XUSTIFICACIÓN
A normativa que regula todo este procedemento queda recollida nos seguintes documentos:
Art. 111 bis, Art. 121 e Art. 132 da LO 2/2006, de 3 de maio, de Educación
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
CONTEXTUALIZACIÓN
Contribución do Plan Dixital ao Proxecto Educativo, Relación con otros Plans e proxectos do centro e traxectoria no ámbito das novas tecnoloxías.
O noso centro ten xa unha traxectoria marcada no eido da integración das TIC dentro da educación. Pertencemos á rede de centros EDIXGAL, e no centro lévanse a cabo proxectos integrados de innovación educativa facendo un amplo uso das novas tecnoloxías. Durante o curso 2021/2022 leváronse a cabo actividades de robótica para o 2º e 3º ciclo de primaria, organizouse un Plan de formación para o profesorado neste mesmo campo, dando pe á súa integración noutros ámbitos de forma transversal, sendo empregadas as novas tecnoloxías para a realización dun proxecto combinado entre EI e o 2º ciclo de EP, “Os sons dos Castelos”, e outro desde a área de música implicando á totalidade do alumnado, “Arrólame paseniño, Arrólame un pouquiño”, “DJ Makey” e “Froiteando”. Ademais disto, o uso das TIC está moi estendido no centro, empregando distintas ferramentas a todos os niveis: docente (uso de ferramentas dixitais para facilitar a práctica diaria, como vídeos, proxeccións, aplicacións específicas), comunicativo (uso de abalar móbil, aulas virtuais e correos institucionais) e estrutural (sistema de avisos en rede para o centro, dixitalización de parte dos procesos e documentos máis importantes).
En relación coa contribución deste plan coa Programación Xeral Anual do curso 22/23, o mesmo será integrado como eixo transversal para a devandita mellora no funcionamento do centro, procurando así un rendemento superior tanto nos procesos de índole estrutural do centro como na propia práctica docente. Dentro do Plan Dixital contémplanse varias actuacións, como o desenvolvemento de obradoiros e actividades de mellora da competencia docente que permitirán ampliar e reforzar as actuacións propostas nestas liñas dentro da PXA do curso seguinte en relación coa do curso actual. Ao mesmo tempo, ao contar con ferramentas de avaliación específicas para cada unha destas medidas, e sistemas cuantificables de rendemento, será fácil levar a cabo a avaliación do plan e analizar o seu éxito, puntos de mellora e mesmo obxectivos para continuar coa súa integración e mellora nos sucesivos cursos escolares, intentando sempre ampliar o seu impacto nas máximas áreas posibles do quefacer diario do centro e procurando o emprego das TIC como ferramenta que axude, axilice e mellore todos os procesos nos que interveñan, sexan docentes, institucionais, burocrácticos ou de calquera outro tipo.
PROCESO DE ELABORACIÓN
Para a realización deste Plan Dixital, organizouse un equipo conformado pola dirección do centro, o coordinador TIC e a dirección do departamento de orientación, coa máis estreita colaboración do mentor ADIX asignado ao centro docente. A organización xeral estableceuse seguindo as pautas recollidas nas normativas previas, e seguindo os tempos marcados polo Plan de Formación Permanente do Profesorado específico que se levou a cabo para abordar este ámbito.
Deste xeito no primeiro trimestre realizouse a avaliación inicial a través da ferramenta SELFIE para coñecer o estado do noso centro en canto dixitalización.
No comezo do segundo trimestre implementouse o Test CDD para coñecer a competencia dixital dos mestres e mestras do centro.
Coa información destas dúas ferramentas procedeuse a realización do DAFO do noso centro facendo unha análise de debilidades, amezas, fortalezas e oportunidades.
No terceiro trimestre elaboránronse as táboas do plan de acción e por último procedeuse a redacción do Plan Dixital.
Cabe sinalar que o seguimento por parte do mentor da nosa zona establecía a entrega de diversas tarefas ao longo do curso. A súa realización axudou a ter unha temporalización organizada.
Para levar a cabo a elaboración deste Plan Dixital de Centrro, púxose en marcha ao inicio do curso un PFPP así como a creación do equipo de Dinamización do Plan Dixital. Realizáronse diversas sesións formativas das cales foron froito a posta en marcha do test SELFIE, test CDD, análise DAFO e táboas do Plan de acción.
Tras analizar os resultados do noso DAFO evidéncianse carencias a nivel de estratexia dixital no noso centro. Ademais tamén hai un importante camiño por andar no que se refire a alfabetización dixital do noso alumnado, parte do profesorado e sobre todo tamén do resto da Comunidade Educativa. Vemos a necesidade de ir concretando o currículo TIC do noso alumnado e mellorar as infraestruturas dixitais de conectividade e impresión para o profesorado do noso centro. Tamén se puxo o foco na mellorar da documentación e organización interna do centro. Por último a posible inclusión no programa de Polos Creativos, daría o impulso final ao discorrer que o noso centro leva facendo nestes últimos cursos académicos.
No que se refire ao seguimento e avaliación do Plan Dixital en relación coa consecución dos obxectivos será realizada dende dúas perspectivas:
Avaliación procesual: será realizada unha vez ao final da cada un dos trimestres do curso 22-23. Realizarase un revisión do estado das accións, así como a valoración dos resultados acadados nos distintos obxectivos das táboas dos nosos plans de accións. Ademais, realizaranse propostas de modificación de accións de ser preciso. Utilizaranse os apartados correspondentes das citadas táboas para tal efecto. Ademais tamén se revisarán os obxectivos dos distintos plans de acción nas visitas realizadas pola persoa mentora.
Avaliación procesual: será realizada unha vez ao final da cada un dos trimestres do curso 22-23. Realizarase un revisión do estado das accións, así como a valoración dos resultados acadados nos distintos obxectivos das táboas dos nosos plans de accións. Ademais, realizaranse propostas de modificación de accións de ser preciso. Utilizaranse os apartados correspondentes das citadas táboas para tal efecto.
Avaliación final: será realizada unha vez ao ano ao remate do curso académico 22-23. Farase unha revisións da consecución dos obxectivos formulados e realizaranse posibles propostas de mellora. Utilizaranse os apartados correspondentes de cada unha das táboas do plan de acción para o seu cumprimento.
O desenvolvemento do plan dixital precisou dun enfoque de tipo continuo e evolutivo. Representou un desafío para a comunidade educativa e, nalgún obxectivo concreto, require máis tempo para optimizar o seu resultado como pode ser a posta en marcha dos Polos Creativos, proxecto que levaará máis dun curso académico.
Varios factores condicionaron o desenvolvemento do Plan Dixital, a infraestrutura tecnolóxica dispoñible, a formación e capacitación dos docentes, a dispoñibilidade de recursos dixitais adecuados e as metodoloxías de ensino. De aí que algunhas das propostas de mellora se vaianb enfocar na formación do profesorado. Ademais, o noso centro, debido a súa xornda ten unha gran mobilidade de persoal que implica que este tipo de formacións deban ser continuas para poder continuar coa realización dese tipo de iniciativas como a de Polos Creativos.
A dotación de material tecnolóxico supón un antes e un despois na vida do noso centro. Dispoñer de material axeitado e funcional posiblita a realización, sen tantas dificultadas, de actividades educativas focalizadas na competencia dixital do noso alumnado.
No que respecta á avaliación do desenvolvemento do plan dixital, debe ter en conta os resultados e o impacto na aprendizaxe dos estudantes, así como a experiencia e a retroalimentación dos docentes, pais, nais e outros actores chave. Ao ser este o primeiro Plan Dixital que desenvolvemos os indicadores que permiten esta retroalimentación son moi sutís. Polo tanto, haberá que agardar a vindeiros cursos, nos que tras realizar un novo exercizo SELFIE de autoavaliación da situación dixital da comunidade educativa, poideamos ter visión máis realista e completa dos resultados obtidos ata ese momento.
No que se refire ás propostas de mellora do PD do noso centro destacar o seguinte:
Algúns posibles obxectivos para o vindeiro curso académico poderían ser:
Unha vez aprobado o Plan Dixital do noso centro será publicado na web do mesmo. Ademais enviarase un enlace ás familias coa entrada para facelas coñecedoras da súa publicación. Tamén se enviará a todo o claustro vía correo electrónico, ao Consello Escolar e á Inspección Educativa.
Enlace ao Plan Dixital do centro.
