Xustificación do Plan Dixital. Normativa vixente.

- Referencias normativas:

- Art. 111 bis, Art. 121 e Art. 132 da LO 2/2006, de 3 de maio, de Educación.

- Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.

- Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022.

Resolución do 3 de setembro de 2021, da Secretaría Xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.

Contextualización do Plan Dixital no centro. Contribución ao Proxecto Educativo do Centro.

O CPI Plurilingüe Cernadas de Castro é un centro do rural, polo que un dos obxectivos principais recollidos no PE e na PXA é o de compensar posibles desvantaxes a nivel socieconómico no alumnado, dando lugar a una mellora das oportunidades de desenvolvemento académico e, polo tanto, laboral e social. Trátase de evitar que a fenda dixital xere capas de marxinación como resultado da “analfabetización dixital”. Consideramos fundamental o aproveitamento das TIC de cara a un mellor desenvolvemento das Xustificación do Plan Dixital.

Competencias clave.

Son innegables as vantaxes das novas ferramentas en canto á posibilidade de aproveitamento para o ensino, pero tamén en canto ás posibilidades de avaliación das aprendizaxes: aulas virtuais, cuestionarios na rede,…

Son varias as iniciativas desenvoltas no centro relacionadas coas TIC en todos os niveis educativos:

• Impartición dunha hora semanal de Robótica na etapa de Ed. Infantil por parte da mestra de apoio dende o curso 2017_18.

• Participación no Proxecto ATS2020 durante o curso 2016-2017 no 5º curso de Educación Primaria.

• Creación da materia de libre configuración Cultura e Práctica Dixital en 6º de Educación Primaria no curso 2017_18.

• En 2º de Educación Primaria lévase a cabo una iniciativa englobada dentro os Contrato Programa, na liña da Mellora do nivel de coñecementos para acadar a excelencia baseada na utilización do Kit Play Osmo en combinación con ipads.

• Impartición da materia de libre configuración, Programación, en 2º ESO.

• Participación na liña de Mellora das competencias básicas en ciencia e tecnoloxía dentro da convocatoria dos Contratos programas dende o curso 2011_12.

• Participación no Proxecto Edixgal dende o curso 2018_19 nos niveis de 5º e 6º de Ed. Primaria.

• Participación no Programa Espazos Maker durante os cursos 2018_19 e 2019_20.

• Solicitude de participación no Proxecto Polos creativos para o vindeiro curso escolar.

• Participación no proxecto Webs dinámicas da Consellería de Educación. A web do centro é un punto de información e contacto coa comunidade educativa que se mantén en constante movemento e actualización, tanto a nivel informativo como de difusión das actividades docentes, complementarias e extraescolares.

• Construción das aulas virtuais para todos os niveis educativos do centro.

• Creación dun equipo dinamizador TIC no centro dende o curso 2011_12.

• Utilización do Abalarmóbil como canle de información entre o centro e as familias.

Proceso de elaboración.

O Equipo de Dinamización do Plan Dixital está integrado por:

- O profesor de Tecnoloxía de Secundaria, en calidade de coordinador.

- O profesor de Física de Secundaria, responsable da dinamización TIC do centro.

- A secretaria do centro.

- A xefa de estudos de Ed. Infantil e Primaria.

- O xefe de estudos de Secundaria.

- A directora.

A elaboración do Plan Dixital realizouse do seguinte xeito:

- O coordinador mantera reunións de traballo periódicas coa asesora ADIX.

- O equipo dinamizador asistirá a todas as sesións de formación ás que sexa convocado por parte da Administración.

- Realizaranse enquisas aos diferentes membros da comunidade educativa para analizar o punto de partida da competencia dixital e os intereses de cada sector.

Con carácter quincenal, o equipo dinamizador reunirase en sesión de traballo para a toma de decisións, organización e redacción do Plan dixital.

Avaliación do plan.

Cada unha das accións propostas no Plan de Acción ten uns indicadores específicos que axudarán a determinar si o obxectivo proposto foi alcanzado e si é necesario realizar variacións no plantexamento destas accións durante o curso para que as propostas se materialicen.

Coa análise destos indicadores, elaboraráse un informe final no que se recollerán os resultados, os aspectos negativos, os positivos e as propostas de mellora para cursos posteriores.

- Clima de traballo moi bo, coa cooperación como principal eixe,  que facilitou o bo desenvolvemento deste proxecto.

- O grao de satisfacción foi positivo porque supón ir avanzando nunha liña cada vez máis presente no sistema educativo.

- O impacto na aula foi positivo, xa que se formou ao alumnado na seguridade na rede, dende 6º de Ed. Primaria ata 4º ESO.

- Melloras en canto  a recursos directamente nas aulas.

- Seguir promovendo o uso da AV por parte de todo o profesorado.

- Fomentar o uso didáctico  do portafolio Agueiro.

- Transmitir ás familias a necesidade da actualización permanente no ámbito educativo.

- Impulsar a formación e desenvolvemento  da CD do profesorado e alumnado.

Difusión do plan

A difusión do Plan Dixital entre os sectores da comunidade educativa reviste unha gran importancia, non só para fomentar a participación nel senón que, na medida en que o coñezan e se impliquen, poderán achegar propostas novas ou ideas para ir corrixindo posibles erros ou resultados non satisfactorios.

Por outra banda, cómpre acompañar a información de formación: ademais de coñecer o proxecto, as persoas deben sentirse capacitadas para colaborar e contribuír co seu traballo á consecución dos obxectivos. Por este motivo, moitas das accións destinadas a difundir o proxecto mesturarán os dous aspectos: o informativo e mailo formativo.

Se ben contamos cun medio de difusión común, a páxina web do propio centro, as estratexias de comunicación co profesorado, os pais/nais e o alumnado serán en parte distintas.

No que respecta ao profesorado, co fin de conseguir a implicación real de todos, no Claustro de comezo de curso darase cumprida información do proxecto a tódolos membros solicitando a súa colaboración. Esta información deberá repetirse periodicamente nas diferentes reunións dete colectivo: CCP, Claustros ordinarios,.. para dar conta da evolución do proxecto, as actividades feitas e por facer, novos recursos cos que se contan, etc.

Ademais, as persoas máis formadas serán as encargadas de axudar e orientar aos restantes compañeiros cobrando especial importancia para este labor o equipo dinamizador TIC.

Doutra banda, cobran especial importancia os cursos de formación para o profesorado que deberán ser moi prácticos e encamiñados a que este adquira destrezas directamente relacionadas cos contidos do proxecto, de xeito que o anime a colaborar nel.

Ao remate do curso, no derradeiro Claustro, farase unha presentación final do traballo desenvolvido a todo o profesorado, na que figuren os obxectivos conseguidos, os contidos traballados e se avalíen os resultados.

No caso dos alumnos, no primeiro trimestre nas titorías informaráselles dos medios e recursos dos que dispoñen (web do centro, aulas virtuais, aula de informática, portátiles de consulta, equipos Edixgal,...), dos proxectos relacionados coas TIC nos que o centro participa e, en xeral, en todo o referente ao Plan dixital. No caso do alumnado de ESO dende as diferentes materias o profesorado formará e potenciará no emprego das TIC: páxina web, aula virtual,…así como nos proxectos que lle afecten.

Finalmente, no tocante ás familias estas serán informadas do proxecto no primeiro Consello Escolar do curso. Para que a información chegue á totalidade dos pais, enviarase tamén un Abalarmóbil e, de considerarse conveniente, un folleto informativo con todos aqueles aspectos relevantes por correo electrónico. Tamén se aproveitarán as reunións de acollida que fan os titores no primeiro trimestre para dar a coñecer o Plan dixital. Ademais, ao longo do curso, nas horas de atención a pais, os titores aproveitarán para informar e implicar aos proxenitores nos aspectos que consideran máis necesarios e/ou adecuados.

A dirección do centro informará á ANPA do plan para que o difundan nas súas asambleas e podan, ao longo de todo o curso, ir recollendo as suxestións para posibles modificacións de cara a cursos posteriores. Solicitarase tamén a colaboración desta organización para levar a cabo cursos de interese en relación coas TIC para mellorar a competencia dixital entre as familias do noso alumnado.

http://www.edu.xunta.gal/centros/cpicernadascastro/system/files/PlanDixital_V1.0_100622.pdf