Contextualización normativa en relación co Plan Dixital do noso centro:
Art. 111 bis, Art. 121 e Art. 132 da LO 2/2006, de 3 de maio, de Educación
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-20.
Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
O PD implementarase no noso centro nos seguintes documentos e ámbitos:
No PEC incluiríase como un obxectivo en toda a súa amplitude, por tratarse dun documento con maior proxección no tempo.
Contribuirá aos seus obxectivos nestes ámbitos:
- No ámbito de xestión e organización facilitar ao profesorado a dotación de recursos suficientes para o desenvolvemento máis satisfactorio posible da súa actividade docente.
- No ámbito institucional favorecer a participación do profesorado en actividades de formación permanente.
Na PXA salientase o Plan anual dixital como un recurso clave para a planificación da estratexia dixital do centro que precisará da implicación de todo o claustro para o seu desenvolvemento. Propoñeranse algúns obxectivos concretos de entre todas as facetas que abrangue dito plan. Ao final de curso avaliarase o seu logro.
O plan lector será o tempo de ler, un espazo de tempo moi axeitado para consolidar nos alumnos a afección pola lectura inclusive en medios dixitais.
No ámbito institucional, demandaremos formación e medios para avanzar progresivamente no perfeccionamento do PD.
Nas relacións con diferentes membros da comunidade educativa, procurarase dar a maior visibilidade e coñecemento posible do PD, co fin de que o valoren e repercuta así a súa importancia en todo o alumnado.
O plan dixital pretende mellorar a competencia dixital dos membros da comunidade educativa para transformar os centros en organizacións educativas dixitalmente competentes nos procesos de ensino-aprendizaxe, de xestión e de relación.
É preciso facilitar a integración e o desenvolvemento das tecnoloxías dixitais nos procesos formativos e optimizar a xestión dos recursos humanos e materiais do centro para, así, dar resposta a unha realidade social en permanente cambio e cun uso xeneralizado das tecnoloxías de información e comunicación e cunha necesidade de aprendizaxe permanente na competencia dixital.
