Atendendo as necesidades e demandas da sociedade en materia de competencia dixital e entendendo que a principal misión da escola é formar ao alumnado para a vida, consideramos fundamental desenvolver unha estratexia dixital reflexionada e consensuada que se reflicte no Plan Dixital do Centro e que será a folla de ruta do CPR Malvedo para converterse nunha institución educativa competente en materia dixital e que iso sexa beneficioso para o alumnado e a sociedade en xeral.

Para levar a cabo a elaboración deste complexo documento creouse un Equipo de Dinamización do PDC integrado pola Directora, a Xefa de Estudos e varios membros do profesorado. Este grupo de traballo celebrou sesións formativas entre os meses de febreiro e xuño de 2022, contando coa presenza da mentora ADIX.

Ademais, o EDPD, nos escasos intres nos que nos puidemos reunir e aproveitando o noso tempo libre antes de reunións do claustro e en horas de garda, as integrantes do equipo de dinamización debatimos para a elaboración do DAFO sempre tendo en conta as suxerencias do resto do claustro de profesores para facer as modificacións pertinentes seguindo as directrices marcadas para a elaboración do mesmo. Tamén nos reunimos por videoconferencia varias veces.

Nestas sesións e seguindo as pautas proporcionadas polo mentor ADIX, elaboráronse os plans de acción para realizar a análise DAFO e as fontes ou instrumentos de recollida de información foron: a autoavaliación SELFIE e o test CDD. A partir destes, o centro xenerou unha análise DAFO que permite o coñecemento da realidade do centro no eido dixital e facilita a elaboración das liñas fundamentais do Plan Dixital en termos de obxectivos e accións a desenvolver.

Unha vez elaborado o PDC, pasará polos órganos colexiados do centro para a súa validación.

Os documentos cos que traballamos para realizar a análise unha vez obtidos os datos do informe SELFIE, foron: 

Os modelos cuantitativos, cualitativos, as táboas de excel e as sucesivas reunións e debates realizamos polos membros do equipo co fin de realizar as conclusións do análise DAFO.

Unha vez realizadas as pesquisas pertinentes a través do SELFIE e o Test CDD e analizados os informes dos resultados de ambos xunto coa reflexión do Equipo de Dinamización do Plan Dixital do Centro, obsérvanse unha fortalezas e debilidades a nivel interno, e unhas oportunidades e ameazas a nivel externo que aparecen recollidas na análise DAFO; sinaladas a maior parte delas cunha puntuación en base á cal, de xeito cuantitativo, establécense unhas prioridades que pasamos tamén por un filtro cualitativo, dando como resultado unha serie de prioridades que nos propoñemos atender en distintas temporalizacións.

De todas elas, as que requiren dunha atención máis urxente, están recollidas no Plan de Acción de xeito que os items analizados se convirten nos obxectivos que trataremos de acadar a través de distintas accións. Todo iso recollerase na pestana de Obxectivos.

A análise DAFO indícanos que debemos mellorar en: Infraestruturas e equipamentos,formación do personal docente e comunicación coas familias

Os items que se priorizaron son os relacionados coa formación do persoal docente xa que existen carencias no uso de recursos educativos abertos e a comunicación efectiva coas familias a través de medios dixitais. Ademais, priorizamos tamén a mellora das infraestruturas e equipamentos, algo fundamental para desenvolver os obxectivos do Plan Dixital.

Cada unha das accións propostas neste PD ten uns indicadores específicos que axudarán a determinar se o obxectivo proposto foi acadado e se é necesario realizar variacións na formulación destas accións. Este seguimento levarase a cabo no prazo idicado en cada obxectivo para saber se está acadado ou non.

Realizarase unha avaliación mediante a recollida continua e sistemática de datos para avaliar o funcionamento do proxecto de forma trimestral. Os aspectos a valorar incluirán o estado da execución e a análise dos resultados.

O equipo de dinamización do PD realizará a lo menos unha xuntanza por trimestre para a valoración da evolución deste plan.

A persoa mentora ADIX realizará a lo menos dúas visitas ao centro por trimestre, pero procurarase que sexa unha cada mes, para reunirse coa coordinadora do PD e analizar o desenvolvemento do proxecto. En caso de circunstancias adversas, estas reunións realizaranse de xeito telemático.

A persona coordinadora do PD terá acceso á plataforma Educalidade para rexistrar os avances e avaliacións do PD, baixo a supervisión da persoa directora.

Ao longo do primeiro trimestre do presente curso centrámonos en acadar o obxectivo O03PD  que consiste en definir unha canle de comunicación interna dixital que permita o intercambio de mensaxes entre todo o persoal docente.

Quedaron pendentes as accións do O05PD e insistiuse na  AO6.2 xa que non se acadaron os resultados esperados.

Neste trimestre, completouse o obxectivo O04PD, Promover o uso da canle de comunicación do profesorado do centro cuxa data prevista era o final do curso 2022-2023

Levouse a cabo outro testeo da AO6.2 con resultados positivos. Seguiuse a aprazar o O05PD.

Neste terceiro trimestre, centrámonos no obxectivo O01PD que consiste en Realizar cursos DPC por parte do profesorado. Este obxectivo queda aprazado por falta de dispoñibilidade para horas de formación por parte do profesorado. Unicamente se puido realizar unha das tres formacións previstas.

Acadouse o obxectivo O02PD Dispoñer de asistencia técnica que resolva incidencias informáticas e tamén o obxectivo O06PD que consiste en promover a comunicación coas familias mediante o uso de medios dixitais.

O obxectivo O05PD non se puido acadar, quedando aprazado para o vindeiro curso.