Plan do centro

Datos do plan

Vixencia

 
 
 

Introdución

Introdución

Nome: CEIP Daría González García

CÓDIGO: 36006316

ENDEREZO: Avda. Montecelo, Nº 18

                     36161-Pontevedra

TFNO: 986 804135

EMAIL: ceip.daria.gonzalez.garcia@edu.xunta.gal

WEB:  http://www.edu.xunta.gal/centros/ceipdariagonzalezgarcia/

O Equipo Directivo está formado por 2 persoas tal como corresponde por catálogo de postos de traballo en función das unidades do CEIP: un director-xefe de estudos e unha secretaria, que compaxinan as súas funcións coas da titoría de 5º e 6º de primaria, respectivamente.

O CEIP Daría González García conta cun Claustro estable, formado por un equipo de mestres e mestras con destino definitivo no centro. O número de integrantes variou ao longo dos cursos. Este curso académico, a plantilla está formada por 11 mestres/as de todas as especialidades e 1 mestra de PROA+. En definitiva, a relación do profesorado é a seguinte:

- 2 especialistas en educación infantil.

- 2 mestres/as de educación primaria, con funcións de Dirección/Xefatura de Estudos e Secretaría.

- 1 mestra de Ed. Musical, titora de 1º ciclo de EP.

- 1 mestra de Educación Física, titora de 2º ciclo de EP.

- 1 mestra de Lingua Extranxeira, cotitora de 2º ciclo de EP.

- 1 mestre de Audición e Linguaxe.

- 1 mestra de Pedagoxía Terapéutica.

- 1 mestre xefe do DO (interino).

- 1 mestre de relixión católica itinerante.

- 1 mestra de PROA +, perfil de PT (interina).

O CEIP Daría González conta con 2 coidadoras a tempo completo para a atención a nenos/as con NEE (motóricos). As dúas ATE dependen da Consellería de Educación. Asimesmo, dispón de conserxe a tempo completo. Este profesional está adscrito á Deputación de Pontevedra.

O Consello Escolar está formado actualmente por 10 persoas: 3 representantes das familias, 3 representantes do profesorado, 1 representante do persoal non docente, 1 representante municipal e as 2 membros do equipo directivo.

Na actualidade o CEIP Daría González García acolle a 65 alumnos e alumnas de procedencias moi dispersas: alumnado migrante de países sudamericanos e marroquís principalmente, estes últimos case na súa totalidade xa nacidos en Galicia ou noutras comunidades españolas. Outra gran parte do alumnado procede da mesma cidade de Pontevedra ou concellos limítrofes que elixen o noso centro por razóns económicas e asistenciais como é o Centro de Día (acollemento dende as 8 da mañá, xantar e actividades pola tarde ata o regreso ás residencias familiares ás 19:30). Unha porcentaxe considerable son nenos e nenas que residen durante a semana na cidade infantil, en acollida, tutelados ou en garda; unha pequena porcentaxe (<10%) son alumnos e alumnas de familia, usuarias/os de transporte da Consellería ou transporte familiar que veñen ao noso centro por seren da zona de influencia e, por último, nenos e nenas de etnias minoritarias cuns principios culturais moi asentados e que lles marcan o futuro sobre todo ás nenas.

Así pois, enfrontámonos a unhas características non sempre favorables para o desenvolvemento normalizado da actividade docente:

- Pouca implicación das familias no proceso educativo

- Escasa conciliación familar e escolar

- Alta porcentaxe de familias monoparentais

- Importantes dificultades na comunicación coas familias

- Nivel económico baixo ou moi baixo.

- Escasísimos recursos dixitais nas familias, tanto en equipos como en conexión.

- Enorme burocracia obrigada: Tribunais, Asistencia Social, Menores, Traballadoras/es Sociais,

- Ausencia de ANPA.

- Moita mobilidade do noso alumnado con incorporacións tardías ao sistema educativo, cambios frecuentes de centro.

A pesares desta situación de partida, este curso académico o centro incorporouse ao proxecto E-Dixgal, que proporciona ao alumnado de 5º e 6º de Primaria medios tecnolo¿xicos para desenvolver unha aprendizaxe dixital. Con este proxecto espe¿rase potenciar a autonomi¿a do alumnado, fomentar o seu interese por aprender, espertar a su¿a curiosidade e a su¿a creatividade, desenvolver as su¿as habilidades de traballo en equipo e a responsabilidade...

Neste contexto, consideramos que o Plan Dixital vai contribuir moi positivamente á formación profesional do profesorado e do alumnado. O feito de ter unha estratexia dixital de cumplimento asumida polo Claustro vai repercutir directamente nos principios e obxectivos do noso proxecto educativo.

Contexto DAFO

Instrumentos de recollida de información previa

SITUACIÓN DE PARTIDA

Atopámonos nun CEIP con escasa dotación de todo tipo e con moita antigüedade nos equipos existentes, e por suposto en dotación tecnolóxica. O último DRD do ano 2020/2021, no apartado de sociedade de información, apartado A (recursos Tic do cento) reflexaba unha dotación de:

·         35 ordenadores de sobremesa,

·         8 portátiles non edixgal/abalar e

·         6 tablets.

A maiores, a entrada no proxecto E-Dixgal no curso 2023/2024 dota ao alumnado dun portátil por estudante (19 en total), igual que ao profesorado que imparte algunha área en 5º e 6º de Educación Primaria (7 en total).

A realidade é que estes equipos, agás as tablets de adquisición no período 2019-2021 e os equipos de E-Dixgal, teñen todos eles máis de 10 anos. O software está absoleto, xa non permite actualizacións nin a conexión de periféricos USB. Tampouco soportan a visualización de películas ou videos.

Desta equipación tramitouse á secretaría xeral técnica a baixa de 4 portátiles co correspondente informe da empresa informática.

Nos 3 últimos anos o centro foi mercando ordenadores de mesa, tablets, periféricos, proxector dixital e portátiles en función das urxencias. Tamén se solicitou a UAC, avalado por inspección educativa, a dotación de equipos que por circunstancias que non coñecemos nunca chegaron.

A situación actual é a que segue:

-         Nestes momentos, cada aula/titoría/especialidade conta cun ordenador de mesa (5 novos adquiridos polo centro e 4 reciclados entre os existentes antigos) para a docencia.

-         As especialidades de AL e PT contan cun portátil cada unha (1 adquirido polo centro e o outro en uso pero moi antigo)

-         7 encerados interactivos: 5 dotados pola Administración e 2 mercados polo CEIP.

-         3 pantallas dixitais novas, dotadas pola Administración.

-         8 tablets: 5 subvencionados por Xefatura Territorial de Pontevedra e 3 adquiridos polo CEIP.

-         4 ordenadores na biblioteca para uso do alumnado. Do ano 2012.

-         1 ordenador para xestión na biblioteca onde está instalado o programa MEIGA.

-         2 ordenadores para os Mestres/as situados na sala do profesorado.

-         3 ordenadores para a xestión, na secretaría do CEIP. 2 novos adquiridos polo CEIP e 1 enviado pola Administración no ano 2015.

-         7 proxectores dixitais: 1 na biblioteca, 4 nas titorías, 1 na aula de música (mercado polo CEIP), 1 en inglés. Outros 2 están no almacén fóra de uso por ser a reparación inviable.

-         2 puntos de acceso wifi (incluído router wifi) e conexión por cable (instalación do CEIP). A conexión é moi deficiente, con continuos cortes a pesares de ter un ancho de banda de 100 a 200 MB de rede de área local. Esta conexión está dispoñible en todas as zonas de docencia. O número de dependencias con conexión ascende a 14 e sen conexión son 15.

É polo tanto, necesaria, a actualización e renovación do equipamento dixital e conectividade do CEIP Daría González García.

Outros servizos corporativos cos que sí conta o centro son:

-         Páxina web

-         Aula Virtual

-         Abalarmóbil non masivo

-         Espazoabalar

-         Blog de Normalización Lingüística

-         Instagram do centro

Asimesmo, o centro ten redactado e publicitado o seu Protocolo de Plan de Continxencia (http://www.edu.xunta.gal/centros/ceipdariagonzalezgarcia/node/430 ) e o acceso de todo o alumnado e profesorado á Aula Virtual a través da páxina Web http://www.edu.xunta.gal/centros/ceipdariagonzalezgarcia/.

Contamos co Equipo TIC e a comisión económica do Consello Escolar para a valoración e investimento.

FONTES EMPREGADAS PARA A ANÁLISE DAFO

Remítese á páxina 11 do documento anexado.

Interno
16 elementos atopados, amosando todos os elementos.
Resultados da busca
DAFO Descrición Categoria Obxectivos
Debilidade O alumnado carece da competencia dixital básica dun entorno escolar Alumnado Non
Debilidade Falta de hábitos de coidado do material por parte do alumnado Alumnado Non
Debilidade As familias non están acostumadas a usar a aplicación AbalarMobil Familias Si
Debilidade O noso alumnado non conta con medios dixitais nos seus domicilios Familias Si
Debilidade A comunicación coa maior parte das familias é deficiente ou nula Familias Non
Debilidade A dotación dixital é pobre Infraestruturas Non
Debilidade A rede sofre continuos cortes. Dificultades de conexión Infraestruturas Non
Debilidade Falta de tempo para explorar e crear material dixital en horario lectivo Persoal docente Non
Fortaleza Charlas sobre seguridade en internet Alumnado Non
Fortaleza O alumnado dispón dos recursos ofrecidos polo proxecto E-Dixgal Alumnado Non
Fortaleza Bo equipo de mantemento técnico Infraestruturas Non
Fortaleza Bo uso dos recursos dixitais ofertados polo centro Oferta Non
Fortaleza Existen espazos físicos que facilitan a aprendizaxe con tecnoloxías dixitais Organización de centro Non
Fortaleza O profesorado busca e crea recursos dixitais Persoal docente Non
Fortaleza O profesorado preocúpase por mellorar a súa formación Persoal docente Non
Fortaleza O claustro é definitivo Persoal docente Non
16 elementos atopados, amosando todos os elementos.
Externo 9 elementos atopados, amosando todos os elementos.
Resultados da busca
DAFO Descrición Categoria Obxectivos
Ameaza Exceso de burocracia Administración educativa Non
Ameaza Ausencia de ANPA ANPA Non
Ameaza Características do noso alumnado Contorna Non
Ameaza Alumnado institucionalizado en distintos rexímenes Contorna Non
Ameaza Cambios lexislativos constantes Lexislación Non
Oportunidade A elaboración e posta en marcha do Plan Dixital no centro Administración educativa Non
Oportunidade Creación da ANPA ANPA Non
Oportunidade Maior peso das TIC na normativa actual Lexislación Non
Oportunidade Interese polo apoio ás novas tecnoloxías Outras Non
9 elementos atopados, amosando todos os elementos.
Análise

A partir do Informe SELFIE, TCDD e outras fontes, o centro realizou unha analise DAFO que permite o coñecemento da realidade do centro no eido dixital e facilita a elaboración das liñas fundamentais do Plan Dixital en termos de obxectivos e accións a desenvolver.

Unha vez analizados os resultados dos informes das dúas probas, obsérvanse unhas fortalezas e debilidades, a nivel interno, e unhas oportunidades e ameazas, a nivel externo, que aparecen recollidas neste DAFO. En resumo, a análise DAFO indícanos que debemos mellorar en:

  • Mellorar a competencia dixital do profesorado en relación a E-Dixgal.
  • Potenciar a competencia dixital do alumnado.
  • Procurar un uso seguro e responsable das TIC, tanto en internet como cos equipos dixitais.
  • Mellorar a comunicación coas familias/educadores a través de AbalarMobil.
  • Manter e habilitar espazos específicos para uso de tecnoloxía, como os Polos Creativos.

Obxectivos

Datos obxectivo
Listaxe de obxectivos
Código Obxectivo Opcións
OPD01 Iniciar o emprego de E-Dixgal no 3º ciclo de primaria.
OPD02 Mellorar a comunicación coas familias a través de Abalar.
OPD03 Crear actividades de aprendizaxe dixitais adaptadas ás necesidades do alumnado con necesidades educativas.
OPD04 Concienciar ao alumnado dos riscos existentes na rede e da pegada dixital.
OPD05 Utilizar a Biblioteca como un espazo de Robótica.
OPD06 Empregar na aula e na biblioteca do centro libros dixitais para fomentar a lectura e mellorar a comprensión lectora.
OPD07 Mellorar a formación do profesorado en Aula Virtual e E-Dixgal.
OPD08 Empregar os materiais de Polos Creativos para elaboración de recursos didácticos.
OPD09 Formar ás familias sobre os beneficios e riscos das ferramentas dixitais a través dos recursos de Polos Creativos.

Seguimento

Procedemento

Para levar a cabo este PD teremos en conta que:

  • O equipo de dinamización do PD realizará polo menos unha reunion co mentor ADIX asignado para valorar e asesorar a evolucion deste plan dixital.
  • A persoa mentora ADIX visitará o centro as veces que sexa preciso para unha boa consecución do PD.
  • A persoa coordinadora do PD terá acceso ao aplicativo Educalidade para rexistrar os avances e avaliación deste plan.

A avaliación do plan consistirá en medir o grado de consecución dos obxectivos que nos marcamos. Tamén será necesario probar a efectividade das actuacións levadas a cabo. Para levar a cabo dita avaliación, teremos en conta os seguintes instrumentos e ferramentas:

  • Os indicadores de logro asociados a cada un dos obxectivos e accións.
  • A ferramenta da avaliación SELFIE a través da cal poderemos facer unha análise da competencia dixital do centro.
  • A avaliación da competencia dixital docente e do alumnado.

O plan avaliarase en función dos resultados obtidos no marco dos obxectivos e prazos previstos. O informe de progreso formará parte da memoria anual de centro.

1º Trimestre

Realizouse o seguemento trimestral de acordo co planificado e para poder analizar a evolución do plan dixital estudando a execución das accións e valorando os indicadores dos obxectivos propostos, tendo en conta que este ano temos dúas aulas no proxecto E-Dixgal e unha dotación de pizarras dixitais das que careciamos o curso anterior 22-23.

Neste primeiro trimestre, organizamos a formación do profesorado a través de cursos e grupos de traballo, mediante un PFPP con dous itinerarios: E-Dixgal Ano I e Polos Creativos.

Tamén realizamos comunicacións e reunións coas familias nas que se lles trasladou a utilidade da ferramenta Abalar Móbil para a comunicación co centro.

2º Trimestre

Realízase o seguemento trimestral de acordo co planificado para poder analizar a evolución do plan dixital estudando a execución das accións e valorando os indicadores dos obxectivos propostos.

Observamos a implicación do profesorado e do alumnado coa implementación das novas ferramentas dixitais (E-Dixgal, paneis dixitais). Case todo o profesorado está participando na formación do PFPP e adquirindo novas habilidades con estas ferramentas.

Seguimos á espera do material de Polos Creativos para poder realizar algún taller co alumnado e coas familias.

3º Trimestre

Realizouse o seguemento trimestral de acordo co planificado e para poder analizar a evolución do plan dixital estudando a execución das accións e valorando os indicadores dos obxectivos propostos.


Analizamos que os obxectivos do PD correspondentes ata o 3ª trimestre desenvólvense segundo o programado:

O obxectivo O01PD considérase acadado.

Os obxectivos O02PD, O03PD e O04PD, están parcialmente acadados, realizáronse as accións dos mesmos e propóñense para o vindeiro curso.

O obxectivo O05PD está parcialmente acadado xa que houbo obras que no centro que o retrasou.

O obxectivo O06PD considérase pendente, xa que non se utilizaron os libros dixitais e non se considera unha acción prioritaria.

O obxectivo O07PD considérase acadado.

O obxectivo O08PD considérase parcilamente acadado, posto que faltou equipamento de Polos creativos.

O obxectivo O09PD queda pendente polo mesmo motivo que o obxectivo anterior.

Avaliación

Procedemento para a avaliación

Para a avaliacion do plan proponse:

1º: Integrar dentro do calendario de reunión dos martes pola tarde, unha reunión mensual do equipo que forme parte do Plan valorando:

-         A adecuación dos prazos marcados.

-         As accións executadas.

-         Os resultados que se van obtendo.

-         As dificultades que xurdan.

-         As propostas de mellora para acadar os obxectivos plantexados.

Para poder avaliar o plan medimos o grado de consecución dos obxectivos marcados, mediante a observación do emprego da ferrmanta ABALAR, e se hai reciprocidade por parte das familias. Tamén se proba a efectividade das actuacións levadas a cabo, marcadas e analizadas no apartado de seguimento.

Teremos en conta os seguintes instrumentos e ferramentas:

  • Os indicadores de avaliación asociados a cada un dos obxectivos e accións.

  • A ferramenta da avaliación SELFIE a través da cal poderemos facer unha análise da competencia dixital do centro.

  • Avaliación da competencia dixital docente e do alumnado.

 

Valoración xeral

Asemade, este Plan que formará parte da Programación Xeral Anual e terá un proceso de avaliación final no que se reflectirá:

  • Os obxectivos propostos no PD para este 2º ano e se foron acadados na súa maioría.
  • Implicación do profesorado no desenvolvemento do PD.
  • Implicación do alumnado e das familias.

Os resultados pódense ver no apartado Seguimento.

Proposta de mellora

Non planificar obxectivos que dependen dunha actuación externa ao centro (por exemplo, a elaboración dos recursos didácticos co material de polos creativos depende da dotación por parte da Consellería).

Conseguir unha maior implicación das familias.

Fomentar a responsabilidade do alumnado na relación cos recursos dixitais.

Lograr algunha dotación dixital para o centro (eBooks, tabletas...).

Comunicación e difusión

Comunicacion e difusión

O Plan Dixital será publicitado a través dos seguintes medios de comunicación externos ao inicio do curso:

  1. Páxina Web
  2. Nota Abalar conforme está publicado para que as familias poidan ir ao enlace.
  3. Comunicacións puntuais para as actividades contidas no Plan Dixital, a través de Abalar ou circular en papel.

O Plan Dixital é un documento vivo, o que implica que, ao final de cada trimestre, tras a oportuna valoración, se poda realizar unha modificación e/ou reformulación de obxectivos de acción, que serán publicitados seguindo o esquema anterior.

Volver