O CEIP “Ramón Otero Pedrayo” é un centro de titularidade pública no que se imparte ensino nas etapas de Educación Infantil e Educación Primaria. Está situado na localidade de Vilaño, Concello de A Laracha.

Está situado no sector oriental da Comarca de Bergantiños, dista da Coruña 23 km e está conectado coa área metropolitana de A Coruña por medio dunha estrada comarcal C-552 A Coruña- Fisterra e pola autopista de peaxe A Coruña–Carballo.

Os contrastes non son moi fortes e, entre as elevacións da Serra de Montemaior (sobre  500m) e o pequeno tramo costeiro de Caión, estendese un amplo val, por onde discorre o río Anllóns, que da unidade ao municipio, ao igual que a toda a comarca.

Os seus 126,3 kilómetros cadrados abarcan trece parroquias Cabovilaño, Caion, Coiro, Erboedo, Golmar, Lemaio, Lendo, Lestón, Montemaior, Soandres, Soutullo, Torás e Vilaño Os únicos núcleos urbanos son A Laracha (Torás) , Caion Paiosaco , predominando o poboamento disperso e diseminado .Obsérvase un crecemento na poboación destacando este nos núcleos urbanos.

Con respecto a poboación en algo mais dunha década os habitantes do Concello de A Laracha pasaron de traballar a maioría na agricultura e gandería a ter como ocupación maioritaria os servizos , industria e construción. O 33% dos habitantes traballa en servizos, o 25% en industrias tanto no Concello como en Arteixo,A Coruña e Carballo, o 22% en construción e o 17% segue a traballar na agricultura e gandería.

Na actualidade, nas parroquias non montañosas estanse a asentar invernadoiros dedicados ao cultivo de hortalizas. Os produtos do campo e dos invernadoiros comercialízanse en gran medida na feira de Paiosaco e Carballo.

Un grupo importante de poboación traballa no sector servizos no propio Concello e na industria nos Concellos limítrofes (Arteixo, Carballo, A Coruña).

Reseñar para rematar, que un pequeno sector da parroquia de Caión vive da pesca.

Segundo o tipo de traballo que realizan os pais dos nenos, vemos que a maioría deles son asalariados, aínda que no momento actual de crise moitos atópanse en paro.

O Plan Dixital contribuirá a consecución da parte tecnolóxica do P. Educativo a través dun mellor aproveitamento dos recursos tecnolóxicos así como nunha mellora na dotación e no uso destes recursos

O Plan Dixital relacionarase moi directamente co Proxecto Edixgal , co PLAMBE así como co Plan de Continxencia no caso de ter que poñelo en marcha.

Contribución do PD á Programación Xeral Anual do curso 22/23. O Plan Dixital formará parte da PXA de cada curso contribuíndo a súa consecución

O procedemento de seguimento do desenvolvemento do plan realizarase ao logo de dous contextos  específicos:

·                    No contexto procesual

·                    No Contexto final

a.- No contexto da avaliación procesual

·                    Será como mínimo unha vez ao trimestre.

Os aspectos a valorar:

·                    O estado da execución das accións programadas:

o        Realizada

o        Iniciada

o        Pendente

o        Aprazada

·                    A análise e valoración dos resultados ata ese momento

·                    As posibles modificacións das accións en busca de mellores resultados

·                As propostas de mellora buscando acadar os obxectivos programados

b.- No contexto da avaliación final

·                Será como mínimo unha vez ao ano, preto do final do curso escolar.

 Os aspectos a considerar:

·                    A valoración do logro dos obxectivos

o        Acadados

o        Parcialmente acadados

o        Non acadados

o        Pendentes

o        Aprazados e proposta de repetición de obxectivos

Valoración das causas polas que non se acadaron os obxectivos.

·                As propostas de mellora.

·                Plantexamento de novos obxectivos

A valoración procesual estase facendo en 2 liñas ao longo do curso. A través dun grupo de traballo e a través da mentora ADIX trimestralmente. Todas estas valoracións quedarán reflectidas na ferramenta de EDUCALIDADE.

O Plan Dixital está integrado no día a día do centro. Isto foi posible grazas a inclusión no mesmo de obxectivos que involucrasen a todo o persoal, como o coñecemento dos recursos do centro, a creación constante de recursos dixitais e a súa aplicación nas distintas plataformas (aula virtual e E-Dixgal) e o aumento da utilización da ferramenta Abalar como medio de comunicación coas familias.

Esta primeira toma de contacto co Plan Dixital deixa ao centro cun gran sabor de boca, xa que a maioría do profesorado participou activamente no mesmo para a consecución dos obxectivos, pero tamén co reto de seguir crecendo con obxectivos máis ambiciosos.

De cara ao vindeiro curso, o centro proponse avanzar na creación dun espazo onde se poidan integrar as TIC, a través de materiais ou ben dados pola xunta (como o programa Polos Creativos), ou ben con materiais mercados polo propio centro.

Así mesmo, buscarase o xeito de que ese espazo sexa accesible a todo o centro, por iso, buscarase formación e tentarase transformar eses coñecementos nun produto final.

Tamén se continuará cas liñas xa iniciadas, tanto ca creación de contidos dixitais, como o intento de aumentar a porcentaxe de uso da ferramenta Abalar.

O Plan Dixital do centro, posto que abarca a mestres, alumnado, familias e administracións , terá que darse a coñecer  a toda a comunidade educativa.

·                    Iniciarase coa posta a disposición de  todo o profesorado previo ao seu paso polo Claustro  para que poida ser enriquecido e mellorado coas aportacións de todos/as e ao mesmo tempo sexa coñecido.

·                    Nun segundo paso teremos o seu paso polo Consello Escolar para a súa aprobación. Previo a este paso será enviado aos representantes das familias, da Anpa e do Concello para acadar as súas aportacións, a súa implicación  e dalo a coñecer.

·                    Tras estes dous pasos fundamentais e por outro lado, de obrigado cumprimento colgarase na páxina web do centro para a seu coñecemento e consulta por todas as partes interesadas.

Máis concretamente, ao remate de cada curso, unha vez realizada a avaliación trasladaranse os resultados a Claustro e Consello e solicitaranse aportacións de cara á súa mellora no inicio curso seguinte