A contextualización normativa en relación co Plan Dixital do noso centro é a seguinte:
• Art. 111 bis, Art. 121 e Art. 132 da LO 2/2006, de 3 de maio, de Educación
• Instrucións para o ensino non presencial.
• Disposición adicional quinta da Resolución do 17 de xuño de 2021, da Secretaría Xeral de
Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021- 2022
• Instrucións para elaborar o plan dixital de centro.
• Resolución do 3 de setembro de 2021, da Secretaría xeral de Educación e Formación
Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
• Lei orgánica 3/2020, do 29 de decembro, polo que se modifica a Lei Orgánica 2/2006, do
3 de maio, de Educación.
O CEIP NOVO MESOIRO é un centro de recente creación. Está situado nun barrio da provincia de A Coruña. Conta con 18 unidades: 6 de E.I. e 12 de E.P. Atópase sito no termo municipal de A Coruña, na contorna dos núcleos de Feáns e Pocomaco. Conta con cómodos accesos tanto a través do uso de vehículos privados como empregando o transporte público. Novo Mesoiro é un dos barrios máis novos da cidade, con máis de 3100 vivendas de protección autonómica.
O censo do concello é de 8.132 habitantes no ano 2021 seguindo o IGE (Instituto Galego de Estatística). É o barrio máis novo de A Coruña, con mais do 90% da poboación entre 20 e 34 anos.
A principal base económica é o polígono industrial da zona. No referido ás familias, a maioría pertencen a unha clase sociocultural media e son castelán falantes. Mencionar como dato significativo o asentamento no concello de varias familias inmigrantes e varias vivendas de protección social. O centro dispón de servizo complementario de comedor, madrugadores, e extraescolares xestionados pola A.N.P.A
O presente Plan Dixital de Centro, PDC, é un piar importante dentro do marco educativo do mesmo, polo que é preciso incluílo dentro do Proxecto Educativo. Preténdese que o alumnado deste centro sexa un alumnado cunha formación competencial acorde co establecido pola lei educativa que rexe o sistema educativo español. O PDC deberá establecer unha serie de estratexias para que o alumnado adquira as aprendizaxes precisadas a través de ferramentas
dixitais e, para isto, precísase ter unha serie de medios como recurso e apoio para o seu proceso de E-A. Debemos tamén prestar especial importancia ao alumnado NEAE, para o cal se deberán ofertar diversos recursos dixitais que lle permitan traballar e, por ende, conseguir un maior éxito académico e socio-emocional.
Non menos importante serán as familias, como persoas relevantes no proceso de Ensinanza e Aprendizaxe dos nenos e nenas. A comunicación cos mesmos será a través de diversas plataformas, onde se empregarán sistemas completos e que brinden máis facilidades ás mesmas.
A relación deste plan con futuros proxectos ou propostas levadas a cabo dende a biblioteca son de gran importancia. Para isto, contemplamos unha mellora dos medios dixitais dispoñibles para este espazo, así coma tamén a adquisición de dispositivos electrónicos e robótica. Todo isto serviranos para levar a cabo o vindeiro curso un PDI no que se traballarán as competencias ALFIN e AMI.
No que respecta a outros plans, a difusión do idioma galego e o traballo de actividades e recursos a través das TIC, axudarannos a unha maior difusión do plan de Dinamización da Lingua Galega.
O PDC vai contribuír á PXA do vindeiro curso nos seguintes aspectos:
• Formación do profesorado.
• Dotación de medios e dispositivos dixitais para o profesorado e alumnado para a mellora
académica.
• Aumentar o nivel de seguridade das ferramentas TIC empregadas, así coma tamén mellorar a competencia dixital do alumnado e profesorado.
