Xustificación
O Plan Dixital do centro xorde como unha resposta ás instrucións ditadas pola Consellería na Resolución do 3 de setembro de 2021, pero tamén como un medio necesario para sentar as bases do futuro das TIC no noso centro. Con este documento preténdese, por un lado, definir a relación actual da nosa comunidade educativa coas TIC, e por outro, marcar o camiño a seguir para aproveitar do mellor xeito posible a dixitalización en beneficio da educación.
O marco normativo no que se integra o presente Plan Dixital está conformado polas seguintes disposicións legais:
Art. 111 bis, Art. 121 e Art. 132 da LO 2/2006, de 3 de maio, de Educación.
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.
Artigo 37.1. do DECRETO 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia.
Artigo 18 da ORDE do 26 de maio de 2023 pola que se desenvolve o Decreto 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia e se regula a avaliación nesa etapa educativa.
Artigo 35.1 do DECRETO 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia.
Artigo 21 da ORDE do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia e se regula a avaliación nesa etapa educativa.
O Plan de Acción contemplado neste documento debe contribuír a mellorar o proceso de ensino-aprendizaxe, e polo tanto, á consecución de obxectivos tales como:
Unha educación en valores
Unha adecuación do ensino á realidade socio-cultural
Unha educación para a saúde
Unha educación cívica
Unha mellora na calidade dos procesos de ensino e aprendizaxe
O fomento do diálogo, a comunicación e a participación
As propostas que xorden deste Plan Dixital deben, en todo caso, respectar os principios educativos do noso centro. As actuacións propostas no Plan de Acción do Plan Dixital deberán terse en conta na redacción da Programación Xeral Anual do curso 2022/23, xa que algunhas das actuacións previstas teñen implicacións tanto no uso de espazos como na dispoñibilidade de sesións (de titoría, por exemplo).
Proceso de elaboración
Na elaboración do Plan Dixital para o curso 23/24 tivéronse en conta os resultados acadados coa aplicación do Plan no curso 22/23, fundamentalmente no que se refire á consecución dos obxectivos propostos. Estes resultados reconfiguran o noso sistema de Debilidades, Fortalezas, Ameazas e Oportunidades, e fan aconsellable a definición de novos obxectivos.
Para contextualizar a presente versión do Plan tívose en conta o desenvolvemento do Plan de Acción durante o curso 22/23 e a consecución dos obxectivos establecidos ao remate dese curso. Esta información complementa e matiza a análise DAFO realizada no curso 21/22.
Durante a última década o noso instituto experimentou unha transformación importante en relación co uso das TIC. Foi un centro pioneiro na incorporación de pizarras dixitais, incorporouse ao Proxecto Abalar no curso 2011-12, e no curso 2015-16 implantou un servizo de correo electrónico e almacenamento na nube para todo o alumnado. Máis recentemente, no curso 2020-21 o IES Virxe do Mar incorporouse ao proxecto E-Dixgal
Cunha frecuencia trimestral revisarase o estado da execución das accións. Tamén se analizarán os resultados acadados por se fose preciso introducir modificacións nalgunhas delas.
Ao longo do 1º trimestre realizáronse as accións previstas no Plan Dixital para este periodo en cada un dos obxectivos. Non houbo retrasos significativos e deuse comezo a algunhas accións que terán continuidade no 2º e 3º trimestre, en especial as relativas á formación do alumnado e profesorado. Impartiuse formación sobre o uso de E-Dixgal ao profesorado interesado. Alumnado de 1º ESO participou na III edición de Ciberseguridade no cole. Creouse unha páxina en Agueiro sobre Seguridade dixital, enlazada na web do centro. Deuse de alta ao novo profesorado e alumnado na aula virtual do centro.
Realizáronse algunhas actividades formativas con alumnado (charla sobre ciberseguridade no Día da Internet Segura) e profesorado (seminario Polos + dentro do PFPP do centro). O centro participou no programa Cibermanagers para a Igualdade, de Pantallas Amigas e Ministerio de Igualdade. Resolvéronse incidencias co equipamento informático do centro, cos equipos E-DIXGAL e coa aula virtual.
Completouse a formación do seminario Polos+. Celebrouse un concurso sobre ciberseguridade para o alumnado de 1º ESO. Continuouse coa organización do almacén de equipamento informático. Resolvéronse incidencias relacionadas co equipamento do centro, cos equipos E-DIXGAL e coa aula virtual.
O equipo TIC colaborou na realización das probas de acreditación da competencia dixital docente do alumnado, en 4º ESO e 2º Bacharelato
Ao final do curso, realizarase unha avaliación integral do plan, na que se valorará o grao de consecución dos obxectivos marcados e se poderán realizar propostas de mellorar para o seguinte curso.
Obxectivo 1: A xestión do equipamento informático do centro permitiu mellorar o aproveitamento dos recursos e reducir tanto o número de sesións afectadas por incidencias como as intervencións do soporte externo.
Obxectivo 2: O profesorado emprega as plataformas virtuais ao seu dispor (Moodle, E-Dixgal). O profesorado participante na liña sobre Polos Creativos do PFPP traballou con ferramentas de edición audiovisual para a creación de contidos.
Obxectivo 3: Leváronse a cabo actividades para fomentar o uso seguro e responsable das TIC. O alumnado de 1º ESO participou na III edición de Ciberseguridade no cole. O alumnado de Educación Dixital de 3º ESO participou nunha videoconferencia con motivo do Día da Internet Segura. O alumnado de 4º ESO participou no programa de Pantallas Amigas e do Ministerio de Igualdade, Cibermanagers para a Igualdade. Trátase dun programa no que o alumnado de 4º da ESO se forma sobre aspectos de ciberseguridade e igualdade para logo formar ao alumnado de 1º ESO. Creouse unha páxina sobre Seguridade Dixital enlazada coa web do centro.
Obxectivo 2. Non foi adiante a liña de formación E-Dixgal prevista no PFPP por falta de docentes interesados. Tan só se impartiu algunha sesión puntual para coñecer aspectos desta plataforma.
En relación co obxectivo 3, sería interesante estender a formación en seguridade dixital a todo o alumnado do centro, por exemplo a través de actividades en titoría.
O Plan Dixital actualizado darase a coñecer á comunidade educativa a través dos órganos de representación como o Claustro e o Consello Escolar. Ademais, tamén se lle dará difusión na páxina web do centro, a través dun enlace ao buscador de plans da aplicación Educalidade.
