Datos do centro:
Centro: EPAPU "EDUARDO PONDAL"
DIRECCIÓN: Rúa Educación 3, 2º andar, 15011 A Coruña
Páxina web: http://www.edu.xunta.gal/centros/epaeduardopondal/
Alumnos matriculados: 714
Número de profesores: 22
ETAPAS EDUCATIVAS QUE SE IMPARTEN:
- EBI, Ensino Básico Inicial (modalidade presencial e semipresencial)
- ESA, Ensino Secundario para persoas adultas (modalidade presencial e semipresencial)
- BACHARELATO réxime adultos (semipresencial)
- ENSINANZAS NON REGRADAS: galego e castelá para inmigrantes
Contextualización do Plan Dixital no centro. Contribución ao Proxecto Educativo do Centro
O Centro EPA "Eduardo Pondal" é o único centro público específico para educación de persoas adultas da cidade da Coruña. Forma parte dunha rede de 6 centros exclusivamente de alumnado adulto, dependentes da Dirección Xeral de Formación Profesional e Ensinanzas de Réxime Especial da Consellería de Educación.
As actividades lévanse a cabo en dous edificios que se encontran en dúas zonas diferentes da cidade: a parte administrativa, dirección, as ensinanzas de EBI, ESA, Bacharelato e Aula Mentor, nas instalacións do Centro de Ensinanzas a Distancia na Rúa Educación 3, que comparte edificio coa UNEd e CEFORE. O ensino de Galego e Castelán para inmigrantes nas instalacións da Praza de Nosa Señora s/n.
A oferta está pensada para todas as persoas maiores de 18 anos, en especial para aqueles que abandonaron o sistema educativo sen unha titulación básica e que queren adquirila ou ben actualizala e acceder a outros niveis. A finalidade básica do centro é impartir os niveis educativos que completen a formación académica do noso alumnado, desde o ensino básico inicial ata o bacharelato, así como a formación en lingua castelá e galega para inmigrantes.
É unha oferta gratuita e con horarios flexibles que garante os dereitos dos cidadáns a seguirse formando ao longo de toda a vida.
O ámbito de actuación do centro abrangue toda a comarca da Coruña, incluíndo os concellos próximos.
Os horarios establécense en dúas quendas (mañá e tarde) para todas as modalidades de ensino que se imparten, tendo en conta as características do alumnado e os espazos de que dispón o Centro. Revélanse como ferramenta imprescindible para completar este ensino as ferramentas dixitais, especialmente a aula virtual onde hai cursos de todas as materias e ámbitos nos que o profesorado guía aos discentes no seu percorrido pedagóxico. Este ensino para persoas adultas, permite unha grande flexibilidade de horarios, sen limitacións de tempo, lugar ou distancia, podéndose adaptar as circunstancias laborais, persoais e familiares dos alumnos e alumnas.
O alumnado do centro constitué un colectivo moi heteroxéneo desde todos os puntos de vista: idade, motivación, capacidade, etc. Cabe sinalar, porén, algunhas características comúns:
Unha grande parte levan varios anos sen estar escolarizados e carecen xeralmente de hábitos e técnicas de estudo. Por utro lado, o aumento nas porcentaxes de fracaso escolar, a crise laboral xerada pola pandemia actual e a falta de postos de traballo, fan que se incremente o número de alumnos entre 18 e 25 anos que carecen de traballo estable e hábitos de estudo e procuran unha segunda oportunidade, así como alumnos de máis de 30 que se incorporan ás ensinanzas por estar sen traballo e querer completar a súa formación.
Adoitan estar bastante motivados, aínda que por causas diferentes segundo os casos: obtención do título de ensino básico, necesidade de acceder a etapas educativas de nivel superior, desexo de promoción profesional ou cultural, necesidade de axudar ós fillos, etc.
A súa procedencia é moi variada. Na actualidade hai un importante número de persoas procedentes doutros países que carecen de titulación algunha e que precisan dunha atención específica, xa sexa polo descoñecemento tanto de galego como de castelán, como por descoñecemento da historia da nosa comunidade ou do noso estado.
Posúen unha importante bagaxe de experiencias vitais coas que poden compensar as súas deficiencias iniciais indicadas anteriormente.
Por outra banda, temos que considerar unha serie de características do alumnado segundo as seguintes agrupacións:
- Alumnos/as menores de 20 anos de idade, procedentes da ESO que no acadaron a titulación básica. Este alumnado conta cunhas carecterísticas especiais: son adolescentes coa personalidade aínda sen asentar, xeralmente en situación de desemprego, está pouco motivados e mostran, en maior ou menor medida, un rexeitamento pola institución escolar.
- Alumnos/as con contratos de aprendizaxe. Son alumnos/as de idade menor ou igual a 25 anos que están a traballar con esta modalidade de contrato. O acordo de formación inclúe unha dispoñibilidade do 15 % do tempo de traballo semanal para a formación básica, sexa pola modalidade presencial ou a distancia. Tamén neta categoría englóbanse os deportistas de alto rendemento.
- Alumnado que forman parte de grupos de alfabetización e educación básica. Benefícianse das axudas que a Consellería de Educación convoca anualmente ao efecto, asistindo ás clases co grupo correspondente.
- Alumnos/as de Bacharelato pola modalidade a distancia semipresencial. Trátase xeralmente de persoas que están a traballar e que non poden acudir normalmente ás clases presenciais nun IES e que desexan mellorar profesionalmente ou acceder a un nivel educativo superior.
- Alumnado da Aula Mentor. A oferta formativa consiste nunha ampla gama de cursos de ensinanzas non regradas dirixidas a persoas adultas que non precisan de titulación previa e impartido mediante tecnoloxías informáticas e da comunicación telemática a través de Internet. A oferta de cursos é moi variada: aplicacións informáticas, educación para a saúde, educación infantil, turismo rural, medio ambiente, mantemento de equipos informáticos, xestión de PIMEs, cursos CISCO, etc.
A modalidade de ensino semipresencial que é a maioritaria para o noso alumnado e tamén a dixital co alumnado da Aula Mentor, revela que os recursos a través de medios dixitais son unha seña de identidade do noso ensino no que é fundamental establecer unha estreita relación entre a modalidade semipresencial e o Plan Dixital de Centro (PDC), dentro do cal contemplamos unha mellora dos medios dixitais dispoñibles cuxa obsolescencia é evidente.
