Con respecto a vida económica e profesional, a agricultura e a gandería son as principais vías de subsistencia da xente do municipio. A actividade gandeira céntrase nos rabaños de ovellas e cabras que pasan a meirande parte do verán nos curros dos cumes. Destes rabaños, aprovéitase a carne e a lá.

O ser explotación propias para o autoconsumo, as familias precisan de ingresos económicos extras, que se conseguen a través da realización de traballos como peóns, xornaleiros… Existe tamén certa actividade industrial, no que se refire á empresa Iberdrola coa súa central eléctrica situada na vila. Por último, a actividade comercial é escasa, reducíndose esta a existencia dalgúns comercios de artigos básicos de primeira necesidade: supermercado, mercería, farmacia, panadaría, banco… En canto a situación económica das familias o nivel cultural é medio ou medio-baixo. O noso alumnado procede maioritariamente dun medio familiar galegofalante.

Contribución do PD ao Proxecto Educativo. Relación con outros Plans e proxectos do centro.

Na lexislación vixente establécese que o Proxecto Educativo recollerá a estratexia dixital do centro. O plan dixital do CEIP Manzaneda é un instrumento de planificación integrado no Proxecto Educativo que persegue fundamentalmente o desenvolvemento do tratamento da información e competencia dixital e a integración das TIC como ferramenta didáctica nos procesos de ensino-aprendizaxe. Para iso é fundamental dar un enfoque de centro ao uso dos recursos pedagóxicos dixitais, aproveitando as posibilidades e recursos dispoñibles, de modo que se converta nun proxecto compartido para os membros da comunidade educativa, que dea coherencia e guíe o uso das tecnoloxías. Será un instrumento que forme parte do Proxecto Educativo e da Programación Xeral Anual.

Contribución do PD á Programación Xeral Anual do curso 22/23.

Programación Xeral Anual do curso 22/23 onde se terán en conta actividades para acadar os obxectivos propostos do noso plan dixital, enfocado a realizar estratexias para compensar as desigualdades e reducir a fenda dixital.

Mediante o presente plan, preténdese: dotar ao noso alumnado das ferramentas necesarias que garantan a súa autonomía e iniciativa persoal (competencias básicas, tratamento da información e competencia dixital) para que saiban en todo momento tomar as decisións correctas para seleccionar a información.

Na nosa contorna e concretamente no noso centro non dispoñemos dunha boa conexión a internet polo que o claustro consideramos que ao ter no centro aulas mixtas sería inviable levar a cabo un programa como o E-dixgal.

Tomando como referentes os obxectivos propostos para dito plan estableceremos uns criterios de avaliación a través duns instrumentos de avaliación que serán os seguintes:
- Lista de control na que recolleremos uns ítems, que nos servirán para comprobar a consecución dos obxectivos formulados.
- Rúbricas nas que estableceremos uns obxectivos de logro a alcanzar mediante uns niveis de desempeño.
- Escala de co-avaliación que favorece a aprendizaxe do alumnado.

Como valoración final do plan dixital do curso 22/23 as valoracións finais son negativas. A mala conexión e a falta de equipamentos no centro ocasionaron múltiples problemas á hora de levar a cabo os obxectivos do devandito plan, conlevando a que en moitas ocasións tivésese que cambiar as sesións que se planificaron. A mala conectividade do noso centro fai que levar a cabo o plan dixital sexa algo complicado. Todos os obxectivos do plan cumpríronse aínda que foi difícil poder levalos acabo porque cada obxectivo tiña un período de tres semanas máis ou menos para cumprilo, e cando vos levamos a cabo démonos conta de que necesitariamos moitas máis sesións das que se programaron.

Non abarcar tantos obxectivos.

Dispoñer dunha mellor conectividade no centro.

Este documento será difundido á Comunidade Educativa trala súa aprobación mediante a Páxina Web do centro e/ou aula virtual.