1.1. Datos básicos do centro
CEIP Plurilingüe A Fraga Avenida Habana s/n 15320 – As Pontes de García Rodríguez
Correo electrónico: ceip.afraga@edu.xunta.gal
Páxina web: https://www.edu.xunta.gal/centros/ceipafraga/
O centro dispón de 3 unidades de Educación Infantil e 6 unidades de Educación Primaria. Temos un total de 151 alumnos/as (40 en EI e 111 en EP) O claustro de profesores está formado por 17 mestres/as, dúas delas compartidas con outro centro. Horario: Xornada lectiva en sesión única de mañá de 9 a 14 horas. Horario de tarde (actividades complementarias) de 16 a 18 horas.
1.2. Contextualización do Plan Dixital no centro.
Contribución ao Proxecto Educativo do Centro
-Característica socioeconómicas e culturais do contexto do centro
O Colexio Público A Fraga iniciou a súa andaina en setembro de 1988 e está situado na esquina NE da vila de As Pontes. As súas orixes responden á necesidade de atender as necesidades de escolarización que naquel momento tiñan os poboados do Barreiro, do Anguieiro (Muíño) e da Fraga. Hoxe cumpre unha función esencial como dotación de servizo sociocultural desta zona do pobo. O solar que ocupa o colexio ten unha superficie de máis de 8000 m2 nunha parcela practicamente trapezoidal. Nel atópanse os dous edificios que forman o centro e varias pistas polideportivas e de xogos, así como varias zonas verdes. Foi construído en dúas partes. Nun primeiro momento o edificio principal que se organiza en torno a un gran patio cuberto central, e posteriormente o coñecido como pavillón pequeno que albergou as unidades de infantil a partir do curso 90 – 91. A raíz da aplicación definitiva da nova estrutura educativa da LOXSE e co pase das unidades de 1º e 2º da ESO ao I.E.S. Castro da Uz, este espazo foi remodelado para se converter na actualidade en aula de psicomotricidade e aula de música.
O noso alumnado conta, na gran maioría, con equipamento e conectividade na casa para poder ter unha continuidade co traballo dentro da aula. Unha porcentaxe moi pequena que o necesitou equipamento ou conectividade en anos anteriores foi compensada desde o centro con equipos Educa en Dixital. Por outra banda, tamén nos comunicamos coas familias a través de medios dixitais: Espazo Abalar, cumprimentar formularios e autorizacións dixitalmente, correo electrónico, ... Detectamos que non todas as familias teñen a suficiente competencia dixital; por ese motivo, desde a nosa aula virtual creamos un espazo de autoformación con titoriais da Consellería ou propios do profesorado. Aínda así, queda camiño que andar. O CEIP Plurilingüe A Fraga participa nos seguintes proxectos:
EspazoAbalar / AbalarMóbil: • E-DIXGAL: • Webs dinámicas: • Plan de Mellora de Bibliotecas Escolares: xestión bibliotecaria ( Koha). •Biblioteca creativa. •Grupos de. formación/seminarios: PFPP coas actividades de Polos creativos, Educación inclusiva e coeducación, biblioteca, novas situacións de aprendizaxe, e Erasmus • DigiCraft •Biblioteca creativa.
1.3. Breve xustificación do mesmo
Contextualización normativa en relación co Plan Dixital do noso centro: • Art. 111 bis, Art. 121 e Art. 132 da LO 2/2006, de 3 de maio, modificada pola Lei orgánica 3/2020, do 29 de decembro• Decreto 123/2021, do 2 de setembro, polo que se regula o Marco galego de competencias dixitais. Art. 12 da Orde do 30 de maio de 2023 pola que se desenvolve o Decreto 150/2022, de 8 de setembro, polo que se establece a ordenación do currículo da educación infantil. Art. 11 da Orde do 26 de maio de 2023 pola que se desenvolve o Decreto 155/2022 do 15 de setembro, polo que se establece a ordenación do currículo da educación primaria. En todo este marco lexislativo aparecen diferentes referencias vinculadas á transformación dixital e a necesidade dunha boa capacitación dixital compo imprescindible na nosa sociedade e xeradora de igualdade e de inclusión.
1.4. Proceso de elaboración
O Equipo de Dinamización do Plan Dixital constituise no claustro número dous, no mes de setembro e estivo constituído pola directora, o coordinador e outros tres mestres. Os inicios da elaboración do Plan Dixital levouse a cabo inicialmente dentro do PFPP 2021-2022. Este proceso foi levado a cabo entre o Equipo de Dinamización do Plan Dixital e o Grupo de traballo do PFPP. Realizouse nas seguintes fases: • Fase I. Análise e diagnose da situación do centro. o Realización e valoración do cuestionario SELFIE o Realización e valoración do test CDD o Elaboración e valoración do cuestionario DAFO • Fase II. Deseño e elaboración do Plan dixital. o Elaboración do Plan de Acción o Elaboración do Plan Dixital propiamente dito.
Na actualidade o Plan dixital foi modificado en base á memoria final do curso anterior e as necesidades do centro para o presente curso, tendo en conta as aportacións do claustro.
