O plan dixital do CEIP Plurilingüe de Luíntra é un instrumento de planificación integrado dentro do Proxecto Educativo que persegue o desenvolvemento do tratamento da información e competencia dixital, así como a integración das TIC como ferramenta didáctica nos procesos de ensino-aprendizaxe. O Plan dixital debe ser o instrumento que adecúe e facilite o uso dos medios dixitais no proceso de ensino aprendizaxe, entendido desde o obxectivo do desenvolvemento pleno e integral do alumnado. O Plan Dixital será o instrumento que defina a estratexia dixital deste CEIP formando parte do Proxecto Educativo, do Proxecto de Dirección e das diferentes Programacións Xerais Anuais que se elaboren cada curso escolar.
Os instrumentos usados na recollida da información previa para a realizaciópn do Plan Dixital do CEIP de Luíntra foron os seguintes:
Autoavaliación SELFIE realizada durante o final do curso 2021 - 2022.
Test CDD realizado durante o final do curso 2021 - 2022.
Outra das fontes a destacar na que baseamos a análise DAFO foron as conversas e reunións mantidas polo profesorado implicado na realización do documento.
A partir do Informe SELFIE, TCDD e das outras fontes utilizadas, o centro xenerou unha análise DAFO que permite o coñecemento da realidade do centro no eido dixital e facilita a elaboración das liñas fundamentais do Plan Dixital en termos de obxectivos e accións a desenvolver. A través do análise DAFO sacamos as seguintes características:
O centro conta cunha suficiente cobertura de rede. A nosa escola aposta polo traballo coas tecnoloxías dixitais, pero sen un plan definido. tampouco ten unha política de protección de datos.
A excesiva burocracia que requiren desde a administración ocupa moito tempo ao profesorado.
As relación da escola co concello e coas familias é moi boa, aínda que podería mellorar a relación con outras entidades.
A baixa matrícula do noso centro é un risco moi preocupante.
O profesorado está implicado co centro educativo, así como na súa formación e usa as TIC de maneira diaria na aula, aínda que tamén require unha maior formación no ámbit dixital. Ningún membro do claustro ten coñecementos profundos sobre as tecnoloxías dixitais.
O alumnado conta cun dispositivo dixital compartido na escola, mais moitos deles non o teñen na casa. Gran parte do alumnado cre saber usar so dispositivos dixitais correctamente. A maioría do alumnado séntese motivado para mellorar no uso das TIC.
Para poder realizar o seguimento dos resultados propostos no Plan de Dixital de Centro levouse a cabo unha avaliación continua que nos permitiu ver se os obxectivos expostos eran os axeitados e se as medidas propostas foron as correctas para logralos, puidendo realizar as modificacións oportunas.
O seguimento deste plan foi competencia do equipo directivo do centro, da comisión de coordinación pedagóxica e do equipo TIC. O plan foi revisado polo equipo TIC que propoñeu os cambios que considerou oportunos.
No 1º trimestre realizamos a primeria reunión do Grupo de traballo que decidiu os temas que desenvolveu o PFPP "Uso de canva na aula" e "Uso de Croma na aula". Tamén elaboramos o plan de formación deste curso relacionado co PD. Neste trimestre tamén se lle deron as credenciais de usuario e contrasinal da AV do centro ao profesorado implicado no proxecto. Ademais realizamos a reunión inicial para organizar o traballo de alfabetización dixital do alumnado e poder organizalo por aulas e trimestres.
Os obxectivos marcados no PD relacionados coa AV do centro non foron acadados debido a diferentes razóns:
A motivación para usar a AV por parte do profesorado non resultou ser moi alta.
A falta de formación no uso da AV por parte do profesorado.
Os obxectivos marcados no PD relacionados coa AV do centro non foron acadados tampouco neste trimestre e quedan pendentes de revisión para introducilos no plan de formación do próximo curso. Realizamos a reunión final para valorar o traballo realizado relacionado coa alfabetización dixital do alumnado.
Realizamos durante este curso unha avaliación continua para comprobar a adecuación dos obxectivos marcados e se as medidas tamén son as correctas. Valorarouse o grao de implicación de cada un dos membros que compoñen a nosa Comunidade Educativa, así como a coordinación entre eles e o grao de aceptación das distintas propostas. Esta avaliación continua complementouse cunha avaliación final onde se valoraron os resultados obtidos, as posibles melloras, erros cometidos, necesidades e grao de satisfacción coa experiencia. Para todo iso, empregáronse os seguintes instrumentos de avaliación:
Revisión dos obxectivos e actividades expostas.
Avaliación das actividades propostas: diagnóstico inicial, desenvolvemento e conclusións.
Reunión de seguimento cos axentes implicados.
Memoria anual do Plan Dixital de Centro.
En xeral, a avaliación do PD do CEIP Plurilingüe de Luíntra non resultou moi positiva xa que dos 4 obxectivos marcados no documento tan so conquerimos dous:
"Promover a participación do profesorado no PFPP" (Obxectivo 1)
"Alfabetización dixital gradua do alumnado" (Obxectivo 4)
Os obxectivos relacionados co uso da AV do centro non foron adiante e quedan pendentes para o próximo curso.
As propostas de mellora para o próximo curso son as seguintes:
1) Ampliar a participación de todo o claustro no Plan dixital e no PFPP no ámbito dixital.
2) Comezar coa posta en marcha da AV da escola de Luíntra.
3) Promover a aplicación Abalar Móbil para as comunicacións entre o claustro e coas familias.
4) Incorporar a ferramenta corporativa Agueiro.
O CEIP Plurilingüe de Luíntra publicou e divulgou este documento por diferentes medios a toda a comunidade educativa. O Equipo Directivo foi o encargado de difundilo por diferentes canles, tanto físicas como dixitais. Para difundir o PD entre toda a comunidade educativa realizamos, a principio de curso, reunións coas familias implicadas para darlles a información precisa do proxecto.
