador TIC.
O primeiro paso que se levou a cabo foi a participación do profesorado no cuestionario SELFIE, ferramenta deseñada para axudar aos centros educativos a integrar as novas tecnoloxías na docencia, a aprendizaxe e a avaliación do alumnado.
A continuación, o profesorado participou no TCDD para coñecer o grao de competencia dixital de cada un dos membros do claustro e reflexionar sobre os coñecementos en materia de novas tecnoloxías e poder deste xeito tomar medidas para mellorar dita competencia.
Partindo por tanto dos resultados obtivos nestes cuestionarios, o Equipo de Dinamización do Plan Dixital reuniuse en varias ocasións para analizar os datos e elaborar o DAFO que amosase as debilidades, ameazas, fortalezas e oportunidades que afectan ao noso centro educativo. Esta matriz serviunos de base para a definición dos obxectivos a marcar no noso Plan Dixital.
Todas estas actuacións son esenciais para implantar este plan e iniciar así, ano tras ano, un camiño para facilitar o desenvolvemento das competencias do noso profesorado e o noso alumnado en materia de novas tecnoloxías e competencia dixital.
O procedemento para o seguimento do Plan Dixital basearase nas reunións periódicas coa Coordinadora ADIX, así como as reunións do propio equipo do Plan Dixital.
A realización de cada Plan de acción revisarase como mínimo, unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
Neste primeiro trimestre, o Equipo do Plan Dixital reuniuse para determinar o plan de acción a levar a cabo co fin de acadar os obxectivos propostos para este curso escolar.
Con respecto a estes obxectivos, creamos dous PFPP para contribuír á súa consecución. Por unha parte continuamos co PFPP de Polos creativos como proxecto interdisciplinar de centro; e por outro, un PFPP do Plan Dixital que inclúe formación para a creación de contidos dixitais.
Neste segundo trimestre, recibimos formación dentro do PFPP de Polos Creativos e planificamos a formación de creación de contidos dixitais para levala a cabo a comezos do terceiro trimestre.
Durante este último trimestre recibimos formación relativa a creación de contidos dixitais en Canva e creamos o repositorio na aula virtual do centro para compartir materiais didácticos entre todo o profesorado.
O procedemento de seguimento do desenvolvemento do plan e da consecución de obxectivos será o seguinte:
- Avaliación procesual: a realización de cada plan de acción revisarase, como mínimo, unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
- Avaliación final: realizarase ao final de curso. Os aspectos a considerar incluirán, entre outros, a valoración do logro dos obxectivos e as propostas de mellora, así como os plans de acción para o vindeiro curso. De xeito que este plan sexa un elemento vivo en constante actualización.
En xeral podemos concluir que durante o curso actual se traballou para a consecución dos obxectivos establecidos, acadando a creación do repositorio de materiais.
Ben é certo que non puidemos levar a cabo moitas actividades relacionadas con Polos creativos por divresas circunstancias, polo que continuaremos o curso que vén intentando lograr finalmente o produto final do porxecto.
De cara ao curso próximo trataremos de fomentar a participación e implicación do profesorado no proxecto de Polos creativos, así como continuar coas formacións que nos permitan ampliar os nosos coñecementos para diversificar as actividades a realizar a nivel de centro.
O protocolo para a publicidade e difusión do plan entre toda a comunidade educativa incluirá o seguinte proceso:
Comunicación aos órganos colexiados:
- CCP (aportación de ideas para a elaboración do plan e información do mesmo).
- Claustro (presentación, aportación de ideas e valoración).
- Consello Escolar (presentación, valoración e aprobación).
Publicidade na web do centro no apartado de documentos.
AbalarMobil: comunicación do enlace ao documento.
