O CEIP Plurilingüe Ría do Burgo é un centro educativo do Concello de Culleredo, limítrofe coa cidade de A Coruña, con todas as características que iso conleva. Ten un alumnado de procedencia moi diversa (multicultural e multiétnico) e iso implica diferentes realidades sociais, económicas e, tamén, educativas. O colexio está a facer un esforzo, ao longo destes anos, por mellorar a súa atención ao alumnado en todos os aspectos, facilitar a asistencia á escola como un elemento positivo e motivador, procurar unha individualización e adaptación da aprendizaxe a cada alumno/a e situación (algo cada día máis complicado polo aumento e diversidade do alumnado e as súas dificultades educativas, que non soe vir acompañado dun aumento do profesorado e os recursos), facilitar a innovación educativa, a tolerancia, a convivencia, etc.

O Plan Dixital do centro pretende contribuír ao Proxecto Educativo do centro profundizando esencialmente na procura da individualización e adaptación da aprendizaxe a cada alumno/a e situación e promovendo e fornecendo a innovación educativa como elemento de unión, motivación e superación de barreiras e fendas que poidan aparecer no noso alumnado.

O Plan Dixital estará coordinado con outras actividades, proxectos e programas do centro, entre os que destacan: o Club de Ciencia (especialmente coas actividades de Xoves de Ciencia e Feira de Ciencia que se desenvolven nel), o Plambe e a Biblioteca escolar, a radio escolar, o EACE, o EDLG e, en xeral, calquera actividade que soemos desenvolver.

A contribución do Plan Dixital á PXA do curso 2023-24 estará baseada nos seguintes aspectos: coñecemento e difusión do Plan para o profesorado do centro, posta en marcha das iniciativas recollidas nel (tanto a nivel de dotación como de formación), revisión, avaliación e análise do Plan nos prazos establecidos.

Partindo de todo o anterior descrito así como da lexislación vixente, que a contunuación se detalla, elabórase este Plan Dixital:

• Art. 111 bis, Art. 121 e Art. 132 da LO 2/2006, de 3 de maio, de Educación.

• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.

• Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.

• Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.

• Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.

• Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.

A avaliación do Plan Dixital será realizada en varios contextos:

• Co remate de cada trimestre haberá unha avaliación procesual do desenvolvemento do Plan nese período. Nesta avaliación valoraremos o estado de execución das accións que estamos a levar a cabo, e faremos unha análise e valoración dos resultados e, de ser o caso, as posibles modificacións de ditas accións e, chegado o caso, se hai propostas de mellora.
• Ao reamatar cada curso, coincidindo co avaliación do 3º trimestre, realizaremos tamén unha avaliación final do Plan, facendo unha análise de conxunto do Plan e das actividades realizadas, así coma dos obxectivos acadados, as dificultades atopadas e as propostas de mellora.
• Toda a información acadada nas revisións trimestrais e anual serán incorporadas, ao remate de cada curso, ao Plan Dixital, así coma as novidades lexislativas e as dotacións e plans de acción correspondentes, para enriquecer o Plan e facer del un documento vivo, flexible e non só un mero trámite burocrático.

O Plan dixital é complexo de ir levando á práctica na realidade do centro, xa que non existe liberación horaria do equipo.

Diferentes accións non foron acadadas, por falta de tempo e recursos económicos, pero encamiñáronse para facer de cara ao vindeiro curso escolar.

Facer unha liberación de horario de algúns mestres para favorecer a competencia dixital de alumnado e compañeiros/as.

Os obxectivos e integrantes do plan dixital foron aprobados no Consello Escolar o 9 de outubro do 2023, unha vez escoitado o Claustro.

A partires deste momento daráselle difusión a través da seguinte URL.