Art. 111 bis, Art. 121 e Art. 132 da LO 2/2006, de 3 de maio, de Educación.
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
2.- CONTEXTUALIZACIÓN DO PD NO CENTRO E CONTRIBUCIÓN AO P.E.
Contextualización do PD no CEIP Raquel Camacho : A Competencia Dixital do alumnado do CEIP Raquel Camacho é moi variado: en educación infantil: o alumnado fai uso das TIC de maneira manipulativa, para reforzar contidos e actividades traballadas nal aula, ao igual que nos primeiros niveis de Educación Primaria, necesitando unha supervisión e/ou acompañamento por parte do profesorado e familias. Nos cursos superiores, alumnado de 5º e 6º de Ed. primaria conta con libro dixital e é algo máis autónomo no uso das TIC, busca, selecciona e crea información, entra en plataformas dixitais de maneira autónoma, comparte contido con outros de compañeiros e compañeiras, presenta tarefas, e en algúns casos son capaces de solucionar pequenos problemas técnicos que xurden na aula con relación aos dispositivos. A Competencia Dixital das familias, a nivel xeral, é moi básica: saben navegar e buscar información, comunicarse en redes sociais, etc. O 75 % das familias acceden a abalar móbil para comunicarse cos titores, saben enviar un email para comunicarse co centro, etc. A gran maioría accede a Internet a través dos seus dispositivos móviles. Falta consolidar máis o uso de abalarmóbil e da consulta da páxina web. Moitas familias carecen de estratexias básicas para acompañar aos seus fillos/as na nova cultura dixital e descoñecen o uso seguro e responsable para des
envolverse na rede. A alta porcentaxe de familias que teñen unha baixa competencia dixital vese agravada, nalgúns casos, polas súas precarias condicións socio-económicas, non dispoñendo de recursos e ferramentas TIC máis elementais (só dispoñen de móbil, carecendo de wifi). Hai unha porcentaxe de alumnado que non dispón de equipos adecuados para acceder a internet desde os seus fogares, sendo pouco valorado por parte das familias como un recurso educativo imprescindible máis. O profesorado e alumnado ten unha boa conectividade por cable no centro, en canto á conectividade por wifi, solo hai boa conetividade nas aulas Edixgal. No resto do centro a conectividade wifi é bastante deficiente. No centro existe unha adecuada infraestrutura tecnolóxica nas aulas Edixgal, pero no resto de aulas o equipamento é bastante obsoleto. Todo isto indícanos que o nivel educativo que existe en canto a competencia dixital é medio-baixo, creando a chamada fenda dixital, o que reforza o noso afán de involucrar a toda a comunidade educativa no desenvolvemento deste Plan Dixital. No CEIP Raquel Camacho sempre nos implicamos na integración ds TICs na aula, por iso levamos anos participando en diversas formacións e programas que axuden ao profesorado a formarse e coñecer as dotacións tecnolóxicas que ten o centro.. Todas las aulas están dotadas con encerado dixital ou pantalla proxectora, cañón proxector e ordenador portátil ou de sobremesa. O equipo de orientación conta con 6 tablets para o alumnado de neae. Contamos con unha aula de informática con 15 ordenadores de segunda man, e un laboratorio de inglés con 25 equipos, cañón e proxector. O centro conta con Páxina web e distintos blogues educativos, con abalarmóbil que usamos para comunicarnos coas familias e dar a coñecer as actividades que se relizan no centro, xunto co correo electrónico e Redes sociais.
Incardinación e contribución do PD ao PE: O PD incardínase co Plan Estratéxico de centro e ten por misión unha aposta por potenciar as Metodoloxías Activas para a mellora da acción educativa a través de proxectos e innovación. Quere acercar o mundo dixital á acción docente diaria.
Contribución do PD á PXA: O principal será fomentar o emprego de ferramentas dixitais tanto en docentes como en alumnos no proceso de ensinanza e aprendizaxe e a formación do profesorado.
3.- Proceso de elaboración
Preparación, posta en marcha e recopilación de datos do informe SELFIE.
Preparación, posta en marcha e recopilación de datos do informe CDD.
Elaboración do análise DAFO.
Elaboración do Plan de Acción.
Elaboración definitiva do Plan Dixital.
Os instrumentos de recollida foron un informe SELFIE, e un Test CDD realizados entre a Comunidade Educativa durante o curso de preparación do PD (21/22), que levaron ao deseño dun informe DAFO que reflectimos á continuación:
Esta análise DAFO invita á reflexión respecto dos obxectivos a acadar e a partir del deseñamos o Plan de acción.
Realizouse o seguimento do desenvolvemento do Plan Dixital a través da observación da consecución dos obxectivos marcados e as súas respectivas accións, a súa valoración por parte do EDPD e as reunións presenciais do coordinador co mentor ADIX (facilitadas por ser este o Centro de destino do mesmo) valorando o grao de consecución de cada obxectivo.
Traballouse a través das accións programadas no PD para este período, reflectindo a súa consecución nas "Actas de seguimento" das reunións levadas a cabo co coordinador Adix.
Traballouse a través das accións programadas no PD para este periodo, reflexando a súa consecución nas actas de seguimento levadas a cabo co coordinador Adix.
Cada unha das accións propostas neste plan ten uns indicadores específicos que axudaron a determinar si o obxectivo proposto foi acadado ou se, polo contrario sería necesario realizar variacións no deseño destas accións durante o curso para que as propostas se materializasen.
Na avaliación final recóllense os resultados, os aspectos negativos, os positivos e as propostas de mellora para cursos posteriores.
Realizouse a avaliación destes aspectos a través das reunións co asesor ADIX e a valoración dos resultados obtidos e a súa adecuación aos devanditos indicadores.
En xeral, acadáronse a meirande parte dos obxectivos e accións propostas no PD. Aínda así, cabe destacar entre outras problemáticas as seguintes:
- A Administración Educativa, á hora de facer a dotación de material, non tivo en conta as análises DAFO e a detección de necesidades dos centros que esta mesma ordenou realizar por parte dos equipos de Plan Dixital o curso pasado. Fíxose unha dotación de material xenérica sen atender á información recollida polos centros no PD a través dos procedementos e ferramentas indicados polos ADIX e a propia Consellería.
- Os pasos para levar a cabo o Plan Dixital este curso non foron claros, non se dispoñía dunha folla de ruta por parte dos equipos ADIX respecto aos procedementos e tempos.
- Resulta complicado acadar os obxectivos do Plan sen ferramentas tecnolóxicas adecuadas.
Claridade por parte dos Servizos Centrais en canto a procedementos e tempos de execución na realización de documentos e tarefas, para evitar o traballo reiterado (incluso en balde) na posta en marcha da dixitalización dos centros educativos. Debería contarse cun plan de acción estudado e estruturado con antelación para que non recaian nos centros educativos as consecuencias da desorganización e a improvisación, cun gran impacto no día a día do labor educativo do profesorado.
Unha vez rematado o Plan Dixital presentouse ante o Claustro e Consello Escolar do Centro para a súa aprobación e, posteriormente, publicouse na páxina web do centro para que quede a disposición de toda a Comunidade Educativa.
Pódese acceder ao documento na páxina web do centro, na seguinte ligazón: http://www.edu.xunta.gal/centros/ceipraquelcamacho/plandixital
