Contextualización do Plan Dixital no centro. Contribución ao Proxecto Educativo do Centro
O CIFP Someso está localizado na cidade de A Coruña, a economía da cal está baseada fundamentalmente no sector servizos, a pesares disto a cidade conta con dous polígonos industriais, o polígono de A Grela e o polígono de Pocomaco.
A cidade de A Coruña ten unha poboación próxima aos 250.000 habitantes. Conta con distintas liñas de autobuses que prestan servizo á cidade e arredores. O CIFP está situado no barrio de Someso, barrio situado cerca da principal vía de saída da cidade.
Trátase dunha zona en expansión con vivendas, áreas comerciais e instalacións deportivas. Non é unha zona industrializada; só estas áreas, pequenos comercios e obradoiros conforman o barrio. Os seus habitantes son maioritariamente traballadores de clase media, se ben coas novas vivendas que se están a construír, o barrio experimentará un crecemento importante, cunha poboación moito máis heteroxénea.
Socialmente, o alumnado do centro é unha representación da clase media nos ciclos formativos de grao medio e superior e da clase media–baixa principalmente na formación profesional básica. A procedencia académica do alumnado é tanto da ESO, como doutros ciclos formativos, bacharelato ou mesmo da universidade. En canto á procedencia xeográfica, podemos falar dunha zona ampla, tanto da propia cidade de A Coruña como doutras comarcas, limítrofes e non limítrofes, incluso doutras provincias.
No referente á inserción laboral hai que dicir que o índice de ocupación dos alumnos que cursan un ciclo formativo no centro, principalmente de grao medio e superior, é elevado. O centro conta con máis de 120 profesores pertencentes ás diferentes familias profesionais ofertadas no centro e ao departamento de Formación e Orientación Laboral así como ao departamento de Información e Orientación Profesional.
Desde hai anos, o CIFP Someso aposta pola dixitalización do centro. O Plan Dixital debe ser un impulso para afianzar este proceso.
Entre os obxectivos recollidos no Plan Anual do centro que, loxicamente, derivan do Proxecto Funcional. Ademais da implantación do Plan Dixital, tamén temos recollidos estes outros obxectivos que están moi relacionados:
- Fomentar e impulsar o uso pedagóxico das TIC.
- Ofertar formacións para que o profesorado mellore as súas competencias TICs.
- Fomentar o uso de ferramentas dixitais.
- Dixitalizar aqueles modelos existentes cos que traballamos no día a día (solicitudes de permisos para o profesorado, autorizacións para uso da imaxe, etc).
- Crear modelos de xestión que permitan crear bases de datos de forma automatizada.
Breve xustificación do mesmo
A elaboración deste plan dixital do centro lévase a cabo de acordo coa normativa vixente que regula a súa elaboración e implantación:
- Art. 111 bis, Art. 121 e Art. 132 da LO 2/2006, de 3 de maio, de Educación
- Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e posta en práctica do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
Proceso de elaboración
Para a elaboración do Plan Dixital no noso centro leváronse a cabo diferentes actividades de xeito secuencial e ordenado.
- Nun primeiro momento constituíuse o equipo de plan dixital, formado por 4 persoas: o director, a responsable de TICs e dous profesores máis (unha deles a coordinadora do plan).
- As primeiras accións levadas á cabo polo equipo consistiron en conseguir información relativa ó estado actual de dixitalización na comunidade educativa. De xeito que se informou e fomentou a participación nas enquisas SELFIE e CDD.
- A continuación elaborouse o documento DAFO coa información obtida.
- E seguindo co traballo, fíxose a selección de obxectivos prioritarios a acadar (que debían ser específicos, medibles, alcanzables, relevantes e temporalizados; SMART) e plans de actuación previstos para o vindeiro curso.
- Finalmente redactouse o plan dixital de centro, pensado como un documento vivo que se debe adaptar e completar en cada momento tendo en conta as circunstancias e casuísticas que vaian aparecendo.
- Despois de un ano de implantación do plan incial procedemos a ir actualizándoo anulamente.
