Plan do centro
Vixencia
Introdución
Contexto DAFO
Obxectivos
Seguimento
O seguimento é realizado polo equipo de dinamización do Plan Dixital que da conta trimestralmente ao claustro do profesorado. Deste equipo forman parte:
- A persoa titular da dirección do centro ou persoa na que delegue.
-
O dinamizador do plan dixital.
-
O coordinador E-Dixgal.
-
O coordinador de formación do centro.
Está creado o grupo de traballo do PFPP do centro no que se realizarán as accións previstas neste plan.
Prevese que se empezará polas accións relacionadas co obxectivo O02PD, Coñecer e utilizar licenzas e dereitos de uso na elaboración de contidos dixitais deixando para máis adiante as relacionadas co software Abalar e o das novas pizarras.
Debido á cantidade de actividades programadas no PFPP e á coincidencia de profesorado en distintas desas actividades retrasáronse as sesións correspondentes ao seminario Implementación e revisión do plan dixital. que terán lugar en gran parte no terceiro trimestre.
En calquera caso, e como estaba previsto, comézase polas relacionadas coas licenzas e dereitos de uso de contidos dixitais.
Xa están realizadas as accións relativas ao obxectivo O01PD (licenzas e dereitos de uso de contidos dixitais) quedando pendentes da chegada ao centro das novas pizarras as accións relativas ao obxectivo O02PD.
Como non tivo lugar a chegada deses novos dispositivos, as accións relativas ao segundo obxectivo quedaron limitadas a coñecer e difundir o software da maqueta Abalar e non o dos paneis dixitais. En consecuencia, estas accións quedan pospostas para o vindeiro curso cando xa estean instalados os paneis (o que está previsto que suceda entre finais de curso e o mes de xullo).
Avaliación
O calendario estivo condicionado polo feito de coincidir parte do profesorado en varias das actividades incluídas no PFPP e polo atraso na chegada ao centro dos novos paneis dixitais.
Considéranse acadados os obxectivos relativos ás seguintes debilidades/ameazas do DAFO:
- Fomentar o uso responsable e ético das tecnoloxías
- Normas de dereitos de autor e licenzas de uso
Pola contra se considera só parcialmente conseguido o obxectivo relativo a Fomentar o uso das tecnoloxías dixitais polo que se estima necesario manter ese obxectivo para o vindeiro curso. Entre as accións que se levarán a cabo para acadalo estará o traballo e a difusión do software dos novos paneis dixitais que se instalarán nas aulas ao remate deste curso.
Como resultado da valoración xeral, no vindeiro curso se tratará novamente de "Fomentar o uso das tecnoloxías dixitais", unha das debilidades postas de manifesto polo DAFO.
Os novos obxectivos tratarán de paliar as seguintes debilidades:
- Fomentar a creación, modificación e compartición de contidos
- Bibliotecas/repositorios en línea
- Accesibilidade e inclusión
Comunicación e difusión
Este Plan Dixital, despois de súa aprobación polo consello escolar, oído o claustro, foi feito público por medio da páxina web do centro e tamén pode ser revisado físicamente por calquera membro da comunidade educativa.
Ademais, a principio de curso proporcionouse a todo o alumnado do centro un resumo do plan de acción por medio das titorías.
Antes do remate do curso, o consello escolar, oído o claustro, aprobou as modificacións que se incluirán no plan para o curso 2024/25. Unha vez aprobado será publicado na páxina web do centro.