Contextualización do Plan Dixital no centro. Contribución ao Proxecto Educativo do Centro

O perfil da comunidade educativa é moi diverso. Conflúe e interactúa no centro un amplo abano de realidades moi diverxentes no relativo a formación académica, estatus económico, configuración familiar ou relixión, que determinan tamén diferentes expectativas con respecto á escola. Esta multiplicidade de situacións sociofamiliares coa que convivimos a diario nunha cidade como Santiago de Compostela non pode ser obviada pola escola, que debe tentar que dentro dos seus muros todos e todas sintan que teñen os mesmos dereitos, os mesmos deberes, o mesmo trato e as mesmas oportunidades. Se tomamos a referencia do ISEC, o centro sitúase no nivel medio-baixo.

Unha particularidade que cómpre subliñar é que –en contraste con outras áreas da cidade- un número significativo de familias teñen o galego como lingua de uso habitual.

Convén sinalar tamén que nesta parte da cidade conviven moitas escolas públicas e concertadas, de tal xeito que existe unha grande competencia por acoller o alumnado.

O CEIP Apóstolo Santiago leva tempo interesado polo desenvolvemento das tecnoloxías dixitais. Actualmente implementa EDIXGAL en 5º e 6º de EP.  Neste documento visualizaranse as estratexias, a os procesos de ensinanza-aprendizaxe necesarios para conseguir un adecuado desenvolvemento da competencia dixital por parte de todos os integrantes da comunidade educativa e do alumnado. A concreción do Plan Dixital do centro será incorporada á PXA.

Breve xustificación do PD. 

 NORMATIVA:  -Decreto 105/2014, 4 de setembro polo que se establece o currículo da educación primaria na Comunidade Autónoma de Galicia, Art 19 Educación Dixital. No que aparece reflexado “ Os centros docentes que desenvolvan o currículo completo nun contorno dixital deberán establecer un proxecto de educación dixital que formará parte do seu proxecto educativo e deberá contar coa aprobación da consellería competente en materia educativa, segundo o procedemento que se estableza”. -Art. 111 bis, Art. 121 e Art. 132 da LO 2/2006, de 3 de maio, de Educación. -Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022 no que menciona que “ Durante os curso 2021/2022 cada centro elaborará o seu plan dixital”. -Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022 -Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022. -Estratexia dixital de Galicia 2030.

Para o seguimento do desenvolvemento do plan e da consecución de obxectivos levaremos a cabo unha avaliación procesual  trimestral por parte do equipo do Plan Dixital, o Claustro e o Equipo Directivo. Trataremos determinar e avaliar a consecución dos obxectivos propostos e aspectos como a realización das accións, a reflexión, o análise así como a valoración dos resultados e, determinar cambios ou modificacións de mellora no caso de que fose necesario. A avaliación final levarase a cabo a final de cada curso. Sancionarase o grao de consecución dos obxectivos e as propostas a mellorar no centro educativo. Terase en conta as aportacións dos equipos docentes e as propostas de mellora mencionadas anteriormente servirán como punto de partida para a actualización do Plan de cara o curso seguinte.

Non se puideron levar a cabo algunhas das accións previstas, que quedan pendentes para vindeiros cursos.

OBX 001: Non se puideron realizar as accións formativas previstas. Non acadado

OBX 002: Creouse o PFPP Polos Creativos. Parte do profesorado foi quen de crear algunha proba na Aula Virtual. Acadado parcialmente.

OBX 003: Realizáronse dúas conferencias relativas a riscos dixitais, redes sociais... Unha integrada no Plan Director (Policía Nacional) e outra conveniada con expertos da USC. En ambas accións participou a ANPA activamente. Acadado.

Conseguimos un 100% de uso da Plataforma Abalar (os últimos anos era un 90%).

O uso da aula virtual en 3º e 4º de primaria é residual.

A relación co asesor asignado a este centro foi fluída e productiva.

Cómpre iniciar antes as accións incluídas no plan.

Cómpre retomar formación específica sobre o uso da Aula Virtual para o profesorado.

Tentaremos retomar as accións formativas previstas no OBX 001.

 O Plan Dixital formará parte do Proxecto Educativo e da Programación Xeral Anual. Aprobaráse neste documento a súa concreción anual e difundirase na páxina web.