Contextualización do plan dixital no centro. Contribución do plan ao Proxecto Educativo do centro.

O Centro educativo está situado no núcleo urbano da vila de Ordes, moi preto dos accesos á autoestrada. A pesares de non estar no centro da vila, o centro educativo está moi ben comunicado.

A poboación do noso Centro é de clase media- baixa, cunha porcentaxe considerablemente menor da clase media e alta. Conflúen no noso centro alumnado do núcleo urbano da vila de Ordes e alumnado pertencente ás zonas rurais das distintas parroquias do Concello de Ordes.

As profesións dominantes son obreiros, empregados comerciais, empregadas da confección, persoas adicadas á agricultura e gandería e, en menor medida, profesionais liberáis, funcionarios…

Temos un número importante de inmigrantes: de Marrocos, Venezuela, Colombia.

A elaboración do plan dixital e a súa posta en marcha pretenden contribuír ó proxecto educativo do centro no seguinte sentido:

·        Mellorar as instalacións do centro.

·        Mellorar as relacións entre todos os membros da comunidade educativa.

·        Influír na metodoloxía.

·        Contribuír á atención á diversidade e á integración do alumnado.

·        Fomentar a actualización e renovación do profesorado.

Xustificación do plan dixital.

Á hora de elaborar o plan dixital, tivéronse en conta os seguintes referentes legais:

Marco Lexislativo

- Art. 111 bis, Art. 121 e Art. 132 da LO 2/2006, de 3 de maio, de Educación.

- Resolución do 3 de setembro de 2021, da Secretaría xeral de Educación e Formación profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.

- Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.

- Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nessa etapa educativa.

- Artigo 34.1 doDECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.

- Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nessa etapa educativa.

- Artigo 37.1. do DECRETO 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia.

- Artigo 18 da ORDE do 26 de maio de 2023 pola que se desenvolve o Decreto 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia e se regula a avaliación nesaetapa educativa.

Por outra parte, no artigo 121 referido ó Proxecto Educativo do centro, establécese que neste documento se recollerá a estratexia dixital do centro. Por último, no artigo 132 referido ás competencias do/a director/a do centro, establécese como función promover a innovación educativa e impulsar plans para a consecución dos fins do proxecto educativo.

·        A resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.

·        A resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de educación infantil, educación primaria, educación secundaria e bacharelato no curso académico 2021- 2022, fai referencia ó uso das TIC como recurso didáctico e como medio para levar a cabo as actividades non presenciais, ó uso dos medios de comunicación corporativos para comunicarse coas familias e ó uso da aula virtual no caso da ensinanza non presencial.

Na súa disposición adicional quinta fai referencia a que cada centro elaborará o Plan Dixital no curso 2021-2022, segundo as instrucións que se diten.

Proceso de elaboración.

Para a elaboración do Plan Dixital seguíronse unha serie de pasos:

·        Creación do grupo para o PFPP e creación do Equipo de Dinamización do Plan Dixital.

·        Análise da situación do centro a través do Selfie e das opinións dos membros do claustro.

·        Creación do DAFO analizando as oportunidades, fortalezas, debilidades e ameazas que se atoparon no centro.

·        Elaboración do plan, sendo froito dun traballo conxunto, coordinado e cooperativo.

A avaliación procesual e que se levará a cabo unha vez ó trimestre, valorando cada unha das accións establecidas.

E a avaliación final, na que se fará esa valoración final dos obxectivos establecidos, tendo en conta os indicadores que se mostran na seguinte táboa.

A valoración xeral é positiva, debido a varios motivos que esgrimo a continuación:

Ao ser o segundo ano que nos atopamos na coordinación do Plan Dixital favoreceu que as liñas de actuación foran máis concisas.

Este curso puidemos traballar directamente no que respecta á concienciación dos riscos e vantaxes do uso das novas tecnoloxías. Estas accións estiveron vinculadas ao Plan Director dirixida ás familias e tamén dende as titorías ao alumnado.         

Realizáronse constantes arranxos e revisións de equipos informáticos que deron problemas, tamén se mercaron algúns equipos de xeito puntual. No que respecta á mellora da conexión de rede nos edificios de Educación Infantil, durante o terceiro trimestre puidemos contar cun equipo da Unidade de Atención a Centros que arranxou definitivamente este problema.

O curso que remata contamos cunha liña de formación de Polos Creativos, o cal contou cunha implicación moi positiva por parte do sector do profesorado, máis do 50% do profesorado certificou a formación. Isto repercutiu directamente na formación da Competencia Dixital que os docentes debemos certificar, porén, non será até o próximo curso cando poidamos comprobar esta mellora.

En base a todos estes datos podemos establecer as seguintes propostas para o vindeiro curso:

Seguir promovendo o traballo colectivo entre os docentes para a mellora da competencia dixital, así coma os proxectos e metodoloxías que impliquen este tipo de traballo.

Continuar coa renovación e mantemento dos equipos informáticos.

Persistir na concienciación da seguridade na rede para toda  comunidade educativa.

A difusión do plan dixital farase a través das seguintes canles:
- Páxina web do centro poderase ver a versión pdf do curso anterior 2022-2023 nesta ligazón: https://www.edu.xunta.gal/centros/ceipcastelaoordes/system/files/plan%20dixital%20definitivo.pdf
- Durante o curso 2023/24 poderase acceder ao Plan Dixital actualizado através desta ligazón: https://www.edu.xunta.gal/educalidade/BuscaPlanAction?codPlan=1&codConvocatoria=132&codCentro=15011336