1.1. Contextualización do Plan Dixital no centro. Contribución ao Proxecto Educativo do Centro

O CEE Nosa Señora do Rosario está situado no barrio de Monelos, compartindo recinto co CEIP María Pita e á beira do CEIP Ramón da Sagra e do IES Otero Pedrayo. O CEE  créase en 1964, con 3 profesores e 15 alumnos en 3 aulas do colexio Concepción Arenal. Posteriormente foi trasladado a unhas aulas do colexio María Pita ata que en 1985 se inaugura o edificio no que está localizado actualmente. Nos seus inicios foi constituído en réxime de Xunta de Promoción Educativa dependente do Concello da Coruña. No ano 2000 o centro pasa a ser público de réxime xeral e dependente integramente da Xunta de Galicia.  Desde a súa creación o centro estivo compartindo o espazo con centros ordinarios, o que provocou que ademais da función educativa propia, sempre se potenciase a integración do alumnado, sendo unha das características da nosa identidade a modalidade de escolarización combinada.

O CEE Nosa Señora do Rosario escolariza alumnado de entre 3 a 21 anos, conta con comedor de xestión directa para 70 usuarios e 4 rutas de transporte escolar. Ata o curso 2012/2013, as alumnas e alumnos escolarizados no centro eran unicamente rapazas e rapaces con diversidade funcional de tipo auditivo que cursaban a EP e ESO no centro, os servizos educativos completábanse cunha unidade de atención temperá de 0-3 anos (derradeiro curso 2008/2009) e coa atención ambulatoria do centro de recursos na quenda de tarde, dirixida ao alumnado que precisa intervencións específicas de audición e linguaxe matriculados en diferentes centros ordinarios da Comarca da Coruña (en funcionamento desde o curso 1997/1998). Será no curso 2013/2014 cando cambie o perfil de alumnado que accede ao centro, autorizándose as primeiras escolarizacións en modalidade combinada para alumnas e alumnos con graves alteracións na comunicación e/ou linguaxe sen perda auditiva, e no curso 2016/2017 as primeiras matriculacións a tempo completo. Tamén neste curso se implanta o primeiro Programa Formativo de FP Básica “Actividades Domésticas”, seguido no curso 2017/2018 polo PF “Limpeza de Edificios” e no curso 2018/2019 polo PF “Peiteado”.

O Plan Dixital de Centro, de agora en diante PDC, ten que formar parte das señas de identidade do centro e polo tanto contribuír e formar parte do Proxecto Educativo. O alumnado do CEE Nosa Señora do Rosario, alumnado con NEAE, ten que estar formado en tódalas competencias, dependendo das súas capacidades, o que conleva a necesidade de traballar a competencia dixital en todos os niveis e en función das súas capacidades. Os recursos que poidamos ofrecer a través de medios dixitais serán clave para traballar e lograr un maior éxito académico e social.

Actualmente, desde o centro, e para dar resposta ás necesidades dixitais participamos no proxecto Digicraft da Fundación Vodafone, Robótica, Club de Ciencias e Polos Creativos.

É fundamental establecer unha estreita relación entre o PLAMBE e o Plan Dixital xa que no CEE Nosa Señora do Rosario é a Biblioteca o eixe que fai xirar o Proxecto de Centro para cada curso académico.

O PDC contribúe á Programación Xeral Anual do curso 23/24 en catro vías:

1. Integración das tecnoloxías no día a día.

2. Mellora da competencia dixital do profesorado e do alumnado.

3. Renovación da dotación de medios e recursos para o profesorado e alumnado para fomentar a aprendizaxe dixital e así acadar unha mellora académica.

4. Actualización e renovación da páxina web do centro.

1.2. Breve xustificación do mesmo

•  Art. 111 bis, Art. 121 e Art. 132 da LO 2/2006, de 3 de maio, de Educación.

• Decreto 229/2011, do 7 de decembro, polo que se regula a atención á diversidade do alumnado dos centros docentes da Comunidade Autónoma de Galicia.

• Orde do 8 de setembro de 2021 pola que se desenvolve o Decreto 229/2011, do 7 de decembro, polo que se regula á atención á diversidade do alumnado dos centros docentes da Comunidade Autónoma de Galicia.

• Resolución do 26 de maio de 2022, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2022-2023.

• Resolución do 26 de maio de 2022, da Secretaría Xeral de Educación e Formación Profesional, pola que se ditan instrucións para o desenvolvemento do proceso de admisión das ensinanzas de FP de grao básico para o curso 2022-2023.

• Orde do 21  de abril de 2022 pola que se crea o programa de innovación educativa Polos Creativos e se establece o procedemento para a participación dos centros docentes públicos dependentes desta Consellería.

1.3. Proceso de elaboración

O traballo distribuíuse da seguinte maneira:

a) Análise da situación de partida. Partindo das enquisas para o profesorado e alumando realizadas o curso pasado, que nos deron un diagnóstico das necesidades do centro e das áreas de mellora para inclír no plan dixital.

b) Datos do SELFIE e análise dos resultados no curso anterior.

c) Revisión do plan de acción: propóñense varios obxectivos entre os membros do Plan e escóllense os máis asumibles e funcionais de cara ao curso 23/24.

d) Redacción do PDC: distribuénse os apartados entre os diferentes membros.

e) Difusión do PDC: empregándose as ferramentas tecnolóxicas institucionais.

Realizarase unha avaliación do proceso a través dunha escala de valoración. Esta escala medirá en catro niveis o grao de adquisición das accións levadas a cabo no plan e os grao de consecución dos resultados vinculados a dito plan.

Incluirase tamén un apartado de modificacións e un de propostas de mellora.

Tamén realizarase unha avaliación final que terá en conta os obxectivos a través dunha rúbrica medindo os graos de desempeño de ditos obxectivos e onde incluiremos da mesma forma as propostas de mellora que xurdan na avaliación do proceso.

En xeral o Plan Dixital mellorou a competencia dixital do centro do equipo docente.

Aínda que queden obxectivos por cumplir, o camiño a seguir está ben encauzado. O equipo docente implicouse na formación dos materiais e equipamentos dotados a través de Polos Creativos, e demandan máis formación para sacar redendemento dos mesmos, polo que de cara o vindeiro curso sería recomendable establecer formación específica para continuar a realizada durante este curso. 

En canto as propostas de mellora estaría ben de cara o vindeiro curso: 

- Rematar o traslado da páxina web a drupal 9

- Dinamizar os blogs e redes sociais do centro, os cales naceron para dar visibilidade ao que se fai dentro dos distintos proxectos e plans, e que debido a carga de traballo, están un pouco abandonados.

- Usar de xeito xeral a Aula virtual como unha ferramenta máis a nivel de centro

A tarefa de difusión do PDC, ten que ser consecuente con dito plan e deberá facerse a través das ferramentas institucionais dispoñibles: páxina web do centro, abalar móbil e rede Agueiro.

1. PRIMEIRA FASE.

1. DESTINATARIOS: Difusión entre o profesorado. Consideramos que os primeiros en coñecer o plan deben ser os mestres/as do centro.
2. MEDIO: A través do correo corporativo edu.xunta.gal
3. PRAZOS:

•  1ª semana de xullo do curso 21/22 (mestres do curso actual)
•  1ª semana de setembro do curso 22/23 (mestres de nova incorporación).

2. SEGUNDA FASE.

1. DESTINATARIOS: Difusión entre as familias do alumnado.
2. MEDIO: Páxina web do centro. O PDC incorporarase ao PE no apartado de Documentos de centro no menú Drupal da páxina web do centro.
3. PRAZOS: 1ª semana de setembro do curso 22/23.

3.TERCEIRA FASE.

1. DESTINATARIOS: Toda a comunidade educativa.
2. MEDIO: Abalar móbil e rede Agueiro. Enviarase abalar do centro co enlace a unha páxina de Agueiro onde aparecerán os puntos do plan detallados e diferentes apartados vinculados aos obxectivos e ás accións realizadas a través de probas audiovisuais.
3. PRAZO. Mes de setembro (abalar) e durante todo o curso, na rede Agueiro.