O plan dixital do centro e un dos Plans que contribúen ao Proxecto Educativo do centro representando un documento de referencia para o avance do centro dentro do marco DigCompEdu.

Os centros docentes deben incluír dentro do seu proxecto educativo e funcional a súa estratexia dixital a través dun plan dixital de centro, que se concibe como un instrumento para mellorar o desenvolvemento da competencia dixital da comunidade educativa, o uso das tecnoloxías dixitais no proceso de ensino e aprendizaxe e a transformación dos centros en organizacións educativas dixitalmente competentes, e que se concretará anualmente na programación xeral anual a través das correspondentes actuacións

Unha das competencias destacadas da sociedade actual é a chamada Competencia Dixital, entendida como algo máis complexo que saber manexar dispositivos tecnolóxicos e aplicacións informáticas.

O marco DigCompEdu ten como finalidade prestar apoio ás organizacións educativas para promover a dixitalización dunha forma sistemática e estratéxica.

Este marco de referencia opera en tres dimensións:

• A dimensión pedagóxica, que fai referencia á inclusión de xeito crítico das tecnoloxías dixitais en todos os aspectos relacionados coas prácticas de ensino e aprendizaxe, contidos do currículo e prácticas de avaliación.

• A dimensión organizativa, que inclúe as prácticas de liderado e gobernanza, o desenvolvemento profesional e a colaboración.

• A dimensión tecnolóxica, vencellada aos temas de infraestruturas, tanto físicas como dixitais.

  A dixitalización debe integrarse de maneira natural e transparente no ensino e na actividade diaria dos centros docentes. O seu uso debe ser invisible, é dicir, non debe ser unha barreira ou unha distracción. En lugar diso, a tecnoloxía debe ser unha ferramenta que facilite e mellore as nosas tarefas, sen requirir un esforzo adicional para utilizala ou comprendela. O seu papel debe ser o de apoiar e enriquecer os procesos de ensino e aprendizaxe. Isto implica que os docentes e estudantes poidan utilizar ferramentas dixitais de forma intuitiva e sen interrupcións, de xeito que sexa máis doado centrarse no contido e a experiencia de aprender.

Marco lexislativo

Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.

Artigo 34.1 do DECRETO 155/2022,do 15 de setembro, polo que se establecen a ordenación e o currículo da educación primaria na Comunidade Autónoma de Galicia.

Artigo 37.1. do DECRETO 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia.

Artigo 35.1 do DECRETO 157/2022,do 15 de setembro, polo que se establecen a ordenación e o currículo do bacharelato na Comunidade Autónoma de Galicia.

Cada ano realizarase unha avaliación final revisando os problemas atopados e facendo propostas de mellora. Tamén poderemos engadir novos obxectivos e axustar aqueles xa traballados pero que consideremos en función das necesidades detectadas ou realizar unha priorización dos mesmos.

Gracias o plan dixital, o centro puido fomentar as tecnoloxías dixitais, e sobre todo fortalecer os obxetivos marcados.

O profesorado incrementou o uso de instrumentos para mellorar o desenvolvemento da competencia dixital da comunidade educativa, a través do uso das tecnoloxías dixitais no proceso de ensino na actividade diaria có alumnado.

A través de este programa o centro, profesorado e alumnado dímonos cuenta de que a tecnoloxía é un ferramente que facilita e mellora as nosas tarefas, sin ter que hacer un esforzo adicional para empregala.

Para continuar mellorando o entorno dixital do Centro, propóñense as seguintes iniciativas:

1. Adquisición de novas NewLine para as clases de secundaria, para a mellora das infraestructuras do centro.
2. Seguir mantendo as fortalezas actuáis.

O plan dixital é aprobado en Consello Escolar previa información ao Claustro. Estará a disposición de toda a comunidade educativa en Educalidade e/ou na páxina web do centro.