O Plan Dixital de Centro enténdese como un instrumento que debe favorecer e impulsar o uso dos medios dixitais tanto nos procesos de ensino e aprendizaxe como no resto de procesos de xestión do centro, sempre co obxectivo último de colaborar no desenvolvemento integral do alumnado. Por esta razón, é fundamental dar un enfoque de centro ao uso dos recursos pedagóxicos dixitais, aproveitando as posibilidades e recursos dispoñibles, de modo que se convirta nun proxecto compartido por tódolos membros da comunidade educativa, que de coherencia e guíe o uso das tecnoloxías. Polo tanto, o Plan Dixital (PD) será un instrumento que forme parte do Proxecto Educativo do centro (PE) e da Programación Xeral Anual (PXA). Estes tres documentos (PD, PE e PXA) deben estar en total consonancia e ser complementarios.

Dende fai uns anos, a través do Plan TIC (Tecnoloxías da Información e a Comunicación), a nosa escola está tratando de impulsar o uso das TIC co fin de levar a cabo unha alfabetización dixital dos nenos e das nenas.

Así mesmo, no curso 2021-2022, comenzamos a participar nos Plans e Programas ofertados pola Consellería, concretamente no Plan Proxecta+, co fin de facer fronte aos retos de caráter global como a igualdade de xénero, a competencia dixital, o recoñecemento dos dereitos da infancia, a promoción da saúde, a educación intercultural ou a transición ecolóxica.

Como xa comentamos anteriormente, o Plan Dixital está estreitamente relacionado cos obxectivos recollidos no Proxecto Educativo do noso centro e na Programación Xeral Anual. Con respecto a esta última, e tendo en conta a existencia dun Plan para a introdución das T.I.C no centro, que marca unha serie de obxectivos e actuacións ó respecto, a continuación indícase a forma en que se concretará a posta en práctica na aula do PD durante o curso académico 2023-2024. Se nunha primeira fase o obxectivo fundamental será que os nenos e nenas aprendan as habilidades básicas para utilizar estes medios (cámara de fotos, encerado dixital, panel de luz, tableta, panel dixital, etc ); nunha segunda fase o máis importante será aprender destes medios (mediante a utilización de programas, recursos e páxinas web específicas) e aprender con estes medios, xa que os utilizaremos como ferramenta para realizar determinadas tarefas escolares como escribir cartas, buscar información, colorear debuxos, traballar conceptos básicos, etc. Ademais, as TIC vannos servir como recurso para fomentar a comunicación e participación das familias e con outros centros (a través do correo electrónico, redes sociais, páxina web, videoconferencias, etc.).

Tendo todo isto en conta, co Plan Dixital do noso centro, pretendemos:

- Avaliar a situación do noso centro educativo con relación ao uso das TIC nos distintos elementos clave que recolle o Marco Europeo para Organizacións Educativas Dixitalmente Competentes, para poder, a continuación, deseñar e emprender un proceso de transformación no noso centro.

- Recoñecer o Plan Dixital de Centro como un recurso clave para a planificación da estratexia dixital dunha organización educativa.

- Transformar o centro educativo nunha organización dixitalmente competente.

Por último, a continuación recóllense as referencias lexislativas que se tiveron en conta para a realización do Plan Dixital:

• Art. 111 bis, Art. 121 e Art. 132 da LO 2/2006, de 3 de maio, de Educación.
• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.
• Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
• Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa
educativa.

Como tódolos Plans do Centro, o Plan Dixital someterase a un proceso de avaliación co fin de introducir as modificacións ou melloras necesarias para a consecución dos obxectivos.

- No contexto da avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

- No contexto da avaliación final a frecuencia da súa realización será como mínimo unha vez ao ano (ao finalizar cada curso escolar). Os aspectos a considerar incluirán, entre outros, a valoración do logro dos obxectivos e as propostas de mellora.

Para a avaliación do Plan Dixital empregaremos como instrumento as táboas para cada obxectivo que aparecen no Plan de Acción do Plan Dixital do Centro.

En xeral, acadáronse a maioría dos obxectivos propostos para o curso, pero quedaron pendentes algunhas accións previstas. De cara ao vindeiro curso recoméndase incluír novamente no Plan Dixital as accións que non se desenvolveron durante este curso co fin de acadar os obxectivos propostos.

Como propostas de mellora recoméndase que para o vindeiro curso a mestra responsable do centro dispoña de polo menos 1 sesión semanal adicada ao desenvolvemento do Plan Dixital, co fin de que se poidan poñer en marcha tódalas accións previstas que permitan o logro dos obxectivos marcados.

O Centro publicitará e difundirá o seu Plan Dixital entre toda a comunidade educativa a través de diferentes medios: envío do enlace do Plan Dixital da nosa escola por correo electrónico ás familias, envío do enlace do Plan Dixital aos diferentes membros do Consello Escolar e publicación do Plan na páxina web do centro.

A URL do noso Plan Dixital é a seguinte: https://www.edu.xunta.gal/educalidade/BuscaPlanAction?codPlan=1&codConvocatoria=132&codCentro=36015214